الحل بسيط جدا إعملي نفسك مش واخده بالك
الحل بسيط جدا إعملي نفسك مش واخده بالك
شارع المدارس انهي اللى عند سنتر الياسمين ولا عند بريد اسكان الشباب.:colsmil:
لا اللى عند سنتر الياسمين اللى فيه القديس يوسف
طيب دى حاجه عاديه اما بقى لو كان طريق سريع وماشيه عالشمال ورايحه شغلك الصبح وتكونى على سرعه 90 وتلاقى عربيه نقل جايه محالف عالشمال وقايد النور العالى وماشى على 100 وعلى ما تفهمى الموقف الغبى ده يكون كل شىء راح وانتهى
اهو الموقف ده حصلى والمصيبه ان كان على يمينى عربيات رايه بردو يعنى لو فضلت شمال هتاكل من النقل ولو رميت يمين هتاكل من العربيات الى ماشيه فى امان الله
لولا ستر ربنا والله ما اعرف انا عديت منه ازاى رغم انه مهداش حتى الكلب ده وبعد ما عديت ركنت على جمب ومكنتش مصدق انى عديت لانى فعلا عديت من جمب الشكمان بتاعه
شوفى ده بيتعمل فى ايه
الحوادث مش من فراغ
للاسف شعبنا همجى ومينفعش فيه غير الارهاب والمخالفات للاسف
ربنا يستر
انا مره بطلت العربيه فى نص الشارع بسبب واحد زى ده
وسيبتها وقولتله مش متحرك غير لما ترجع ورا وتعدينى لانه كبس عليه ووقف وشى فى وشه
يعنى شوفو البجاحه
ولولا الناس الى فى الشارع هى الى خلته يرجع ويوسعلى لانهم شايفنى على حق
ولو كان طول كنت قفلت الازاز وسبت العربيه ويبقى يورينى حيعدى ازاى لانكان فيه عربيه راكنه صف تانى كمان
يعنى صباح الاستهبال بتاع العالم
وبعد 100 متر فى نفس الشارع حصل نفس الموقف بس التانى بقا لما لاقانى بطلت العربيه وقولتله مش ماشى الا لما تعدينى
رجع بنرفزه وغباء وخبط عربيه تانيه
وعديت وسبته ومشيت
حاجه تقرف بصراحه كل واحد عاوز يمشى الشارع بمزاجه ومبقاش فيه حاجه اسمها اصول واحترام
انا لسه واحد بتيوتا ياريس كابس عليا وهو ماشي عكس وحكلي الاكصدام وخلاني افرمل واللي ورايا خبط فيا ومشي ولا كأن في اي حاجه !!
فى أحد المرات و فى حتة واسعة جدا كان فى تاكسى ماشى مخالف عشان كان بيكلم صاحبه روحت كابس عليه و ضحكتله ضحكة صفرا راح راجع ورا روحت طالع قدام لزقت الإكصدامين فى بعض رجع روحت طالع رجع روحت طالع لحد لما زهق راح جارى ورا بسرعة روحت قايله شكرا و مشيت
طبعا النور كان شغال أكتر حاجة تخلى سواق التاكسى ياكل فى نفسه
والله مواقف تحرق الدم
على فكرة الشارع اللى بتكلم عنه ده بتلاقى فيه المخالف اكتر من اللى ماشى صح لكن انا استفزنى جدا ان اللى يمشى مخالف ده المفروض يدارى فى اقصى اليمين ويمشى على مهله خالص لانه ببساطة عامل عاملة
لكن يمشى فى الشمال وكإن الطريق مزدوج ويولع النور كمان ده ايه الاستهبال الرسمى ده
طيب ما تيجو نبص للامور من مكان الاخ اللي سايق وجاي عكسي...
ما يمكن زائر للمنطقة...ومش عارف ان ده شارع اتجاه واحد...أو تايه وبيحاول يصلح غلطه ..وهكذا...أو حصله مصيبة وبيجري يلحقها...مريض أو وميت أو محتاج لمساعدة فورية...لاأبرر الخطأ ..ولكن أحاوا التسامح معه وامتصاصه...خصوصا الناس اللي معاها أطفال في السيارة....
كل ما ذكر في الموضوع من ردود الأفعال العدوانية...في قمة الخطر لأن مافيش تأكيد علي رد الفعل الاخر ...يعني افرض ما وقفشي..افرض شارب حاجة...افرض ..أفرض للصبح...
الديفنسف دريفينج ...غير كده خالص ..مافيهاش ركوب الدماغ وأختبار ردود أفعال السائقين اللي أمامك..لأن فيه ناس هاتستجيب واخرين لا...
أنا بجرب طريقة مختلفة..بأتخيل أخويا..أو حد من أصحابي اللي بحبهم مكان الناس اللي ضايقوني دول..وباتصور رد فعلي في الحالة دي..بابتدي أشعر بالهدوء ..والرغبة في العفو...
وَيَسْأَلُونَكَ مَاذَا يُنْفِقُونَ قُلِ الْعَفْوَ كَذَلِكَ يُبَيِّنُ اللَّهُ لَكُمُ الْآيَاتِ لَعَلَّكُمْ تَتَفَكَّرُونَ ...العفو فضل المال..أو الزيادة ...حتي لااتهم بالتأويل الخاطئ...
والعافين عن الناس...