من فضلكم ايه افضل نوع فرامل خارج التوكيل وسعره ومنشأة
عرض للطباعة
من فضلكم ايه افضل نوع فرامل خارج التوكيل وسعره ومنشأة
انا اشتريت ال asuki و بقاله معايه حوالى 5000 كم, ملوش صوت خالصانا شايفه مناسب لسعره انا كنت جايبه ب 170 جنيه.
يابانى
http://www.nilemotors.net/Nile/image.../wol_error.gifهذه الصورة بحجم اخر انقر هنا لعرض الصورة بالشكل الصحيح ابعاد الصورة هي 1600x1200 الابعاد 655KB.
http://i35.tinypic.com/2qs6h43.jpg
http://www.nilemotors.net/Nile/image.../wol_error.gifهذه الصورة بحجم اخر انقر هنا لعرض الصورة بالشكل الصحيح ابعاد الصورة هي 1600x1200 الابعاد 695KB.
http://i33.tinypic.com/wrcbro.jpg
170 الامامي(العجلتين)ولا أيه بالظبط
....؟؟؟؟؟؟؟
ايوه......
اخي الفاضل
اين يباع هذا النوع فقد سالت علية ولم اجدة
مع الشكر
تيل الفرامل الامامى للانسر الاصلى هو sumitomo وساعات يكون الاصلى برضة بس اكواد فقط وثمنة 400 جنية والاصلى فى التوكيل فقط لا غير والاقل من كدة اعرف علطول انة مضروب
علي فكرة ياشباب انا سمعت من ميكانيكية كتير جدا وكمان احاب عربيات ان التيل الاصلي ومن التوكيل بعد مابيركب بيصفر برده. فالناس جربت التركي والكوري بيقولو عليه افضل وانعم عالطنابير والفرامل تحسها حلوة اوي. انا اول مرة اسمع عن النوع اللي فوق ده وهسال عليه.
انا غيرت التيل الاصلى اللى العربية كانت نازلة بيه بعد اول 7 الاف كيلو لانه كان بيصفر بصوت عالى جدا و ركبت تيل المانى اسمه sk و شغال معايا و مابيصفرش خالص و سعره 120 جنيه
مفيش تيل موجود فى السوق أفضل من الأصلى و اللى جرب تيل و عجبه أكتر من الأصلى يبقه بيتهيئله عشان هو استخدامه خفيف و جودة التيل اللى شاريه غير أصلى مغطيه احتياجاته فا مش حاسس بمشكلة........
الفرامل بالذات مافيهاش هزار و انا جربت انواع كتير جدا الناس بتشكر فيها جدا زى كده و معجبتيش خالص و مسدتش معايا فى الأداء اللى أنا محتاجه و رجعت للاصلى....
الفرامل ما فيهاش هزار يا جماعه............ و موضوع التصفير ده ناتج من غسيل البواب للعجل بالماء الصبح فا بييجى على التيل مياه و فيها تراب و رمل من السفنجه أو الحته اللى بينضف بيها و ساعات كمان بيبقه فاضل فى الجردل شوية ميه مليانه طين و رواسب و عاوز يتخلص منهم يقوم دلقهم على العجل و صباح الرمل و التصفير اللى هيبقه فى التيل!!!!!!!
في نوع أسباني اسمة ريمسا مالوش صوت وعن تجربة ممتاز جدا بحوالي 180 جنيه
التيل الأصلى تجربة فاشلة حتى لو رخيص
ما بالك انهة ب 420 جنية حرام الى يدفع المبلغ ده فى أداء ضعيف وعن تجربة
فى ناس بتحاول تخوفك من البديل
احب اطمن الناس لانك كمان مش هتستخدم حاجة مصنوعة تحت بير السلم عشان نخاف منها
الا إذا كانت حالة نفسية وبتحب تشترى الأصلى أى كان ظروفة
دى حاجة تانية
لولا اختلاف الأذواق و القناعات لبارت السلع............ واضح ان اللى مقتنع بحاجه مش مستعد يغيرها و فيه اللى مقتنع بالأصلى و فيه اللى مقتنع بالبديل و الأتنين بيقولوا عن تجربه!!!!!!!!!!
أنا قولت قبل كده كلمه بعد أذنكم هاعتبرها حكمه ........(كل واحد حسب متطلبات استخدامه).
بس ليه ملاحظة على كلامك........
انت مش من حقك تقول على التيل الأصلى تجربه فاشله لأن فيه ناس كتير مركباه و مبسوطة و مقتنعه انه أحسن تيل و لكن من حقك تقول على تيل معين غير أصلى انت جربته انه أحسن من الأصلى حتى و ممكن جدا يكون فعلا أحسن من الاصلى بجد و محدش هيقدر يراجعك فى كلامك إلا عدد قليل جدا من الناس اللى بالصدفه جربوا التيل اللى انت جربته و عندهم رأى فيه.
عن تجربة لانواع تيل الفرامل الكورى و التركى و اليابانى و التايوانى و الاسبانى و كل بلد منشأ اكثر من نوع بعضهم يعطيك احساس النعومه و اخر اكثر خشونة عند الإستخدام او حتى عند لمس التيل بالايدى قبل تركيبه و بعضهم اكثر كفائة فى الفرامل فى بداية إستخدامة!! والإستنتاج الذى ليس فيه اى مجال للشك ان جميعهم بيأثرو على الطنابير او بمعنى اخر بيبوظو الطنابير و بيبقى فيهم عالى وواطى وبتحس بيهم عند الضغط على الفرامل على سرعة برعشة فى الدريكسيون والحل الوحيد هو خرط الطنابير (وده تكلفته 30 جنيه لخرط الطنبورتين و 20 جنيه للفك و التركيب ) او استبدالهم التيل الوحيد الذى لا يعطى هذه النتيجة هو التيل الأصلى, ايضا استهلاك التيل يختلف على حسب طريقة إستعمال المستخدم (سواقته) ولكن إذا سبتنا جميع المتغيرات بإعتبار انى المستخدم الوحيد لعربيتى و محدش بيسوقها غيرى و هى نفس المشاوير استطيع ان اقول ان التيل الغير اصلى يتراوح عمرة ما بين 6-15 الف كيلو كحد اقصى والتيل الأصلى ما بين 25-30 الف كيلو كحد اقصى على طريقة سواقتى اى تقريبا ضعف فترة الاستهلاك.فانا حسبتها من جميع النواحى واكتشفت ان الافضل و الاوفر و الاريح استخدام التيل الاصلى, كل ما سبق عن تجربتى الشخصيه على عربيتى لانسر 1300 اوتوماتيك موديل 2006 من 0 إلى 151الف كيلو متر وهو عداد العربية حاليا مع الإحترام لجميع المشاركات و الاراء.
النوع التركي انا جربته وبيصفر برضه
النوع الكوري أسمه جولد وبصراحه انا مجربتوش بس ناوي اجربه لأني استعملته قبل كدة في عربية فيرنا وعملت بيه 20 ألف كيلو لغاية ما بعتها وكان شغال زي الفل
وعلى فكرة بالنسبة للخلاف على النوع الأصلي في التوكيل فالأستاذ طارق ذويل استشاري القسم كان أشار قبل كدة ان كان فيه نوع الشركة منزلاه والناس اشتكت منه انه بيصفر وان الشركة غيرته بنوع افضل منه
أولا رجاء الكلام بإسلوب أفضل من كده شويه لإنها مش خناقة و التيل الأصلى و التقليد مش أهلى و زمالك هنقطع بعض عليهم و فى النهاية انت حر طبعا بس زى ما انت حر انا بردو حر أقول تجربتى.........
بعد إذن سيادتك.................
تجربتى.....
كل أنواع التيل الغير أصلى (فى الانسر بالذات) تجربة فاشلة جدا
التيل الأصلى و تحديدا الـ sumitomo الأخضر (اللى بتنزل بيه العربيه من المصنع) ده أحسن تيل و مش بيصفر ولا حاجه (على الأقل فى عربيتى) أو عربيتك هى اللى فيها حاجه غلط!
الله ينور عليك و خصوصا فيما ذكرته عن المشاكل اللى بتحصل مع الطنابير......... ده غير ان جميع انواع التيل الغير أصلى لو اجتمعت فيه كل مميزات النعوميه و قوة الفرامل و العمر الطويل و الحفاظ على الطنابير كمان من المؤكد ان فرملته مش هتبقه كويسه مع الإستخدام الشاق المتكرر و سخونة التيل الزائدة...
يعنى مثلا لو بتفرمل من على سرعة 180 كم/ساعة مع تيل غير أصلى هتلاقيه فرمل حلو جدا من 180 الى 120 مثلا و بعدين سخن جدا من السرعة و قوة الفرمله و من 120 الى 80 فرامل ضعيفة جدا ومن 80 الى 0 مفيش فرامل فى العربية حتى لو دوست على الآخر لأن التيل بيبقه طرى جدا من الحرارة الزائدة....
التيل الأصلى هو الوحيد اللى أداءة ما بيتغيرش مع السخونة الزائدة مهما كانت و تقدر توقف العربية بيه من 180 الى 0 أكتر من مرة ورا بعض بأداء ثابت و قوى وده التجربه اللى ناس كتير مش بتتعرضلها عشان كده فاكره التيل الأصلى غالى على الفاضى ده غير طبعا ان التيل الغير أصلى مش هتجتمع فيه المميزات اللى قولتها فى الأول أبدا (ده كان مجرد فرض)
التيل الـ Remsa الأسبانى و اللى أحد الأعضاء ذكره فى مشاركته هو أفضل تيل جربته غير أصلى و أداؤه قريب جدا من الأصلى فى كل حاجه و لكن كفاءته مع السخونه الزائدة أقل من الأصلى بكثير عشان كده انا ثابت على الأصلى و معنديش الشكاوى منه اللى الناس بتقول عليها و مقتنع ان تمنه فيه و لو حتى عشان ميزة استحمال السخونه فقط..
نصيحة للى عاوز يركب تيل غير أصلى أنا برشحله الـ Remsa الأسبانى بس بشرط ما يكونش جراى قوى و بيجيب سرعات عاليه قوى كتير زى حالاتى و مش هيحس معاه بمشكلة ما دام مش هيسخن معاه بدرجه زائدة.
الأخ salehgharib مصر بشكل غريب على ان التيل الأصلى فاشل و هو حر فى تجربته و رأيه و لكن مش حر انه يفرضه علينا بالقوة و أنا مش هادخل معاه فى جدل و أحاول أقنعه بأسباب تفوق التيل الغير أصلى على التقليد و لكن قولت فى مواضيع كتير قبل كده و فى ردى على حضرتك كلام كتير قوى فى موضوع التيل ده بالذات و اللى عاوز يشوفها أهلا و سهلا هيلاقيها.
ياجماعة انا حاسس ان الحوار بقي في حدة جامدة وعلي وشك الانفجار . والله كل عضو بيتفضل مشكور ينقل تجربته والناس ليها حرية الاخذ بيها او لاء . وعلي فكرة انا لما قولت تركي وكوري انا مجربتش ولا ده ولا ده بس ده من خلال اراء الناس واصحابي اللي مجربة وفي نفس الوقت انا مش مستعد اجيب سلعة ب 400 جنيه ( التيل ) وبعد فترة قليلة وقبل ماتمنها يبرد اسمع اول صفارة ومعاها يبدء الماتش ( الازعاج بقي وحرقة الدم ) وعلي فكرة انا اول مرة اسمع انا الانواع التانية الاسباني والانواع ده وانا كتبت الانواع في ورقة وان شاء الله هبقي اسال عليهم. وفي الاخرررررررررررررر ربنا يستر طريقنا جميعا سواء بقي بتيل اصلي او مش اصلي.
انا مركب التيل ال asuki الى صورته فوق, ماشى بيه دلوقتى فوق ال 20 الف كيلو, و ديه تجربتى بامانه مع احترامى لكل الاراء,
-التيل مش بيصفر قوى ياعنى.
-تحت ال 100 التيل كويس زيه زى الاصلى بس طبعا لو بتدوس فرامل كتيير و وراء بعض كفاءه التيل بتقل فعلا من زياده الحراره.
-على السرعات العاليه بيسخن بسرعه , و بيبقى ضعيف.
-:mad:اخر حاجه و اوحش حاجه ان التيل عمل غربله فى الطنابير, ياعنى فعلاً له تاءثير سىء على الطنابير.
مفيش حده ولا حاجة و لكن هبرر كل الكلام بحاجه واحدة (الفرامل ده أرواح ناس ولازم نسمع تجارب بعض بكل أمانه مش لمجرد ان كل واحد عاوز يدافع عن رأيه و أنا قلبى على كل واحد ممكن يكون مش بيجرى جامد و المره اللى يجرب يجرى فيها لأى ظروف على سرعات عاليه يفاجأ بضعف الفرامل الشديد مع التيل الغير أصلى فى وقت لا ينفع فيه الندم)
اللى عاوز يركب غير أصلى يركب هو حر بس يبقه عارف انه مش أفضل من الأصلى أبدا زى ما البعض مقتنع بكده (الفرامل = أرواح ناس)
بالظبط كده
ومعروف فى اى حاجة الاصلى اصلى فما بالنا بتيل الفرامل
لكن احنا كعادتنا كمصريين لازم نبين اننا فاهمين كل حاجة على حقيقتها وان صناع العربيات بيشتغلونا واحنا بقى اللى فقسناهم دونا عن جميع شعوب العالم:36_1_1[1]:ونقول ان الاصلى وحش والتقليد احسن منو !!!!
طب تيجى ازاى يعنى؟؟؟؟
يعنى اللى صنعو العربية مبيفهموش واللى بيقلدو التيل الاصلى هما اللى بيفهمو !!
على سبيل المثال الناس اللى ركبو تيل مش اصلى ولقو الطنابير بقى فيها عالى وواطى استفادو ايه بال 200 جنيه اللى وفروهم؟؟؟؟ ..اهو كده انت ضريت عربيتك وبقى فيها رعشة فى الدريكسيون مع الفرملة وكمان الفرامل مبقتش قوية وحتى لو خرطت الطنابير الفرامل هتبقى ضعفت خلاص لان سمك الطنابير قل والفرامل = ارواح ناس زى ما محمد قال
يعنى فى الاخر هتضطر تجيب الاصلى والاهم من ده كلو ان اداء الفرامل بقى وحش بسبب بوظان الطنابير وممكن تلاقى نفسك مضطر كمان تجيب طنابير عشان ترجع اداء الفرامل لاصلها
ابويا كده ربانى على حاجة فى موضوع قطع الغيار ده..اى حاجة فيها روح العربية سواء كانت فرامل او جزء فى الموتور او الفتيس او العفشة لازم تتجاب اصلى مهما كان سعرها وانت الكسبان فى الاخر لان قطع الغيار اللى بيقوم عليها اداء العربية لو مش اصليه هتخلى اداء العربية مش كويس وهتستهلك اسرع وهتضطر تدفع تانى تمن القطعه تانى غير مصنعية التركيب وكمان ممكن تلاقى القطعة المضروبة دى بوظت حاجات تانية معاها زى كده مالتيل المضروب بيبوظ الطنابير...يعنى فى النهاية هبتقى خسرت اداء العربية + فلوس اضعاف اللى كنت هتدفعها لو جبت الاصلى من الاول ده غير قرف التصليح والصنايعيه طبعا
لكن اى حاجة فى المظهر زى الصاج او الفوانيس ممكن يتجاب التقليد لانها مش هتفرق كتير ومش هتاثر فى اداء العربية لانها شكل فقط
وزى مقال الاستاذ محمد اللى عايز يجيب تيل فرامل مش اصلى هوه حر ودى حاجة ترجعلو لكن ميحاولش يقنع نفسو ويقنعنا ان المضروب احسن من الاصلى لان مفيش اى سلعة فى الدنيا مهما كانت هيبقى المضروب فيها احسن من الاصلى
تحياتى
يا شباب المنتدى الاعزاء موضوع الفرامل ده حصلت فيه مناقشات كتير جدا ومن تجارب كتير من الاعضاء وانا واحد منهم ماتركبش غير الفرامل الاصلية فقططططط
الأصلي أو تيل للاداء العالي من شركات معروفة...........بس نتأكد أزاي أنه مش مضروب برده زي حاجات كتير:36_1_1[1]: