السلام عليكم ممكن حد بقولى ايه هى الفروق بين اللانوس والنوبيرا
ولكم جزيل الشكر:ask:
عرض للطباعة
السلام عليكم ممكن حد بقولى ايه هى الفروق بين اللانوس والنوبيرا
ولكم جزيل الشكر:ask:
no comment
يا باشا ليه بس كده الراجل لا داخل يتريق ولا بيمزح ؟ بيسال سؤال طبيعي
شوف يا باشا :
1- اللانوس نازله بمحرك 1500 سي سي كامه واحده حوالي 87 حصان وبينزل منها هاف اوبشن (تكييف -باور-سنترلوك - زجاج مانيوال) , فل اوبشن (كل المواصفات السابقه بس زجاج كهرباء ومش متاكد هل بينزل معاها فوجات ولا لا) تقييمي ليها انها سيارة فوق المتوسط عفشتها جيدة , بتتحمل الشغل القاسي عليها ثباتها حلو حتى سرعه معينه ومن اشهر عيوبها " الرشاشات واحيانا علبة الدريكسيون "
2- النوبيرا : محرك 1600 سي سي 2 كامة حوالي 106 حصان وميزتها انها بتنزل بفئه واحدة
فل اوبشن (تكييف -باور-سنتر لوك وانذار- فوجات ) تقييمي ليها انها عربيه رائعه جداا ومحركها ممتاز وداخليا واسعه جدا وثابته على السرعات العاليه (وده من اشهر ما يميزها) يعيبها فقط ان عفشتها لا تتحمل شوارعنا وبتحتاج تغييرات " مستمرة " الا ان بعض الاعضاء هنا وجدوا حلول
" جذريه " لمعظم مشاكل العفشه
طبعا الفروقات لصالح النوبيرا لكن فيه بعض الملحوظات :
1- النوبيرا اتوقف انتاجها تقريبا من عام 2008 اما اللانوس فاصبحت متوفره في الاسواق تحت
مسمى (شيفروليه لانوس ولا يوجد تغييرات بالمره )
2- ضعف الفرامل في السيارتين من اشهر ما يميزهم ومقارنة مع بعض السيارات الكوريه فهي الاسوء , لكن بعض الاعضاء هنا وجدوا حلول " جذريه في تغيير الفرامل بالكامل " (هتلاقي حضرتك مواضيع كتيرة بخصوص الكلام ده)
أحسن والله رد جميل من شخص أجمل
أحب أضيف برضه
أننى معايا نوبيرا
ومقابلتنيش أى سلبيات بالنسبه للعفشه أو الفرامل
إلا أننى غيرت يايات خلفيه ( بسبب خطا تصنيع مش أكتر )
أما مجملا
فلاتوجد أى مشاكل مع العفشه أو الفرامل
اهلا وسهلا بحضرتك يا استاذ سمير , انا راي الشخصي ان معظم العربيات الي في بلدنا بصفه عامه ماشية بمبدا انت وحظك بمعنى ان مش معنى ان حضرتك لا تعاني من مشاكل في سيارتك يبقى جميع السيارات بحاله جيدة , انا اعرف ناس بصفه شخصيه معاها النوبيرا وعندهم مشاكل في السيارة بصورة متنوعه زي بيض المقاصات ورمان البلي وجلب المقاصات وضعف الفرامل ومع ذلك بقول حتى ان وجدت المشاكل دي وجدت لها الحلول الجذريه
ياباشااقتباس:
انا راي الشخصي ان معظم العربيات الي في بلدنا بصفه عامه ماشية بمبدا انت وحظك بمعنى ان مش معنى ان حضرتك لا تعاني من مشاكل في سيارتك يبقى جميع السيارات بحاله جيدة , انا اعرف ناس بصفه شخصيه معاها النوبيرا وعندهم مشاكل في السيارة بصورة متنوعه زي بيض المقاصات ورمان البلي وجلب المقاصات وضعف الفرامل و
أى سياره عباره عن حسن تعامل وتصادق معاها
جورت عليها ........جارت عليك
أذا العيب مش فى المكان .....العيب فى السكان
على فكره
أعرف ناس معاهم ..........نوبيرا أوتوماتيك
بسم الله ماشاء الله
إللى الغالبيه بيشتكوا من فتيس الأوتوماتيك الكورى
دا غير أن الانوس الأوتو ...........فتيسها إنتاج شركة ( جنرال موتورز )
يعنى قمة المتانه والبساطه والتحمل
وده معروف عن شركة جى أم
أنا عندى مكن جى أم فى الشغل
ومكن ديزل ......مش عاوز أاقولك ( قوة قتل ثلاثيه ) ومبيقولش لا
طريقة أستعمال الحاجه ....عامل مهم أوى فى تطويل عمره بقدر الأمكان
ولقد قال الهادى البشير
أعقلها وتوكل
صدق (ص )
أنا بس نفسي الفرمل تبقى أجمد من كده عندك حال يا أستاذ سمير وكان ليَّا عند حضرتك سؤال بعد اذنك أنا العربية كانت 100 100 الفترة اللي فاتت حستها اتخنقت كده وبقت تحزاء بدري يعني 3 rpm تحزاء على غير العدى وعلى السرعات العليا يعني أعلى من 140 مثلا بيبقى فيه رعشة جامدة قوي فـال دواسة فـأنا قلت الشيك على الفلتر وال بجوهات وقواعد المطور وسلك الاكسليتر إنت رايك إيه
ده شىء عادى أنك تعمله بصفه دوريه ( فى معاده )اقتباس:
فـأنا قلت الشيك على الفلتر وال بجوهات وقواعد المطور وسلك الاكسليتر إنت رايك إيه
أو عند الأحساس بأى خلل فى الآداء
بغض النظر عن عدم ذكرك لبيانات سيارتك
لأن ده وضع صيانه عادى مع أى سياره
أهملت الصيانه ....العربيه مش حتديك
العربيه عامله زى قطعة الأرض الزراعيه
واليتها وراعيتها بالرى والصيانه .....أخدت محصول كويس
انا آسف إني مكتبتش الموديل وكده بس هي 2003 ماشية 90 ألف ومهتم بيها جدا وال عربية الحمد لله زي الفل مفيهاش الهو بس ده اللي حصل من فترة فـقلت أسأل لكن أنا مش ماتخر على الصيانة ولا حاجة بس هارجع على الكلام ده إن شاء الله
متشكر جدا لا ردك :y_hi_3[1]: وإنت شيفها بتفرق جامد ولا لأ ولو كده إن شاء الله أبقى أعملها
ربنا يباركلك فيهااقتباس:
انا آسف إني مكتبتش الموديل وكده بس هي 2003 ماشية 90 ألف ومهتم بيها جدا وال عربية الحمد لله زي الفل مفيهاش الهو بس ده اللي حصل من فترة فـقلت أسأل لكن أنا مش ماتخر على الصيانة ولا حاجة بس هارجع على الكلام ده إن شاء الله
موضوع مفيد جدا
شكرا ياشباب علي المعلومات الحلوة دي
على فكره كل الناس بتشتكى من الفتيس الاوتوماتيك بتتاع الكورى عمتنا
فى العربيات الغاليه والرخيصه ياعنى لانوس منزلش فيها اوتو ماتيك غير سناتين فى مصر عشان عيوبه القاتله
والكيا سيفيا الفتيس بيتغير كل سنتيتن مش اقل من 3 مرات
والفيرنا الاوتو بتاعها سئ جدا
وهكذا فى الاكسنت
وفى النوبيرا العربيه بتاعت ابو صاحبى العربيه جابها مستعمله مكملتش 5 شهور وجابت فتيس وكنت معاه الميكانيكى قالو مفيش كورى الواحد يشترى اوتو خااالص
تحياتى AMR SEBA :w6266d
كفاية علينا أنك بتقول الكورى عمتنااقتباس:
على فكره كل الناس بتشتكى من الفتيس الاوتوماتيك بتتاع الكورى عمتنا
لأن ده صحيح
فالكورى عمهم .....وحارق دمهم
تحياتى :36_7_7[1]:
طبعا زي ماقال الاستاذ سمير كل واحد وعلى حسب معاملته للسيارة الي راكبها وعلى قد ما تعطيها هتعطيك وفي الاخر في مصر بالتحديد العربيات ماشية بمبدا انت وحظك ووالله حتى العربيات الغاليه
(انا بقصد عيوب الصناعه)
تحيــــــــــــــــــــــ ـــــــــــــــــــــــــ ـــــــــــــــــــــــــ ـاتي
عارف حضرتكاقتباس:
كل واحد وعلى حسب معاملته للسيارة الي راكبها وعلى قد ما تعطيها هتعطيك
فيه ناس بتعتبر العربيه زى السرير بالضبط
يادوب يروق العربيه من جوه الصالون
لزوم ال girl friend وبس
يعنى بيبص للعربيه على أنها سرير
أهم شىء يرتب القعده كويس وخلاص
قوللى بأه ....فكر يبص تحت السرير ويفتح الكبوت ويشد مقاس الزيت بتاع السرير
ويشوف أيه اللى بيحصل تحت السرير
أبدأ
ينزل يدور ويروح طالع ومشغل التكييف وخلاص
لا بص على زيت ولا لا لا
ناس آخر دلع
نظام بابا سته