اقتباس المشاركة الأصلية كتبت بواسطة abdallahyassin مشاهدة المشاركة
السلام عليكم
ممكن يا جماعه تفيدونى اعمل ايه ؟
انا مليش خبره فى السيارات تماما وعجبانى جدااااااااااااا السيراتو وقريت كل اللى اتكتب عنها فى المنتدى هنا
بس لحد الان مش عارف ابتدى منين

وعندى كذا سؤال ممكن تجاوبونى عليه؟

1- هل الخليجى ممكن تقسيطه مع البنوك؟
2- ايه احسن المميزات الى ممكن تبقى ف العربيه ومتعملش مشاكل زى الجنط لب17؟
3- الوكيل دلوقتى مش بيسلم فورى لا لازم استنى 3 شهور ( كلمتهم بنفسى ) فالحجز بيكون انى ادفع الفلوس كاش ولا بيبقى مجرد مقدم ؟ وهل ممكن حد اللى يدفعه لحد ما ييجى معاد الاستلام واروح بنفسى لانى مش فى مصر وحبقى محتاج العربيه من اول ما انزل
4- ياسين بتاع الكيا اللى ف مصر الجديده عند نادى هليوبوليس ده يعتبر تبع الوكيل ولا خليجى؟ وهل عنده استلام فورى بس ضمان الوكيل؟
5- معارض الخليجى التانيه غير جابر عبد الشهيد ؟


انا اسف كلامى مش مرتب بس دى اول مشاركه ليا فى المنتدى

وشكرا جدااا للقائمين على المنتدى ككل وخاصه كيا استفدت منهم كتير
1- الخليجى مش بيتقسط مع بنك ناصر الاجتماعى اللى هو اساسا طريقه تقسيطه شرعياً
2- الجنط 17 مش عامل اى مشكله مع احترامى لآراء باقى الاعضاء اللى معارضين الجنط 17
3- فى معارض بتسلم وكيل فورى لكن بسعر اعلى حوالى 1000 او الفين جنيه
4و5 - ممكن ناس هنا تفيدك فيها اكتر منى