Seat ibiza Mk2 Motors ؟؟؟

**banky** · 01-06-2010 06:30 PM

ما هى مواتير الابيزا الأنجكشن ... انا سمعت ان فية مواتير كتير اوى ... فا كنت عايز اعرف اية اللى موجود فى مصر ...

انا سمعت على مواتير 1200 cc 1400 cc

بموديلات مختلفة تختلف فى عدد الأحصنة ...

ممكن حد يفيدنا اكتر

**Ahmed Mubarak** · 01-06-2010 06:38 PM

بص يا باشا انا لما كنت بسقط الموتور عندى على 94 سالت عن الموتير وكانت الاجابة كالاتى
فى الموتور 1400 وال 1600 سي سي فول انجيكشن ودا 75 حصان ودا بيبدا من 98 وانت طالع ( سنة صنع الموتور )
بصراحة معرفش هل 1800 او 2000 انجيكشن ولا لأ

**banky** · 01-06-2010 09:16 PM

شكرا يا باشا على ردك ... بس لسا عايز اعرف اكتر

**windofchange** · 02-06-2010 02:33 AM

ده رد من مشاركتي في قسم التعديل

الحرفيين متوفر هناك وشارع الأربعين وبرده وكالة البلح بس اكتر مكان متوفر فيه في الحرفيين....الـ 1400cc الـ 16v الـ 100 حصان قواعده مختلفة عن قواعدك لأن الموجود بتاع مو 2000 و2001 ممكن يركب بس هتعدل في قواعد الموتور وانا مرشحش كده عندك 1600 75 حصان وال1400 60 حصان وفي 1800 و2000 بس لو انت مش هتجري وتشد طول الوقت ال1600 و1400 كويس تكييف وبور///اللي هتغير مع الموتور عفشة امامي وردياتير 2مروحة والباور طرمبة وخراطيم وخزنة الزيت وعلبة الدركسيون والسيرفو فرامل والموبينه يعني ده الشغل الصح مع ان في تجار وكهربائي اعرفه يقلك موتور وفتيس والضفيرة وسقط علي كده وشغال بس اللي اعرفه والله اعلم تجيب كل حاجة عندك بس المخصوصة بتاعت الموتور الأعلي.....ممكن تجيب نص كامل وتفضيه بس اغلي سنة وممكن تجيب الحاجات دي من الأرض وتركبهم عندك اكتر نص متوفر وفيه الحاجات دي في الحرفيين ال1400 ويعملو من 5000 ل6500 وممكن كمان 8000 بس يوم متطلع الفلوس الكلام بيختلف بالتوفيق ياباشا

**banky** · 02-06-2010 11:34 AM

الف شكر ليك يا باشا انا بجد مش عارف اقولك اية بس انا سمعت عن موتور 1200 cc و 70 حصان ... دة اية

**windofchange** · 03-06-2010 03:43 AM

اللي اعرفه تقريبا ان 1200 سي سي 70 حصان ده بينزل في ايبيزا 2006 وقواعده مختلفة عن قواعد ايبيزا99 واعتقد اللعب في قواعد الموتور ده بيأثر عالشاسيه والله اعلم بس علي فكرة مواتير ايبيزا 94 ل99 حلوة مطتلعش براها يعني عندك من 1000 سي سي ل2000 سي سي 150 حصان وده اللينك بتاع سيات ايبيزا عالويكيبيديا في معلومات مهمة وحلوة اووي SEAT Ibiza - Wikipedia, the free encyclopedia