ياعتريش بيه انا عمال اجرى وراك فى المواضيع وانت ولا هنا :khd:
متشوفنا ياعم موضوع رش الجنط ده عايز اعمله انا مش عارف ابقا واد روش بقا زهقت من نفسى وعايز اعمل نيولوك فى العربيه :10D5C8w1107:
شوفلنا ياعم الراجل بتاعك ده ونشوف اجيلك امتا نزبط الكلام
عرض للطباعة
ياعتريش بيه انا عمال اجرى وراك فى المواضيع وانت ولا هنا :khd:
متشوفنا ياعم موضوع رش الجنط ده عايز اعمله انا مش عارف ابقا واد روش بقا زهقت من نفسى وعايز اعمل نيولوك فى العربيه :10D5C8w1107:
شوفلنا ياعم الراجل بتاعك ده ونشوف اجيلك امتا نزبط الكلام
ههههههههههههههههههههههه
وقعت قلبي يا شوقي انا قولت في حاجة جامدة
بص يا سيدي انا جاهززززززززززززززززز - وعلي فكرة الرش والحاجات دي في مصانع خالي - متقلقش خااااااااااالص - هوا المصانع في شبرا الخيمة مش بعيد يعني
حكلم ابن خالي انهاردة تاني واشوف نعمل اية بالظبط وامتي - وموضوع الفلوس دة سيبك منة خالص - وحخليك تقابلة وتظبطوا مع بعض - هوا شاب زينا دة حتي اصغر مني - هههههههههههه
حرد عليك انهاردة
عموما مع اني ضد موضوع تغير لون الجنك بتاع السنيورة الا انك حبيبي ومقدرش اعترض :)
بتعملو مواضيع من غيري ماشي مش هنعديها و بعدين احنا كلنا هنرش ب الارباح يا عتريس هههههههههه
انا كمان عاوز اغير لون الجنط بس لسه مش عارف اعملو لون ايه عاوز اعرف بكام يا عتريس و لو حبيت اشيل اللون يا عتريس يتشال ازاي
انا بفكر اجيب السيراتو البرتقالى دا او البنى الفاتح دا لونها عجيب كدا بس لو رشيت الجنط اسود و افيمها هتبقى فاااااااااااجرة :stink[1]: .. ولا اية يا جماعة ؟؟؟:colsmil:
شبيك لبيك عتريسسسس بين ايديك
بصصوا بقي - كلمت ابن خالي واتفقت معاه اروحلو المصنع بكره بعربيتي عشان المهندس يشوف الجنط الاصلي ونوع الدهان اللي علية عشان نشوف اذا كان حيترش علية ولا محتاجين نشيل اللون الاصلي عشان الرش الالكتروستاتيك يثبت
علي الجنط وما يطلعش وحيجرب فيا انا في بطن الجنط :(
عموما احنا مش حنعمل حاجة الا اما نتاكد تماما ان الجنط مش حيطلع منة اللون ابدا او يقشر
مش عايزين نضر حبايبنا هنا :)
يعني متخفوش اكن عربيتي انا اللي حتترش جنوطها - لو حسيت انها مش تمام حقولوكم :)
حبيبي يا زوز
الالوان المطرحة حاليا الاسود لان الخامة المطلوبة للنوع دة من الرش الناس مش بتجيبها كتير - يعني ممكن نبقي محدودين بالالوان اللي عند المستورد - حقولكم عليها بكرة
بالنسبة للسعر انا كنت قولت لمحمد شوقي من فترة بس مش فاكر كام - وعموما مش كتير صدقني - انا فاكر ان الخمش جنوط كانت تكلفة الخام حاجة بسيطة - ومفيش مصاريف تانية - والرش حيبقي وانت واقف خلال ساعتين بالكتير في الافران الالكتروستاتيك
صدقني السعر كان بسيط مش حاجة جامدة :)
انا كنت فاكر انه مكسرش ال 4000 جنية - ههههههههههههههههههههههههه ه
بهرج طبعا - تقريبا كان كلو كلو من 250 الي 450 او حاجة كدة - شوقي هوا اللي فاكر :)
والله انا نفسى ارش بس خايف الحاج ميرضاش :( .. اصل العربية هتكو zero :d ..
إيه دآه هو أنا اغيب شوية الاايكم كله رايحين تروشو من غيري وكمان بتبعترو في الارباح من غير علمي هي ده الامانة :) (حلوة حتت الأمانة ده ) عموما ابقوه قولولي عملته إيه ويسلم على شوية صور بجد واحشني يا رجالة بجد :ma:
ههههههههههه 4000 ده على اساس هشتريه اسود جاهز من بريدجستون :ma:
انت كنت قايلى ياعترس الفرده ب 50 تقريبا الخمسه ب 250 جنيه
ومستنين التجربه الل هتم عليك وهنشوف ايه اللى هيحصل :B4_388:
ومتشكرين يابشا على تعبك معانا واهتمامك بس انا فعلا الحوار داخل دماغى اوى فعايز ازبطه
شغل جامد اعملة اسود ولون اخر من الداخل زى بتاع الهوندا الاصلى شفته فى بورسعيد كان شكلة جامد اوى
الاستاذ عتريس انا عتدى جنط سيراتو 15 ممكن ارشة علشان يبقا 17 ههههههههههههههههه
اخر الانباءءءءءءءءءءءءءءءءءء
اولا نبدا بالانباء الحلوة - الدهان جربناه علي جنط عادي مش بتاعي الاول عشان نشوف الخامة - جنط النترا عادي - اللون طلع تحفة - اسود لامع خرافي - تحس ان اللون عميق - وسبناه شوية واخوكم عتريس بدا الاختبارات - مية وجلانس وجميع انواع الاسبري علية - وكمان جربت اكحت الدهان مطلعش - يعني الخامة طلعت تمام امننا جايبينة جاهز زيرو :)
الاخبار الوحشة :(
جنط السيراتو 15 - 16 - 17 ممكن يدهن بنفس الطريقة بس في مشكلة واحدة :dontudear:
الجنط لازم يتحرق ويتغطس في مغاطس ازالة مواد عشان لازم يتشال من علية كل اللون والهان والمعالجة ويرجع حتة خام صافي عشان الدهان يثبت علية :(
يعني الجنط لازم فنينتووووووووووو - لا يقبل رش الا اذا رجع حتة حديده تخيلوا
انا عارف اني سديت نفسكوا بس خالي حيحلها ان شاء الله :)
قالي ملكش دعوة كل حاجة وليها حل علمي (خالي ميحبش شغل السوق والكروتة )
والصور طبعا مش عارف ارفعهم :(
يا رب خالك يلاقى حل :(:(:( ...
ههههههههههه انا قولت اقولكم الحقيقة - اصل في ناس ممكن ترشة علي دهانة وشهر شهرين وتلاقي الجنط بقي اسود في ابيض لانة حيقشر -
وممكن ناس تقولك ارشة وتشيل الدهان الاصلي من غير ما يقولك
بس انا بتعامل اكن عربياتكم عربيتي - السعر مفيش مشكلة والدهان علي الجنط المعدن حتي بتاع الالنترا (طاسات ) بردو بيبقي واخد طبقة دهان وحماية بس مش زي جنوط ال 15 -16 -17 بتوع السيراتو عشان الشكل والمظهر
عموما المهندس في المصنع بيشوف مادة ممكن تترش علي الجنط وتعمل طبقة عازلة يعرف يرش عليها -
لو لقاها فعلا يبقي مفيش مشكلة
قعد يقولي المهندس اصل الجنط زفر - وانا احاول افهم يعني اية لحد ما خالي فهمني انة معناة ان واخد طبقة دهان ومعالجة حتطرد الدهان الجديد
طلعت فضيحة يعني - مسترش في حتة ابدا - ههههههههههههههههههههههههه ههه
ههههههههههههههه لأ و الله انا برده مفهمتهاش بس كده انت فهمتني يعني ايه زفر ان شاء الله يلاقي الماده
لا زفر ديه معروفه حتى بيقولوها على دهان العربيات الدوكو يعنى
لما عربيه تكون لقدر الله فيها حاجه وهتترش يقولك لازم نحرق عليه علشان ميبقاش زفر ويعرف يرش عليه لان لازم يرش على صاج فاضى علشان فعلا الدوكو او الدهان يمسك زى العربيات لما بتتعمل فرن بتتحرق الاول وتيجى على الصاج خالص
فموضوع الجنط ده طبيعى وتوقعت كده انه لازم يحرقه علشان يعرف يرشه صح ولو معلمش كده كنت هقولك ممكن ميعمرش معانا لانه هيمشى فى الحر ويهنزل فى مياه وهيحصله كل حاجه
بس ادينى مستنى انا كمان حل انه ميحرقوش ده او لو قفلت خالص مفش مشكله لو جابه على الماتريال الاصليه نفسها لسبب بسيط اوى ان انا لو رشيته بالطريقه ديه حتى من غير ماحرقه مش هاجى بعد كده واشيله برضه فهى هى
انا موصلتش لرد ياعتريس باشا كلمنى شويه عن التنفيض ههههههههههههههههههههههههه هههههههههههههههههه
مستنيك ياعم ترد ومش لازم يرشها فوق لون الجنط مش مشكله خليه يشرها عادى ويشيل اللون بتاعها انا مش معترض
والله مش تنفيض انت لو تاخد بالك بقالي اكتر من عشر ايام مش منتظم في الدخول خالص ومش فايق اهرش - عندي مشكلة في الشغل وبلف حوالين نفسي -
عموما انا كلمت المهندس اقولو ايه الاخبار قالي لسة بيدور علي حل عشان ميجيبش الجنط علي الحديد - بس انا مش متفائل خير بالموضوع دة
شكلة لازم يرجع علي الحديد عشان يترش
واسف تاني بس والله انا بلف حوالين نفسي بسبب المشكلة - تقبل اعتذاري