الفرق بين اللانوس والنوبيرا

**engaass** · 01-06-2010 11:00 AM

السلام عليكم ممكن حد بقولى ايه هى الفروق بين اللانوس والنوبيرا
ولكم جزيل الشكر

**hosar** · 06-06-2010 12:53 PM

no comment

**kemoelord** · 06-06-2010 02:14 PM

المشاركة الأصلية كتبت بواسطة hosar

no comment

يا باشا ليه بس كده الراجل لا داخل يتريق ولا بيمزح ؟ بيسال سؤال طبيعي

شوف يا باشا :
1- اللانوس نازله بمحرك 1500 سي سي كامه واحده حوالي 87 حصان وبينزل منها هاف اوبشن (تكييف -باور-سنترلوك - زجاج مانيوال) , فل اوبشن (كل المواصفات السابقه بس زجاج كهرباء ومش متاكد هل بينزل معاها فوجات ولا لا) تقييمي ليها انها سيارة فوق المتوسط عفشتها جيدة , بتتحمل الشغل القاسي عليها ثباتها حلو حتى سرعه معينه ومن اشهر عيوبها " الرشاشات واحيانا علبة الدريكسيون "

2- النوبيرا : محرك 1600 سي سي 2 كامة حوالي 106 حصان وميزتها انها بتنزل بفئه واحدة
فل اوبشن (تكييف -باور-سنتر لوك وانذار- فوجات ) تقييمي ليها انها عربيه رائعه جداا ومحركها ممتاز وداخليا واسعه جدا وثابته على السرعات العاليه (وده من اشهر ما يميزها) يعيبها فقط ان عفشتها لا تتحمل شوارعنا وبتحتاج تغييرات " مستمرة " الا ان بعض الاعضاء هنا وجدوا حلول
" جذريه " لمعظم مشاكل العفشه

طبعا الفروقات لصالح النوبيرا لكن فيه بعض الملحوظات :

1- النوبيرا اتوقف انتاجها تقريبا من عام 2008 اما اللانوس فاصبحت متوفره في الاسواق تحت
مسمى (شيفروليه لانوس ولا يوجد تغييرات بالمره )

2- ضعف الفرامل في السيارتين من اشهر ما يميزهم ومقارنة مع بعض السيارات الكوريه فهي الاسوء , لكن بعض الاعضاء هنا وجدوا حلول " جذريه في تغيير الفرامل بالكامل " (هتلاقي حضرتك مواضيع كتيرة بخصوص الكلام ده)

**ramyraby** · 06-06-2010 02:27 PM

أحسن والله رد جميل من شخص أجمل

**samirayad** · 06-06-2010 03:12 PM

أحب أضيف برضه

أننى معايا نوبيرا

ومقابلتنيش أى سلبيات بالنسبه للعفشه أو الفرامل

إلا أننى غيرت يايات خلفيه ( بسبب خطا تصنيع مش أكتر )

أما مجملا

فلاتوجد أى مشاكل مع العفشه أو الفرامل

**kemoelord** · 06-06-2010 03:36 PM

المشاركة الأصلية كتبت بواسطة samirayad

أحب أضيف برضه

أننى معايا نوبيرا

ومقابلتنيش أى سلبيات بالنسبه للعفشه أو الفرامل

إلا أننى غيرت يايات خلفيه ( بسبب خطا تصنيع مش أكتر )

أما مجملا

فلاتوجد أى مشاكل مع العفشه أو الفرامل

اهلا وسهلا بحضرتك يا استاذ سمير , انا راي الشخصي ان معظم العربيات الي في بلدنا بصفه عامه ماشية بمبدا انت وحظك بمعنى ان مش معنى ان حضرتك لا تعاني من مشاكل في سيارتك يبقى جميع السيارات بحاله جيدة , انا اعرف ناس بصفه شخصيه معاها النوبيرا وعندهم مشاكل في السيارة بصورة متنوعه زي بيض المقاصات ورمان البلي وجلب المقاصات وضعف الفرامل ومع ذلك بقول حتى ان وجدت المشاكل دي وجدت لها الحلول الجذريه

**samirayad** · 06-06-2010 03:41 PM

انا راي الشخصي ان معظم العربيات الي في بلدنا بصفه عامه ماشية بمبدا انت وحظك بمعنى ان مش معنى ان حضرتك لا تعاني من مشاكل في سيارتك يبقى جميع السيارات بحاله جيدة , انا اعرف ناس بصفه شخصيه معاها النوبيرا وعندهم مشاكل في السيارة بصورة متنوعه زي بيض المقاصات ورمان البلي وجلب المقاصات وضعف الفرامل و

ياباشا

أى سياره عباره عن حسن تعامل وتصادق معاها

جورت عليها ........جارت عليك

أذا العيب مش فى المكان .....العيب فى السكان

على فكره

أعرف ناس معاهم ..........نوبيرا أوتوماتيك

بسم الله ماشاء الله

إللى الغالبيه بيشتكوا من فتيس الأوتوماتيك الكورى

دا غير أن الانوس الأوتو ...........فتيسها إنتاج شركة ( جنرال موتورز )

يعنى قمة المتانه والبساطه والتحمل

وده معروف عن شركة جى أم

أنا عندى مكن جى أم فى الشغل

ومكن ديزل ......مش عاوز أاقولك ( قوة قتل ثلاثيه ) ومبيقولش لا

طريقة أستعمال الحاجه ....عامل مهم أوى فى تطويل عمره بقدر الأمكان

ولقد قال الهادى البشير

أعقلها وتوكل

صدق (ص )

**fouady** · 06-06-2010 03:52 PM

المشاركة الأصلية كتبت بواسطة samirayad

أحب أضيف برضه

أننى معايا نوبيرا

ومقابلتنيش أى سلبيات بالنسبه للعفشه أو الفرامل

إلا أننى غيرت يايات خلفيه ( بسبب خطا تصنيع مش أكتر )

أما مجملا

فلاتوجد أى مشاكل مع العفشه أو الفرامل

أنا بس نفسي الفرمل تبقى أجمد من كده عندك حال يا أستاذ سمير وكان ليَّا عند حضرتك سؤال بعد اذنك أنا العربية كانت 100 100 الفترة اللي فاتت حستها اتخنقت كده وبقت تحزاء بدري يعني 3 rpm تحزاء على غير العدى وعلى السرعات العليا يعني أعلى من 140 مثلا بيبقى فيه رعشة جامدة قوي فـال دواسة فـأنا قلت الشيك على الفلتر وال بجوهات وقواعد المطور وسلك الاكسليتر إنت رايك إيه

**samirayad** · 06-06-2010 04:02 PM

فـأنا قلت الشيك على الفلتر وال بجوهات وقواعد المطور وسلك الاكسليتر إنت رايك إيه

ده شىء عادى أنك تعمله بصفه دوريه ( فى معاده )

أو عند الأحساس بأى خلل فى الآداء

بغض النظر عن عدم ذكرك لبيانات سيارتك

لأن ده وضع صيانه عادى مع أى سياره

أهملت الصيانه ....العربيه مش حتديك

العربيه عامله زى قطعة الأرض الزراعيه

واليتها وراعيتها بالرى والصيانه .....أخدت محصول كويس

**MMamdouh** · 06-06-2010 04:25 PM

المشاركة الأصلية كتبت بواسطة fouady

أنا بس نفسي الفرمل تبقى أجمد من كده عندك حال يا أستاذ سمير وكان ليَّا عند حضرتك سؤال بعد اذنك أنا العربية كانت 100 100 الفترة اللي فاتت حستها اتخنقت كده وبقت تحزاء بدري يعني 3 rpm تحزاء على غير العدى وعلى السرعات العليا يعني أعلى من 140 مثلا بيبقى فيه رعشة جامدة قوي فـال دواسة فـأنا قلت الشيك على الفلتر وال بجوهات وقواعد المطور وسلك الاكسليتر إنت رايك إيه

تعديل الفرامل الخلفية للنوبيرا و تحويلها من طبلة الى سكينة بيحسن اداء فراملها

MMamdouh

الموضوع: الفرق بين اللانوس والنوبيرا

LinkBack

أدوات الموضوع

عرض

-

-

-

-

المواضيع المتشابهه

نوع التعليق الخلفي في اللانوس والنوبيرا.......؟

أرجوا معرفة الفرق بين اللانوس والأفيو والنوبيرا

مقارنة بين اللانوس والنوبيرا

الفرق بين اللانوس والنوبيرا

ما هو الفرق بين النوبيرا والنوبيرا 2

الكلمات الدلالية لهذا الموضوع

المفضلات

المفضلات

ضوابط المشاركة