كوبري قصر النيل؟؟؟

**A7MED_PHARMA** · 01-06-2010 06:23 AM

شوفتوا كوبري قصر النيل قبل كده؟؟؟

..

..

..

..

..

**A7MED_PHARMA** · 01-06-2010 07:23 AM

المشاركة الأصلية كتبت بواسطة zaza2002

اولا:شكرا على الصور الجميله ده ثانيا:انا كنت عايز اسالك يادكتور هو دواء دورميفال كويس لعلاج الارق و النوم وياترى الجرعه بتاعته قد ايه لانى عندى ارق جاااااااااااااامد جدا اليومين دول وفى ناس قالتلى عليه ولك جزززززززززيل الشكر

دورميفال من العقاقير المنومة والمهدئة التي لاتنتمي لجدول الأدوية المخدرة
وهو فعلا كويس..
بس لو قلة النوم بتاعتك ناتجة عن التفكير أو القلق
يبقا صعب إن الدورميفال يجيب معاك نتيجة

..والله أعلم..

**A7MED_PHARMA** · 01-06-2010 08:52 AM

المشاركة الأصلية كتبت بواسطة esraatefa

يااه دى فى سنة كام؟:u_thin1[1]:
اصل انا ملحظه ان مفيش ولا اوتومبيل كله حصنة
بجد صور اول مرة اشوفها صور جميلة ونادرة
ميرسى جدا على الصور يا دكتور

وياريت نرجع بالزمن لورااا الشوارع مافيهاش ولا ورقة مرمية

'طيب تخيلي كده
إنك صحيتي من النوم ..ركبتي عربيتك
وروحتي طالعة على كوبري قصر النيل..لقتيه بالظبط زي الي في الصورة
تخيلي ممكن يحصل إيه؟؟

لو أنا روحت لقيت كوبري قصر النيل بالمنظر ده دلوقتي
هروح أجيب حواوشي ومخلل
وأقعد في وسط الطريق(عادي جدا بقا ...مفيش عربيات ولا أي حاجة هتوجع دماغي)
وأقول للناس إتفضلوا
يقولولي "يزيد فضلك ياداكترة"

**kar!m** · 01-06-2010 11:59 AM

أنا بصراحه اللى لفت نظرى لبس الناس فى الصوره و لبس الناس دلوقتى .. مع ان الصور مش من زمان قوى الا ان حصل اختلاف كبير جدا فى اللبس و العادات و التقاليد و اخدنا حاجات كتير من الغرب ايام احتلالهم لينا ..ويمكن ده كان هو الغرض من الاحتلال أصلا .
للأسف احنا من اكتر الشعوب اللى بتتنازل عن هويتها بسهوله .. يعنى لما نسافر أى بلد نلبس زيهم و نتكلم زيهم و برضه لما حد من أى بلد تانيه ييجى عندنا نلبس زيه و نتكلم زيه.
الكارثه بأه ان لما يكون فى حد مننا لسه متمسك بعاداته وتقاليده ننتقده ونضحك عليه و نقول عليه متخلف و رجعى.

**MTAK** · 01-06-2010 01:04 PM

ايه يا دكترة عمال تدور فى الماضى القديم بقالك فترة
على العموم لا تسترسل حتى لا تسقط من الكمد و الغيظ و الحسد للناس اللى عاشوا ايامها.
انظروا الى الصورة قبل الاخيرة
و شوفوا الامشجية اللى ماشيين مع الموكب الحصانى
و اتفرجوا على الشارع و نظافته
و مش عايز اقول اكتر من كده

**Karim_Mohy** · 01-06-2010 01:19 PM

يــــاااااااه......البلد فاضية...........لا وفيه عسكري واقف

-

-

-

الموضوع: كوبري قصر النيل؟؟؟

LinkBack

أدوات الموضوع

عرض

كوبري قصر النيل؟؟؟ - انشر الموضوع فى :

-

-

-

-

المواضيع المتشابهه

افتتاح كوبري فوه علي النيل

هو كان في ايه تحت كوبري التونسي؟؟

كوبري جوه العمارة!!!

شاب يشنق نفسه أعلى كوبري قصر النيل بعد خلاف مع خطيبته

كوبري 6 اكتوبر

الكلمات الدلالية لهذا الموضوع

المفضلات

المفضلات

ضوابط المشاركة