عايز اعرف كل مت يخص سير التقسيمة للانوس و عايز اعرف يعني ايه السير متفدم او متاخر و ايه الي بيحصل للعرابية في كل حالة و كمان ازاي اتاكد ان السير في عربيتي سليم علما انا مهايا جوليت 2005 و فعلا مع كل الشكر و التفدير.
عرض للطباعة
عايز اعرف كل مت يخص سير التقسيمة للانوس و عايز اعرف يعني ايه السير متفدم او متاخر و ايه الي بيحصل للعرابية في كل حالة و كمان ازاي اتاكد ان السير في عربيتي سليم علما انا مهايا جوليت 2005 و فعلا مع كل الشكر و التفدير.
متابع باهتمام
إتفضل يا باشا
الملف دة فيه اللى انت عايزه
دعواتك
DL: http://www.megaupload.com/?d=WLOIJA4S
الملف الذي تحاول الوصول إليه غير متوفر مؤقتاً
شكرآ على الملف وانا نزلته والرابط شغال زى الفل
شكرا خاص لجميع الاعضاء المهتمين بالاجابة على الاسئلة واللذين يمدونا بالكتيبات والمعلومات
تحية لكم جزاكم الله خيرا
انا نزلت الملف طلع بتاع اللانوس 1600 2 كامة بس بالنسبة لل 1500 كامة واحدة الفكرة قريبة جدا لما هو موضح بالملف بس اسهل ( يعنى الملف مبين ترسين كامة فوق و ترس كرنك تحت - حيبقى لل 1500 ترس واحد فوق مع ترس الكرنك تحت )
صعب تحدد صلاحية السير بمجرد الكشف بالنظر يعنى ممكن يبقى باين قدامك زى الفل بس قرب يتقطع فى اى لحظة
لازم يتغير كل 40 الف و انا عن نفسى بغيره من 30 الف لغاية اقصى حاجة 40 الف كم
بالنسبة للتاكد ان السير مش مرحل سنة :
- بتتفك غطاء علبة السير العلوى و السفلى
- بتظبط العلامة الى على الترس العلوى ( بتاع الكامة ) على العلامة الى على جسم العلبة
- و يتم التاكد ان العلامة الى على الترس السفلى ( بتاع الكرنك ) قصاد العلامة التحتانية على جسم العلبة من تحت
- لو العلامات الى فوق و الى تحت مظبوطين يبقى التركيب سليم
- لو مش مظبوطين يبقى يا التركيب مكنش سليم او السير نط سنة
بالنسبة لو السير مقدم او ماخر حياثر بالسلب على اداء الماتور و حيبقى مخنوق لان توقيت فتح الصمامات مش متوافق زمنيا مع حركة البساتن و لو الترحيل زيادة ممكن البستن يخبط الصمام و يسبب تلفيات مدمرة
شكرا علي المعلومات ديه بس لو فيه رسمه توضح الدليل بتاع الترسه ده يبقي تمام وهل الترس يتلف بالايد ولا اظبطه ازاي يعني عشان احط الدلايل قدام بعض
شكرا