غطاء زيت الموتور

**friko** · 31-05-2010 02:30 PM

لأصحاب الخبرة الرجاء الأفاده- عندى سوبر صالون 2009 بعد صيانه الالف كيلو بديت الاحظ رشح زيت حوالين غطاء تغيير الزيت فى الموتور - فى صيانه الخمسه الاف قولت للمهندس قالى لا ده بس المرة الى فاتت غالبا اتكب زيت من الفنى وها اغسل الموتور ونشوف المرة الجايه.
فى صيانه العشرة الاف كان نفس العيب وقلت للمهندس قال لا ده اسمه تبخير وده طبيعى وموجود فى كل الصنى بصراحه لم اقتنع وبعد الصيانه وعند الاتصال من خدمه العملاء اشتكيت قالوا هاتها تانى ونشوف
رحت تانى فى الاول صمموا على موضوع التبخير وبعد المناقاشات مهندس الاستقبال قالى هناخدها نشوف ضغط الموتور ونكشف عليها طبعا استغربت من ضغط الموتور ده لكن خدوها
بعدها خرجت الموتور مغسول وقالوا غيرنا جوان الغطاء بتاع الزيت
دلوقتى نفس العيب وانا داخل على ال 15 الف ياترى حد عنده رأى يفيدنى
على فكرة ده فى مركز السبع زهراء المعادى

**aiman0173** · 31-05-2010 04:29 PM

إحتمال كبير يكون مستوى الزيت أعلى من الطبيعي فبالتالي بيحصل ترشيح من عند أضعف مكان ودا غالبا بيكون غطاء الزيت ، واعتقد إن المشكلة بتيجي من إنهم بيحطوا 3 كيلو زيت مع إن الكتالوج بيقول مع الفلتر 2.7 فقط.

يبقى سعادتك تحط السيارة على سطح مستوي وتقيس الزيت ولو كان توقعي صح والزيت زيادة فاذهب لأي محطة بنزين وخليهم يسحبولك حوالي 300 ملي ويمسحوا الزيت اللي مترشح وجرب وقولنا اللي حصل ، وفي إنتظار أراء باقي الأعضاء

**mony10** · 31-05-2010 05:11 PM

المشاركة الأصلية كتبت بواسطة aiman0173

إحتمال كبير يكون مستوى الزيت أعلى من الطبيعي فبالتالي بيحصل ترشيح من عند أضعف مكان ودا غالبا بيكون غطاء الزيت ، واعتقد إن المشكلة بتيجي من إنهم بيحطوا 3 كيلو زيت مع إن الكتالوج بيقول مع الفلتر 2.7 فقط.

يبقى سعادتك تحط السيارة على سطح مستوي وتقيس الزيت ولو كان توقعي صح والزيت زيادة فاذهب لأي محطة بنزين وخليهم يسحبولك حوالي 300 ملي ويمسحوا الزيت اللي مترشح وجرب وقولنا اللي حصل ، وفي إنتظار أراء باقي الأعضاء

كلام مظبوط