الموضوع: سؤال بخصوص الكارتيرة

حسبي الله ونعم الوكيل........

المشاركة الأصلية كتبت بواسطة semsem kane

انا عايز اعرف حاجة بس ياأستاذ هيثم حضرتك دفعت 600 فى كاوتشة كوبلن بس لية يعنى اصلا الكاوتشة برة اصلى اصلى اصلى مش هتعدى 150 جنية وبالمصنعية هتبقى 200 جنية بالكتير الصراحة التوكيل دة نصاب كبير جدا انا بطلت اشترى منة حاجة لانة مبالغ فى الاسعار قوى

للاسف يا سمسم باشا غلطة، فعلا الكاوتشة سالت عليها بره لقيتها ب 160 جنية ، مش عارف دماغى كانت فين وانا بقولهم غيروا .

المشاركة الأصلية كتبت بواسطة khaled_rafea

سلام عليكم يا رجال الهوندا, بقى 600 كاوتشة كوبلن, امال الكوبلن بكام !!!!!!, وانا مستغلى حاجة عربتى, الله يكون فى عونك يا هيثم باشا و يعوض عليك, و كده بلاش الواحد يفكر يعلى بالموديل بقى كده عال اوى

الكوبلن كلة قالولى ب 3700 جنية (ثمن موتور 97 vtec!!!!!)

المشاركة الأصلية كتبت بواسطة M_Nabil

الكوبلن أكيد سعرة معدى! ماتفكرنيش مرة كنت في التوكيل وكان عندى كوبلن يمين بيطقطق فا قولت لما أشوف سعرة كام فا بقوله سعر كوبلن يمين في تى اى 96 عامل كام لقيتو بيقولى 2100 جنية!!! فا بقولة طيب والشمال بيقولى 3150 جنية!! بقوله كام؟ قال لى 3150، يعنى جوز كبالن بـ 5000 جنية قولت أنا أروح أسقط مكنه بمشتملاتها بالمبلغ ده، بعديها بفترة نزلت بورسعيد جبت كبالن كاملة بـ 350 جنية :)) وشغالين زى الفل الحمد لله لحد دلوقتى

انا مستنى كام شهر بس الضمان يخلص وان شاء الله مش هروح التوكيل ده تانى