الف مبروك وربنا يبارك فيها
عرض للطباعة
الف مبروك وربنا يبارك فيها
انا بأشكرك علي ردك وعلي حرصك علي ممتلكات الاخرين ربنا يجازيك خير عن الجميع
بالنسبة للمعرض انا قبل ماخد منة سألت وعرفت انة اصلا من المستوردين الرئيسيين بالنسبة للخليجي وتعاملهم محترم وهو بدأ يبيع للافراد من فترة وكل المعارض الكبري عارفينة
طبعا انا ركزت علية او علي غيرة من المستوردين الكبار زي عبد الشهيد علشان هامش التفاوض يبقي اعلي
ثانيا بالنسبة للسعر مع احترامي لكلامك ومصدقك مليون في المية بس اعتقد انك بتتكلم في فئة تانية مواصفاتها كالتالي
نفس مواصفاتي بس تنقص الدواسات النيكل والشكمان النيكل-نوعية الفرش مختلفة-الفرامل الخلفية مش ديسكات ولكنها طنابير-مافيش سي دي تشانجر-مافيش مفتاح بصمة-مافيش ولاعة سجائر ولا طفاية
انا علمتلك علي الحجات الاساسية اللي انا واثق مليون في المية انها لو موجودة مش هاتقل عن 116000
ان بفالي 55 يوم بالف علي المعارض وعرفت كل التفاصيل عن السيراتو والكارينز لانها كانت من ضمن الاختيارات الاولي
ولو فية حاجة اقدر اساعد بيها اي عضو انا تحت امرة
واشكر الجميع
الف مبروك ربنا يباركلك فيها
والسعر و الاوبشنز مناسبين جدا
اولا شكرا لاهتمامك ياباشا
وبعدين اللى سألت عليها مكنت بصمة تقريبا ولا فرش جلد بس الباقى موجود
ربنا يسهل
بالنسبة للتأمين والله دى مزاجات بس انا بشوف حجات غريبة منهم من شركات التأمين حصلت مع ناس كتير اعرفهم بس لو ناوى تأمن انضف شركة تأمين هيا اليانز
اللى بيحصل بقا من شركات التأمين كالاتى
اى خبطة متوسطة ممكن تتقلب من مقايسة التوكيل باهلاك كلى وطبعا تيجى تحسبها تلاقيك خسران 100% هياخد منك العربية وهيديك الشيك او الفلوس بعد طلاع روح وطبعا هيديك المبلغ المؤمن عليه بس وهوا هيكسبالعربية اللى هيبيعها ف مزاد وترجع فابريكا تانى
فانا رأى انك تطلع حاجة لله او تدبح وتوزع الضحية على ناس غلابا ودى هتبقا احسن تأمين ان شاء الله
والله انت فيك شئ لله انا دة اللي بيدور في تفكيري من قبل ماستلم العربية وعن اقتناع تام وبفضل ربنا نيتي والنية لله
ان الفلوس اللي الواحد كان هايدفعها تأمين اطلعها لوجه الله مش بقصد الالتفاخر او التباهي بس بنية ان فية في البلد بتاعتنا ناس احوالها تصعب علي اي حد ومحتاجين اي شكل من اشكال المعونة سواء لمرضي أو لطلبة او حتي لشاب يبتغي العفة هو دة الدور اللي لازم نقوم بية
مش يبقي علي قلبي زي العسل لما ادفعهم تأمين
وعلي قلبي زي الحجر لما اطلعهم لوجه الله "تلاقي الواحد من دوول اتمطع ودبح فرخة مثلا"
تحياتي وشكري ليك
ربا يباركلك ف العربية ان شاء الله ويديك خيرها ويبعدك عن شر الطريق
بس على مهلك العربية دى بتطمع ف الجرى بدرجة غريبة