ايه أحسن فى العيشة؟ المدن الجديدة و لا القديمة

**Dr Zezo** · 03-06-2010 09:36 PM

المدن الجديدة ارحم بكتير حتي و لو مكان الشغل داخل القاهرة

المشاركة الأصلية كتبت بواسطة محمد محمد

اومستشفي العبور الجماعي التخصصي(الشيخ زايد) ا .

يا باشا ما احنا قولنا قبل كده انها مش الشيخ زايد

اسمها مستشفي الشيخ خليفة بن حمد

"عين شمس" تبدأ فى إنشاء فرعها الجديد بالعبور

احتفلت جامعة عين شمس اليوم، الاثنين، بمرور 60 عاماً على إنشائها بتكريم عدد من أساتذة الجامعة، على رأسهم د.أحمد زكى بدر ورئيس الجامعة منذ عدة أشهر قبل انتقاله لمنصبه الحالى وزيراً للتربية والتعليم، ود.محمد عوض تاج الدين وزير الصحة السابق.

وأعلن د.ماجد الديب رئيس جامعة عين شمس، عن البدء فى إنشاء الفرع الجديد لجامعة عين شمس بأرض العبور الأسبوع المقبل على مساحة 163 فداناً، على أن تكون اللبنة الأولى فى المشروع كلية الحاسبات والمعلومات بتكلفة 60 مليوناً يتوفر لدى الجامعة منها 50 مليون جنيه، كما يتم استكمال تجهيزات مستشفى الخليفة بن حمد بالعبور.

اليوم السابع | "عين شمس" تبدأ فى إنشاء فرعها الجديد بالعبور

**karmouty918** · 03-06-2010 10:03 PM

المشاركة الأصلية كتبت بواسطة egyptawy2010

طيب معلش ممكن حضرتك تقولى كام سعر المتر لشقة كويسة
وايه هى الشركة الا بتبيع هناك

شكرا

سعر الشقة المتر في حدود من 4000 الى 5000على حسب الموقع و اذا كانت أرضي بجنينة ولا لأ
(دة لو هتشتري من أفراد)
لو من الشركة هيبقى في تقسيط بس مش فاكر تفاصيل بصراحة (بيكون عن طريق المبيعات في مقر طلعت مصطفى اللي في الدقي أو هنا في الرحاب)
و دي نمرة المبيعات 0226070404
و في منتدي للرحاب في أعلانات كتير لشقق ممكن حضرتك تاخد فكرة برضه rehaby.net

**karmouty918** · 03-06-2010 10:11 PM

المشاركة الأصلية كتبت بواسطة shouk_1987

بقول لحضرتك ايه يا استاذ karmouty918 الأسرة عندى هنعزل السنة الجاى ان شاء الله كان عندى سؤال بس ممكن يكون تافه بس والدتى سألتنى كذا مرة و مش عارف إجابته :
هل فى حد بيمسح العربيات الصبح ولا لأ ؟؟؟
و لو فى بياخد كام ؟؟
وشكرا جزيلا

لا مش تافه ولا حاجة يا أستاذ شوك ..مسح العربية دة مهم جدااا

في عامل جراج بيمسح العربيات كل يوم الصبح بأشتراك 40 جنيه فالشهر و ليك يوم في الأسبوع يغسل فيها العربية من جوة..و في فالسوق كمان كذا كار كير بيغسلوا ب15 تقريبا..
طبعا أنا مستغلي ال40 دول لأني زمان كنا بندي للبواب 10 جنيه و بيبوس أيدة وش و ضهر فهي المشكلة أن لو البيت في كذا عربية هتدفع على كل واحدة 40 ...

**محمد محمد** · 03-06-2010 11:11 PM

[QUOTE=Dr Zezo;3872726704]

المدن الجديدة ارحم بكتير حتي و لو مكان الشغل داخل القاهرة

يا باشا ما احنا قولنا قبل كده انها مش الشيخ زايد

اسمها مستشفي الشيخ خليفة بن حمد

اليوم السابع | "عين شمس" تبدأ فى إنشاء فرعها الجديد بالعبور

[/QUOTE]
الناس عارفاها منذ اكتر من 10 سنوات بأسم الشيخ زايد.

**egyptawy2010** · 03-06-2010 11:36 PM

المشاركة الأصلية كتبت بواسطة karmouty918

سعر الشقة المتر في حدود من 4000 الى 5000على حسب الموقع و اذا كانت أرضي بجنينة ولا لأ
(دة لو هتشتري من أفراد)
لو من الشركة هيبقى في تقسيط بس مش فاكر تفاصيل بصراحة (بيكون عن طريق المبيعات في مقر طلعت مصطفى اللي في الدقي أو هنا في الرحاب)
و دي نمرة المبيعات 0226070404
و في منتدي للرحاب في أعلانات كتير لشقق ممكن حضرتك تاخد فكرة برضه rehaby.net

الف شكر لحضرتك طيب معلش سوال اخير

ياترى راى حضرتك مين احسن الرحاب ولا العبور جولف سيتى

**mustafaibrahim** · 03-06-2010 11:44 PM

المشكلة ان المدن الجديدة

لو اسرة خمس افراد

على الاقل لازم يكون فيه عربيتين او تلاتة لان اغلب المدن الجديدة مافيش فيها مواصلات داخلية

غير كده القاهرة واسكندرية امان اكتر ليه؟؟؟ عشان الزحمة

انما فالهدوء القاتل بتاع المدن الجديدة ممكن تحصل جرايم سرقة و ما الى ذلك

**karmouty918** · 04-06-2010 12:23 AM

المشاركة الأصلية كتبت بواسطة egyptawy2010

الف شكر لحضرتك طيب معلش سوال اخير

ياترى راى حضرتك مين احسن الرحاب ولا العبور جولف سيتى

هو للأسف أنا لا رحت دي ولا دي

بس لو حضرتك بتختار يبقى أهم حاجة تعرف مقومات المعيشة في التلاتة عملين أزاي (الأحتياجات اليومية,المواصلات,الامن,..... )..و طبعا لازم تزور التلاتة و تشوف أتهي أريحلك و لو تعرف حد ساكن في العبور و جلف سيتي و تسألهم ...و يارب يوفقك للقرار السليم.و أنا تحت أمرك في أي أستفسار عن الرحاب.