حد شاف الرواس قبل كده فى اى معرض ؟؟؟؟؟؟؟

**bogy123** · 31-05-2010 07:20 PM

يا جماعه بمناسبه قرب افتتاح معرض "اوتوماك" اخبار اليوم
حد شاف الرواس قبل كده فى المعرض ده او معرض "فورميلا" الاهرام ...........
معن كل الشركات بتشترك على الاقل فى معرض من دول , حتى الشركات الصينى و تلاقى الشركات تتنافس فى طريقه العرض المبهره مما يعكس مدى اهميه المعارض ديه ....

و السؤال
هل بعد ما تم التجديد للرواس ممكن يشترك فى اى معرض من دول ؟؟؟؟؟؟؟؟؟؟؟؟؟؟؟؟؟؟؟؟؟

وطبعا كل الناس الى رايحين المعرض دول فى الغالب شيلين ميتـسوبيـشى من حسابتهم فى الشراء....

وارجو من الاخوه الأفاضل اعطائى ايميل ميتـسوبيـشى اليابان او المكتب الاقليمى فى دبى , لانى مش عارف اوصلهم....

مشـــــــكورين

**mada121977** · 31-05-2010 08:19 PM

هو الرواس كان بيشارك فقط فى معرض فورميلا الاهرام ومش فى كل السنين كمان .. يعنى مشاركاته كانت على استحياء لسببين (قله العربيات المعروضه و عدم اهتمامه بفن الاعلان).. يعنى كل اللى هايعرضه هما عربيتين فقط ال لانسر والباجيرو واللانسر يعنى انت ممكن تتكعبل فيها زى ال 128 بالضبط وممكن يكون ليك حد معرفه معاه واحده فتجربها منه يعنى سهل الحصول على معلومات عنها ... والباجيرو تمنها معدى ال 600 الف جنيه يعنى مش عربيه شعبيه لا ليها زبون معين والزبون ده هايروح يتفرج عليها فى معارض مصريه التابعه للرواس ... يعنى مش لازم يوجع دماغه ويخش يشارك فى معرض ويدفع ارضيه والكلام الفاضى ده (من وجهه نظره ) يعنى هو بيحب يوفر فى نفقات الدعايه والاعلان على اعتبار انهم كماليات يمكن الاستغناء عنها

**bogy123** · 01-06-2010 02:48 PM

المشاركة الأصلية كتبت بواسطة mada121977

والزبون ده هايروح يتفرج عليها فى معارض مصريه التابعه للرواس ... يعنى مش لازم يوجع دماغه ويخش يشارك فى معرض ويدفع ارضيه والكلام الفاضى ده (من وجهه نظره ) يعنى هو بيحب يوفر فى نفقات الدعايه والاعلان على اعتبار انهم كماليات يمكن الاستغناء عنها

ماهو الكلام ده يمشى على ناس كتير مشـتركين فى المعرض و عربياتهم مليا الشوارع ذى كيا و هيونداى ............
و بالرغم من كده بيشتركوا ,,, الناس دى بتفكر انها تشد الزبون فى وقت المعرض ... و علشان معظم الشركات ليها سياسه تسوقيه فتلاقى الشركات دى ناجحه ... مش ذى الرواس موت عربيه مثلا دى الانسر الشارك....

**د.محمود صلاح** · 01-06-2010 06:47 PM

عربيته بايعه نفسها من غير معارض ...

**mada121977** · 01-06-2010 07:20 PM

المشاركة الأصلية كتبت بواسطة bogy123

ماهو الكلام ده يمشى على ناس كتير مشـتركين فى المعرض و عربياتهم مليا الشوارع ذى كيا و هيونداى ............
و بالرغم من كده بيشتركوا ,,, الناس دى بتفكر انها تشد الزبون فى وقت المعرض ... و علشان معظم الشركات ليها سياسه تسوقيه فتلاقى الشركات دى ناجحه ... مش ذى الرواس موت عربيه مثلا دى الانسر الشارك....

مانا بقول لحضرتك دى وجهه نظره هو .. اما الشركات التانيه زى كيا وهيونداى برغم ان موديلاتها ماليه الشوارع الا انها تقدر وتحترم علم الدعايه والاعلان وبتنتهز اى فرصه لابراز موديلاتها ومنتجاتها .... يعنى المشكله فى طريقه تفكير الاداره المسؤله عن التوكيل التى لاتهتم نهائيا لا بالدعايه ولا بالاعلان عن سيارتها

**Kareem_A** · 01-06-2010 07:25 PM

الفكرة زاى ما قال الاستاذ mada

و هو ان كل العنده عربيتين , و احدة منهم بتبيع من غير ما يعملها اعلان واحد حتى

يبقى لازمته ايه يدفع تمن الارض و العربيات الهتتبهدل

**kemoelord** · 02-06-2010 02:50 AM

سيارات ميتسيوبيشي لن تشارك في المعرض القادم " اتوماك "

**Ahmed Samy** · 02-06-2010 02:54 AM

اغنا ليا واحد صاحبي

شغال مندوب مبيعات ........

ماسك ايه بقى ؟؟؟؟

فلوموكس

الباشا بيعمل تارجت و هو في البلكونة

يشتغل ليه و الحاجة بياعة

**Daash** · 02-06-2010 05:08 AM

والله انا بفكر نعمل اجتماع لكل مالكى الانسر ونبتدى نراسل شركة ميتسوبيشى ونقولهم ان فى تقصير فى الدعاية
ونبتدى نتكلم على الاكسسوارات الغالية يمكن يسمعولنا ؟؟ ايه رأيكم ؟؟

الموضوع: حد شاف الرواس قبل كده فى اى معرض ؟؟؟؟؟؟؟

LinkBack

أدوات الموضوع

عرض

-

-

-

-

المواضيع المتشابهه

صيانة فى الرواس

معرض الغرفة الامريكية هو افضل معرض للتوظيف بمصر Amcham

عقد الرواس خلص النهارده!

صدقت جريدة الفجر و كذب الرواس - الرواس مجددش مع ميتسوبيشى

رقم تليفون الرواس ؟

الكلمات الدلالية لهذا الموضوع

المفضلات

المفضلات

ضوابط المشاركة