سؤال عن تكيف الصني أرجو المساعدة من الخبراء

**angel_copra** · 01-06-2010 03:48 PM

النهردة و أنا راجع من صلاح سالم كانت الساعة 2 و نص الضهر وقفت في تشريفة لمدة ربع ساعة و كنت فتح التكيف ..المروحة كانت على 3 و زرار ال-ac منور كان شغال عادي و بيطلع هوى سائع بعدين... وقفت 10 دقايق فالشمس لقيت التكيف بيطلع هوى سخن معرفش ليه..... :( طفيتو و فتحت الشباك و إستنيت شوية بعدين فتحتو تاني لقيتو بيطلع هوى سخن بردو... التشريفة عدت و مشيت بالعربية شوية و فتحتو تاني... لقيتو رجع يبرد تاني.... تفتكرو دة عيب فالتكيف ول هو كدا؟؟؟؟؟؟؟؟؟

أنا معايا نيسان صني 2010 عملة 3200 كم

**WalidAdel** · 01-06-2010 04:04 PM

عادي ياباشا بتحصل معايا كتير الكومبريسور مش بيلقط بس مش عارف السبب ايه الصراحه بس انا بتحصلي لما العربيه تبطل مني و ارجع ادورها بسرعه و مش عارف السبب ايه
عموما انا بتغلب علي المشكله دي اني ببطل العربيه و اسيبها دقيقه كده تراجع نفسها و بعدين افتح الكونتاكت الاقي اللمض نورت و كله تمام ادورها بقي و اشغل التكييف يشتغل كويس ليييييه معرفش
قولت استني لحد مافي مره مايلقطش خالص و اروح اصلحه و اخلص من الحوار ده

**fady_anis** · 01-06-2010 05:35 PM

مفيش رأى بعد رأى الاستاذ سبعاوى

انا بتحصل معايا حاجه شبه كده بس لما العربيه تكون واقفه فى الشمس بلاقى ان التكييف بياخد وقت شويه عما الهواء يبقى ساقع

**د.محمود صلاح** · 01-06-2010 06:26 PM

زيارة للتوكيل اشرح فيه اللي حصل لأنه مش طبيعي

**angel_copra** · 02-06-2010 10:04 AM

شكراً يا جماعة على الردود الحلوة دي و شكراً لإهتممكو.... أنا حشوف حتعمل الحركة دي تاني ولا لأ لو عملتها حاروح التوكيل علطول... لو لأ حستنى صيانة ال-5000 و أقولهم عليها و أخليهم يشوفو التكيف كلو ذي ما قال سبعاوي

**mohamedrabia** · 02-06-2010 10:54 AM

غالبا ده شحن الفريون هرب عايز فريون تاني انا عملت كده اي واحد كهربائي عنده كمبيوتر هيقولك كده

**Hacker5** · 02-06-2010 11:27 AM

حصلت معايا قبل كدة فى اللانوس و اتضح ان التكييف كان واخد شحنة فريون زيادة

**aiman0173** · 02-06-2010 11:07 PM

المشاركة الأصلية كتبت بواسطة angel_copra

النهردة و أنا راجع من صلاح سالم كانت الساعة 2 و نص الضهر وقفت في تشريفة لمدة ربع ساعة و كنت فتح التكيف ..المروحة كانت على 3 و زرار ال-ac منور كان شغال عادي و بيطلع هوى سائع بعدين... وقفت 10 دقايق فالشمس لقيت التكيف بيطلع هوى سخن معرفش ليه..... :( طفيتو و فتحت الشباك و إستنيت شوية بعدين فتحتو تاني لقيتو بيطلع هوى سخن بردو... التشريفة عدت و مشيت بالعربية شوية و فتحتو تاني... لقيتو رجع يبرد تاني.... تفتكرو دة عيب فالتكيف ول هو كدا؟؟؟؟؟؟؟؟؟

أنا معايا نيسان صني 2010 عملة 3200 كم

هو طبعا بعد رأس سبعاوي باشا محدش يقدر يتكلم بس ممكن أقول حاجة صغيرة ، الموضوع دا عادي جدا لأن فيه ترموستات بتخلي الكمبريسور بيفصل لما يوصل درجة حرارة معينة واللي خلاك تحس بالموضوع دا انك كنت واقف في الشمس لكن انت لو صبرت شوية ومكنتش قفلت التكيف كان هيرجع يشتغل تاني لوحدة بس هو الملاحظ ان فعلا لما بيفصل بيطول شوية في الفصل وهو دا الي بيساعد على الاحساس بالحر

-

-

الموضوع: سؤال عن تكيف الصني أرجو المساعدة من الخبراء

LinkBack

أدوات الموضوع

عرض

-

-

-

-

المواضيع المتشابهه

الي كل الخبراء في المنتدي الكريم أرجو المساعدة

تكيف الvectra هيجنني....أرجو المساعدة.....!!!!!!

أرجو المساعدة فى تكيف 405

باركولي هستلم الصني النهارده (إن شاء الله) أرجو المساعدة

أرجو المساعدة من الأخوة الخبراء

الكلمات الدلالية لهذا الموضوع

المفضلات

المفضلات

ضوابط المشاركة