طبعا صاحبك مش غلطان حتى لو مش سكرانه
والمنظر ده شفته ادامى مره و معرفش ايه الى حصل للراجل طار ونزل على الارض بسبب انه بعد مطلع على الرصيف رجله نزلت تانى مش عارف ليه
واظن برضه ان حادثه زى دى مدام كان ملتزم بالسرعه القانونيه محدش يلومه او يعمله حاجه
عرض للطباعة
كان سايق 128 موديل اوائل السبعينيات " طبعا لازم يكون طايرررررررررررررررررر فى حدود السرعة القانونية.:mahf(5):
والعربية كانت محملة بأسرته واولاده ...
امبارح حصل معايا حاجة غريبة وانا على الكورنيش امام نادى السيارات اللى فى ميامى
و جاى انا فى الحارة أقصى الشمال فى اتجاة المنتزة وعلى شمالى الرصيف
وافاجأ بمجموعة شباب على نساء على اطفال بيعدوا السكة من أمام رصيف البحر ليصلوا الى الرصيف اللى فى المنتصف
كلهم شافونى وكان واضح عليهم انهم طبعا هيستنوا لما أنا اعدى
ما عدا شبوب مليان شوية قرر انه ينتظرنى اعدى وهو واقف فين ؟؟؟؟
فى منتصف الحارة اللى أنا ماشى فيها :B4_444: وهو حاطط ايده فى جيوب البنطلون وبيصفر تقريبا
طبعا قعدت على الكلاكس و تقليب نور لسيادته بس الظاهر انه كان واخد موقف :8954[1]:
تفاديتة الحمد لله لانى كنت ماشي بسرعة معقولة ...بس مش عارف ابرر تصرفة
الأشارات الألكترونبة حل مناسب لواستعملة الناس بتحضر وفعلا نسبة كبيرة من الحوادث بتبقى جنب الأنفاق استهتار غريب وفى ناس اغرب بتعدى بسرعة اللى بيتمشى فى صالون بيتهم وربنا يستر ونبطل استهتار قبل ما البلد تقفل نت كتر الفهلوة والأستهتار
الحلول الجذرية هى
1- زيادة عدد الأنفاق بحيث يكون بين كل نفق وآخر ما لا يزيد عن 500 م
2- غرامات فورية وتطبيق صارم لها على المشاة المخالفين
3- كاميرات مراقبة للطرق وللسرعات مع تطبيق صارم وجاد للقوانين على الكافة
4- تفعيل قانون الإلتزام بالحارة المرورية
5- تكثيف التواجد الأمنى وإشعار الناس أن الهدف هو سلامتهم وليس جباية المال
6-فصل شرطة المرور عن وزارة الداخلية واستقلالها لمنع سحب الضباط لتأمين المواكب وغيرها
7- تفعيل قانون حبس المخالفين للسرعة ولو 24 ساعة
8- الرقابة الجادة والصارمة على أمن ومتاتة السيارات بشكل مستمر وليس عند تجديد الرخص فقط
9- رفع رواتب العاملين بالمرور بشكل يكفل لهم حياة آدمية
10 - التركيز على نشر الوعى المرورى بوسائل الإعلام المختلفة خصوصا التلفيزيون لتوعية المواطنين بخطورة الأمر
نفس تفسيرك السابق..السبب هو أنه يريد الشعور بلذة الانتصار..(قدرت أغلب العربية هاهاهاااا)..تفكير طفولي وشعور بالقهر وهوان نفسي ومحاولة لإزاحة ذلك بادعاء القوة والبطولة لأنه يعلم يقينا أنك ستحاول تفاديه بكل طريقة (لأنك مش عاوز مشاكل)..المشكلة بقى لو إنك معرفتش تفاديه ساعتها هيعرف فعلا إن النفس شئ غال ولا يجوز اللعب بها بهذه الطريقة
في واحد صاحبي لما بيلاقي حد كده بيقرص بالعربية زيادة عشان اللي واقف يفهم إنه مجنون ومش فارقه معاه فغالبا اللي بيعمل كده بيلم نفسه
كلام ممتاز جدا
هههههههههه اكيد صاحبك كان طاااااااااااير بال 128 طبعا
على فكره والله اول مره بعد مشتريت ال 128 وطلعت على البحر وكان معايا الاسره برضه وواحد بتعدى كوبرى استالى من اوله كده بعد الدوران وانت داخل على الكوبرى
الاخت ماسكه الموبايل وبتتكلم وهى بتعدى الطريق
وجت ادام العربيه واتمسمرت فى الارض وانا دمى هرب لانى اول مره اسوق ال 128 وضربت فرامل جامد والى معايا فى العربيه قالو خلاص حخبطها لكن ستر ربنا انها اتحركت بسرعه من ادام العربيه
وكان رد فعلى انى طلعت راسى من الشباك بدون مشعر والله وشتمتها
ولاقيت الى فى العربيه معايا بيضحكو عليا من رد فعلى
وعلى فكره الحته بتاعه ميامى دى داااااااااااااايما يحصل معايا نفس الموقف
وخصوصا ان الرصيف الى فى النص رفيع وعالى فمحدش بيصبر ان العريبيات تعدى بيرمو نفسهم بكل هبل وعبط
وخصوصا الشباب الى بيحبو يستعبطو ورامينها
ربنا يستر طريقنا ويكفينا شر الى رامينها دول
الصيف عندي فصل بلا كورنيش أساسا...فقط أستخدم السريع والدائري والدولي
باستثناءات محدودة جدا وهي:
من قبل الفجر بساعة حتى الساعة الثالثة ظهرا على الأكثر في الاتجاهين
يساعدني في هذا أن مشواري من وإلى أبوقير يسهل فيه استخدام طريق الملاحة ومنه إلى السريع أو الدولي أو البحر (من بعد 45 أو شارع الإقبال)
الصيف والكورنيش في اسكندرية كارثة
ومن أكثر الأمور صعوبة من يعبرون الكورنيش مجموعات من وإلى البحر طوال اليوم وجسمهم مليئ بالتسلخات فبالإضافة لكونهم غير معتادين على عبور طريق بهذا الشكل فإن هذه التسلخات تزيد من صعوبة حركتهم أصلا..والألذ لما يكونوا ماسكين كراسي البحر الطويلة وماشيين بيها بالعرض.....الله المستعان ...أنا دلوقتي بافتكر الحاجات دي ودي ابتدى يفور
بما إن طريق الكرنيش هو الشارع اللي بمشي فيه يوميا مرتين و تلاتة بحكم سكني فأحب أقول إن أسوء نوعين من العابرين هما:
1- عيل لابس المايوه فقط لا غير و حافي وماسك الجينية اللي أمه عاطياهوله و بيعدي علشان يجيب ايس كريم من الناحية التانية
وبحكم إنه حافي والاسفلت مولع فبيجري زي لاهبل وهو قابض على الجنية
الغريب إنك لما بتدوسه -طبعا- بيفضل طابق على الجنية و مابيسيبوش أبدا !!!
2- القافلة وهي عبارة عن عائلة سعيدة فيها 4 ستات و 28 عيل ومعاهم راجل ضخم لابس جلبية و غالبا كرشه كبير , القافلة دي غالبا واقفين في صف مائل على الطريق ( زي كده في الصلاة والإمام يقول القبلة إلي اليسار قليلا -بسبب سوء تصميم المسجد- عارف شكل الصف بيبقى إزاي؟ )
المهم لما الراجل أبو كرش يعمل فيها مدير الأمن و يقف في وسط الطريق ويشاور للعربيات اللي جاية طايرة علشان تقف
ده بقه لو تعرف تفاديه -فضلا لا أمرا - لازم تدوسه علشان مايعملش أبو الرجالة تاني