يا جماعه دايو نوبيرا ولا رينو لوجان

**eljazeera77** · 02-06-2010 01:16 AM

يا جماعه انا مش عارف اقولكوا ايه ربنا يكرمكم جميعا وتسلموا على المعلومات القيمه وانتم فعلا اخوه وسند
انا حقولكوا القصه بتاعتى بصراحه انا طبيب وسافرت السعوديه سنتين كده انتم عارفين يعنى تحسين الاوضاع شويه يعنى عربيه تكون احسن من الى كانت معايا (فيات ريتمو مو 80) والله كانت جميله نعمه والحمد لله
المهم سافرت على فكره دول الخليج وبالذات السعوديه معتش زى الاول بصراحه والله الدكتور الى يشتغل فمصر كويس والله انضف من الف سعوديه او دول خليك الغربه والاهانه ليها تمن غالى اوى يا جماعه مبيحسوش الا الى يسافر
مش عايز اطلع بره الموضوع بعثت فلوس لاخويا لانى نازل خلاص نهائى بعد كام شهر ان شاء الله وقلتلو اشتريلى نوبيرا تكون كسر زيروا وحالتها تكون معقوله وذلك بسبب كلام حبايبى فالمنتدى قسم الدايو المهم ياشباب الحمد لله وقعت فعربيه مو2001 وكانت ملك دكتور بالجامعه ومبيعرفش يسوق وكان جايب سواق يسوق بيه لما يحب يروح مشوار غير كده العربيه مركونه العربيه ماشيه36000كيلو بس والله بدون مبالغه يا جماعه والحمد لله ولسه بكياسها على الكراسى ومفاتيح النور وغيره لسه بكياسه الكوتشات بتاعتها الاصليه والاستبن لسه مستخدمش
لكن انتوا عارفين زمايلنا وبلدياتنا فى فكاكتهم لما قلتلهم هنا معايا فالشغل حسسونى انى اغبى انسان بالتصرف ده وكنت جبت لوجان احسنلى وقعدوا يعددولى فى جمالها وامكانيتها حسسونى انى اخطأت
بالمناسبه النوبيرا جبتها 46000جنيه كمان
فقلت ياواد خد رأى الشباب وهما الى حيخلونى اعرف انى اخطأت ولا القرار كان سليم
معلش طولت عليكم تقبلوا مرورى واحترامى وتقدير وحبى
اخوكم الدكتور محمد

**gazzar91** · 02-06-2010 02:23 AM

طيب بالله عليك غير الكاوتش علشان زمانه شقق!! دول 9 سنييييييييييييييييييين

**m_bakr** · 02-06-2010 09:11 AM

بارك الله فيما رزق أخى العزيز
ولكنى تضايقت من الأخ الذى يقول "يا باشا لوجان ايه بس"
أنا لا أعرف سبب هذا التحامل، هل قمت بركوب اللوجان؟ أم هو رأى شخصى؟.
يا جماعة الأراء دي أمانة أمام الله سبحانه وتعالى خاصة فى حالة المقارنات
وأخر حاجة هاقولها: أنا كنت بأفكر أجيب النوبيرا قبل ماجيب اللوجان، بس خفت من توقف إنتاج النوبيرا على مستوى العالم وده سيؤدى الى تأثر أسعار قطع الغيار على المدى البعيد بعكس اللوجان المستمرة فى إنتاجها.
شكراً جزيلاً

**ahmedfouad** · 02-06-2010 10:38 AM

يا باشا قدر الله وما شاء فعل النوبيرا فيها مميزات وعيوب و اللوجان فيها مميزات وعيوب بردوا
اللى معاك هى اللى فيها الخير وطالما فى راحة نفسية للشئ ده هو الاهم
والف مبروك على الجميلة الرياضية الاقتصادية كسر الزيرو النوبيرا
وربنا يكفيك شرها ويعطيك خيرها

**eljazeera77** · 02-06-2010 11:44 PM

المشاركة الأصلية كتبت بواسطة m_bakr

بارك الله فيما رزق أخى العزيز
ولكنى تضايقت من الأخ الذى يقول "يا باشا لوجان ايه بس"
أنا لا أعرف سبب هذا التحامل، هل قمت بركوب اللوجان؟ أم هو رأى شخصى؟.
يا جماعة الأراء دي أمانة أمام الله سبحانه وتعالى خاصة فى حالة المقارنات
وأخر حاجة هاقولها: أنا كنت بأفكر أجيب النوبيرا قبل ماجيب اللوجان، بس خفت من توقف إنتاج النوبيرا على مستوى العالم وده سيؤدى الى تأثر أسعار قطع الغيار على المدى البعيد بعكس اللوجان المستمرة فى إنتاجها.
شكراً جزيلاً

اشكرك يا عزيزى
طبعا اكيد اللوجان عربيه محترمه لا خلاف
ومتزعلش محدش متحامل ولكن طبعا انت عارف الازواق ولولا اختلاف الازواق لبارت السلع
تقبل تحياتى ومتزعلش والا حتخلينى ابيع النوبيرا الى لسه ملمستهاش واشترى لوجان علشان خاطرك

**eljazeera77** · 02-06-2010 11:47 PM

المشاركة الأصلية كتبت بواسطة gazzar91

طيب بالله عليك غير الكاوتش علشان زمانه شقق!! دول 9 سنييييييييييييييييييين

علم يا باشا وجارى التنفيز ان شاء الله وربنا يباركلك على النصايح الجميله ولو فى حاجه تانيه غير الكاوتش والسيور با ريت تقولولى

**dahmedsamir** · 03-06-2010 12:37 AM

النوبيرا عربية جمياة جد فى كل شىء عن تجربة شخصية حمالة اسيه و قطع غيار و اسعار صيانة رخيصة و متوفرة فى كل مكان اتكل على الله و صلى استخارة و مش هتندم ده حتى شكلها برستيج كده

**bebo_abdeldayem** · 03-06-2010 12:39 AM

اللوجان حلوة جدا من جوة.. بس بحس شكلها متواضع شوية من بره .. عموما ده رأيي الشخصي و رأيي برضوا انها عربيه ممتازه لان كده كده الحلو مابيكملش في بلدنا دي سواء ب 50 الف او 500 الف
النوبيرا اثبتت كفائتها .. سعه لتريه اعلي موتور نشيط و حمالة أسيه.. بس انا افضل اشتري العربيه زيرو ... شايف ان احساس انك تبقي اول واحد يحط رجلة علي الدواسات ده يستاهل انك تدفع فيه فلوس كتير

**som3a2** · 03-06-2010 12:52 AM

لو أنا هختار نوبيرا طبعاً ..و انت بتقول دي مش ماشيه36 الف بس ..,

يعني استعمال نضيف ..,

انا انصحك طبعاً بالنوبيرا ...

ع فكره انا معايا نوبيرا 2005 فول اوبشن ..,وبصراحه والحمد لله بسم الله ماشاء الله عربيه روووووووعه

من كل حااااااااااااااجه .., هو بس عيب المقصات ده العيب الوحيد بصراحه .., وبتغيرهم بمقصات تانيه اسباني زي ما قال اخونا ..

بصراحه انا مش ناوي ابيعها ...هخليها ولو ربنا كرمني اجيب حاجه زيرو تانيه ..,

ربنا يوفقك ف الاختيار ..,ويكفيك شر الطريق .,

**DR/WAFEK** · 03-06-2010 01:15 AM

ما شاء الله كل اللى بيشكر فى النوبيرا معاه نوبيرا شئ طبيعلى جدا مع ان معظمهم مركبش اللوجان بص يا باشا ومش حقول اى وصف للعربيتين وانا عندى لوجان وركبت نوبيرا بس اركبهم الاثنين انت واحكم ازا كان اللوجان اتقارنت بالصنى والاوبترا والافيو وعربيات كتير اعلى منها فى السعر وتلاقى فى الناس مختلفه ده ان دل على شئ يدل على ان اللوجان عربيه محترمه وتحس انها ارقى من النوبيرا اللى بقالها اكتر من عشر سنين ومش علشان اللوجان تمنها 68 الف تبقى سيئه للاسف دى طريقة تفكيرنا العربيه متشال من عليها الجمارك زاكتر عربيه ممكن تاخد منها قيمه مقابل السعر وربنا يوفقك بس لازم تركبهم الاتنين قبل ما تقرر

الموضوع: يا جماعه دايو نوبيرا ولا رينو لوجان

LinkBack

أدوات الموضوع

عرض

-

-

-

-

المواضيع المتشابهه

شيفورليه أوبتر اللى هى أصلا دايو لاسيتى ولا دايو نوبيرا ؟

ممكن تفيدوني لو سمحتوا رينو لوجان ولا رينو سانديرو افضل؟؟؟

محتار أجيب اى عربية من دول رينو سيمبول, كيا ريو, رينو لوجان

رينو لوجان الروسى صورة طبق الاصل من رينو لوجان المغربى

رسميا .. اول رينو لوجان في النايل موتورز وصلت يا جماعه ..

الكلمات الدلالية لهذا الموضوع

المفضلات

المفضلات

ضوابط المشاركة