الموضوع: حصريا تقرير مصور عن البونتو ايفو و500c قبل معرض اوتوماك

اسف على الغياب عنكم بس والله متبهدل ما بين الشغل وتغطية المعرض ومتابعة التخفيض مع اوماترا، معلش استحملونى

المشاركة الأصلية كتبت بواسطة Ghamrawy

انا طبعا اتمنى ان الناس فى نايل موتورز تاخد خصم
ماحدش يكره ان الناس تستفاد
بس كل الظواهر بتقول ان الناس دى مش بتاعت تنازل عن اى مليم
يا راجل ده موضوع مركز الصيانة بتاع اسكندرية اتفركش علشان مش عايزين يدفعوا ايجار سنة كتأمين
عمرك شفت كده ؟؟!!
خلينى ساكت احسن و كفاية فضايح !!

هههههههه، حافظهم انت يا باشا، وطبعا فيه كلام كتير اتغير ها اقولكم عليه.

المشاركة الأصلية كتبت بواسطة yoko

ﻷ قول عشان تتكتب في الشكوى!!!

خلى الطابق مستور يا عم الحاج

المشاركة الأصلية كتبت بواسطة osamy

بصراحه انا مش عارف ازاي البولو ب 130 !!!!!!!!!!!!!!!!!!!!!!!!!!!!!!!!!!

انا ركبت البولو وبردو مش عارف هى ليه ب130 بس اظاهر كريم النجار مش ناوى يبيع عربية تحت ال100 الف، يمكن شايف لو عمل كده يبقى بيعيب فى باقى عربياته

المشاركة الأصلية كتبت بواسطة osamy

بس هيه من جوه مش واسعه
وبالنسبالي رخمه شويه علشان انا طولي 185
وكمان لما شوفت التيدا الهاتش باك واسعه موووووووووووووووووووت
ايه بجد ده واسعه جدا جدا جدا
ايه رأيكم في التيدا؟

والله يا باشا هى فعلا صغيرة شوية بس متنساش انها small compact car يعنى مش هتكون زى البرافو او اللينيا والتيدا جميلة واسمع ان ناس كتير بيشكروا فيها بس انا بصراحة معرفش عنها معلومات.

المشاركة الأصلية كتبت بواسطة onno_84

أنا في حاجة عايزة أسئل عليهاو العربية الموجودة في أتوماك تقفيلها من جوه سيئ جدا مقارنة بالبرافو مثلا
هي evoاللي في التوكيل نفس الشكل
أنا كنت هاجيب العربية و غيرت رأيي لما شفتها حتي ال hundai i20 كان شكلها أحسن بس أكيد مش هتبقي أحسن من ال evo

س}ال أخير حد عارف الgrande punto package 1 هتبقى بكام عشان مش موجودة في omatra

امال لو شوفتوا البرافو والناس من كتر ماهى بتلعب فى العربيات قطعوا فرش الكرسى، انتوا متخيلين الناس بتعمل ايه فى العربيات هناك؟؟؟ لو قصدك على التقفيل نفسه فى العربية اللى فى المعرض هى اللى فى التقرير ده والعربية مكنش فيها غلطات فى التقفيل، على العموم لو فيه حاجات ظاهرة يبقى من حقك ما تستلمش العربية وتطلب عربية سليمة

المشاركة الأصلية كتبت بواسطة shemooz

اولا انا عاوزه اشكركم جميعا علي ارائكم الفعاله و خصوصا أ/دامصري و أ/يوكو
انا فعلا رحت حجزتها امبارح من أ/محمد كامل و صراحه هوه متعاون جداااااااااااااا اااا و العربيه موجوده هناك و فعلا بتاعه اوتوماك تقفلها وحش بس اللي في المعرض انضف شويه (بس برضه تقفيل الابواب الخلفية مش اد كدة بس شغال)
و الحجز باي مبلغ بداية من 1.000 جنيه
بس لسة الخصم متحددش كام بالظبط
و الاستلام من 3 اسابيع ل شهر
بس فيه كام حاجة كده كنت عاوزة ازودهم
انا كنت عاوزة ازود زجاج كهرباء خلفي و وحدة رفع و إن باب تنك البنزين يفتح مع السنتر و باركنج سنسور
و هوه قالي للاسف مينفعش عشان ضفيره الكهرباء مش معموله انها تستوعب حاجه زياده
هل حد عندة فكرة عن الموضوع ده؟
أو يكون حد جرب يعمل حاجة من دول
وأذا كان الكلام ده صح و لا لأ ؟

العفو يا فندم ويارب تكون العربية قدم خير عليكى وتنبسطى بيها.

الزجاج الكهرباء الخلفى نحاول مع مركز الصيانة ونشوف ايه الكلام انا تنك البنزين فدى حركة بتضايق فعلا ولازم تنزل من العربية تفتح التنك من جوه بالمفتاح.