الموضوع: المقدمة 40 فالمائة و الباقى على 3 سنين

لا طبعا كتييييييير جدا
وعموما اي تقسيط تبع معرض هيبقى بالنسبة دي او اكتر
لو هتشتري زيرو عليك وعلى شركات تقسيط السيارات مثل كونتاكت
الفايدة في السنة هتبقى 8,18 % يعني
مثلا لو هتبقي مبلغ 70 الف جنيه

في المعرض هيبقى عليه فوايد 15*3 45% في 3 سنين ((فايده 31500 ))
اما كونتاكت 8,18 *3 24،5 % في 3 سنين ((فايدة 17150 ))

عموما شركات التقسيط غير انك تقسط تبع بنك سواء شرعيا او من حيث وجوب تقديم الضمانات
طبعا المعرض مش حرام ولا حاجة بس غالي اوي
بالتوفيق

طبعا الفايدة مش عالية .... دية جنونية ومستفزة كمان .... لان 3 سنوات مده قصيره !!!

حضرتك شوف البنك العربى الافريقى ... انا كلمت البنك مباشرتاً والناس محترمين جدا واجرائتهم واضحة ... و النظام كالاتى :- بتدفع 50 % بصورة البطاقة فقط .. والفائدة 8,3 % سنويا ... وحضرتك الى تحدد سنوات القسط .... وفى عندهم انظمة تانية .. يعنى لو انتا عاوز تدفع 40 % بس ومعاك جواب Hr ... ممكن يمشو التقسيط بردة بس انا مسألتش عن النظام دة الصراحة ... واجراءات البنك بتخلص فى 15 يوم عمل ... يعنى من غير الجمعة والسبت

ودة الهوت لاين بتاعهم 19555

وطبعا شركه كونتاكت من اكتر الشركات المحترمة الى ممكن تتعامل معاها وكفاية التأمين بتاعها ... بس اعتقد انهم بيطلبو ضمانات كتيرة (( مش متأكد الصراحة)) بس اسمع عنهم كل خير من كل الناس الى اتعاملو معاهم .

* نصيحة اخوية شوف العربية الى عجباك وهات بيان سعر بيها واتعامل مع البنك مباشرتاً بدون الدخول مع معارض السيارات ... لانهم 95% نصابين وحرامية واسعارهم وهمية ..... وحاول تجيب العربية من التوكيل مباشرتاً يعنى لو شيفورلية هاتها من المنصور لو هيونداى هاتها من غبور ... فيات تويوتا هوندا وهكذا ................ صدقنى كدة احسن كتيييييييييييير وعن تجربة اصدقاء ليا .

اسف جدا جدا
نسيت اكتب لكم ان العربية مستعملة موديل 2005 دايو 2 جميع الكمليات . و ليست جديدة
ايه رأيكم ؟ و ده احسن لى من الجديد عشان الجديد عايز اوراق و ضمانات و انا بشتغل موزع موسيقى و ملحن و ماليش مكان محدد . بشتغل لحسابى . فأكيد تقسيط الزيرو مش محتاج الجوابات و الذى منه . و شكرا

مفيش مشكلة ،،

البنك العربي الإفريقي مبيطلبش ضمانات ،،

طلاما هتدفع نص ثمن العربية ،،

إيصال كهربا باسمك بس ،، هوا ده المطلوب ،،

فعلا ؟ بيقسط المستعمل ؟ و لاتقصد حضرتك الزيرو ؟