او شاليمون
عرض للطباعة
أنا رأيي إن من فضل ربنا علينا إنها مياه غازية
يعني حاجة مقاطعتها لن تضرنا في شئ
فما بالنا إن كل الدراسات بتقول إن مقاطعتها مفيدة للجسم
يبقى المقاطعة هي الحل
سواء زجاجات
أو بلاستيك
أو كمان العلب المعدنية
وانا أخدت القرار من اللحظة دي خلاص بالمقاطعة
السلام عليكم
أولا انا بتعامل مباشرة مع شركات كوكاكولا وبيبسي والأهرام بقالي سنتين من خلال الشركة التي اعمل بها وهي وكيل لماكينات فحص الزجاج بعد الغسيل وقبل التعبئة وأحب اقلكم ان يوجد أخطاء كبيرة جدا من مهندسي المصانع في التعامل مع ماكينات الفحص دي ومش بيعرفو يظبطوها صح وللأسف فيه شوائب كتيييييييير بتعدي في الزجاج وبعضهم اصلا بيلغي مكن الفحص وبيعتمد علي الفحص العيني البشري وده مش بيقدر يوضح كل حاجه غير الحاجات الكبيرة فقط
لكن بالنسبة لمراحل الغسيل داخل غسالة المصنع فده بيحدث بعناية فائقة جدا وبتتغسل فعلا بمواد كيماوية وبعدها بمياة لأكثر من 4 مراحل وتحت درجات حرارة عالية يعني فعلا بتخرج زي الفل ودون ادني مشكلة ولكن لو فيه اوساخ لازقة او صعبة الغسيل او كيس بلاستيك مش راضي يطلع او شاليموه فبتخرج الزجاجات علي فحص بشري يشيل بعض اللي بيقدر عليه وبعدها علي ماكينات فحص (اللي بشتغل انا في صيانتها وضبطها وبرمجتها ) ولو الماكينة مضبوطة بنسبة 100 % مش هيخرج اي مشاكل بعدها ولكن طبعا احنا في مصر وبيكبرو دماغهم من ضبط وصيانة المكن ده لأنه مكلف جدا لأنه بيعمل تحت تكونولوجيا ( image processing ) وتكون النتيجة خروج شوائب كثيرة في المنتجات
أولا عشان اكون منصف لكم انا لا أتناول هذه المنتجات نهائيا ولا كانز ولا زجاج ولا غيره لأنه يمكن الاستغناء عنه إلا لو اضطريت اني أشربه في اجتماع او في المصنع لما اعطش وانا بشتغل ومش لاقي مياة عادية باردة لكن بره المصنع مستحيل أشربها
ثانيا أفضل منتجات هذه المصانع بالترتيب هي البلاستيك - الكانز - الزجاج شرط سلامة طريقة التخزين
ثالثا أفضل الشركات التي تعبأ هذه المنتجات بالترتيب بيبسي - الأهرام - كوكا كولا من حيث النظافة والاهتمام بماكينات الفحص والجودة والنظام و safty بالمصنع حيث أن أفضلهم علي الاطلاق هو بيبسي وتقريبا الباقي زي بعضه
ملحوظة : الأهرام هي الشركة التي تنتج الفيروز والبيريل ( شراب الشعير الخالي من الكحول )
واي سؤال تحت أمركم
ههههههههههههههههههههههههه ههههاقتباس:
يا باشا تتغسل ايه وتتعقم ايه بس ده احنا في مصر لو طالو يعملو فيها بي بي يا عم هيعملوا
والله ربنا يستر على الصحة في مصر.........
وجزاكم مثله
بس عايز أوضح نقطة وهي ان ال non returnable bottels والمتمثلة في عبوات البلاستيك والكانز دي لا تقلق من مستوي نظافتها داخليا ولكن عشان تصلك سليمة لابد من تحقق مستوي تخزين نظيف وجيد ومتوسط في درجة الحرارة لو ضمنت ذلك اشربها وتأكد انها بنسبة 95% مافيش فيها مشاكل
لكن ال returnable bottels ودي المتمثلة في العبوات الزجاجية فهي غير مضمونه لأنها بتتعرض لأسوأ معاملة في السوق المصري وبعدين ترجع تتغسل ويعاد تعبئتها وفحصها وده لا يحدث بطريقة سليمة دائما وقليلا في مصر من يهتم بهذه العملية لذلك فهي فيها مشاكل بنسبة تصل الي 50 %
وأخيرا انا مش بشربها عشان يمكن الاستغناء عنها وانا ليه أصلا اشرب حاجه سعر اللتر فيها تقريبا يساوي سعر لتر البنزين 95 ودون فائدة للجسم وأيضا عشان أصحابها معظمهم يهود وان كانو كلهم وانا مش بحب أفيد الناس دي ( مقاطعه يعني ), وأيضا انها لها أضرار بسبب كثرة شربها ولكن القليل منها عادي مافيش منه مشكلة ولكن يكون نظيف ولا توجد به شوائب
والله المستعان