حاضر يا دكتور محمود
العربية ما شاء الله جرايه بطريقة بشعة جدا جدا جابت معايا 160 بسهولة جدا وكان فيها كمان بس انا بصراحة خفت
الثبات على الطريق عالي جدا جدا مقارنة بالنيو اكسنت الي بعد 140 بقت ورقه على الطريق

سعرها 78 .. مقارنه بفئة 1400 تعتبر عربية غاليه
بس تقفيل كيا كوري 100 %

كفاية مطبوع على الكبوت صنع في كوريا
ومتنساش ان الكيا تعتبر العربية رقم واحد في كوريا


بالنسبة للنيو اكسنت
انا فعلا كنت هجيبها
بس سبقني فيها احد الاصدقاء بشهر واحد بس
وللاسف ندم تماما
لاسباب كتيرة منها
العفشة
معاملة الوكيل الغير ادميه
عدم الثبات على الطريق
مفيش مرايات كهربا
ولا كشافات ضباب
والشكل الغير جزاب بالمره

انا بصراحة اخترت الكيا لانها عربية تحافظ عليها وتديها تديك فعلا وعن تجربة من كل الاصدقاء الي معاهم كيا
واكيد تجربة شخصية من اخويا الدكتور محمود
وكيل كيا فعلا محترم جدا

واغرب حاجة قابلها في الريو
ان شكلها الامامي شبه السيراتو بالزبط
وكل الي يشوفها يقول عليها ميني سيراتو
وانا بضحك ولا تعليق

لونها الي مكنش عاجبني بعد الكمليان الي حطيتها واعجاب الناس بيه شدني اوي وبقى لون مفضل عندي بجد

فيها لمسات جميله من جوه بجد

انا هصورها وهرفعهالكم قريب جدا جدا

وكفاية ان مفتاحها مفتاح وكيل يعني لو ضاع منك هتلطم جنبها

انا مبسوط بيها اوي