بحاول مكونش ممل مش اكتر
بحاول مكونش ممل مش اكتر
مع كامل احترامى لاراء استاذ مصطفى و احمد فتحى
لكن انا ليا رأى ااخر
المشكله اللى تظهر نعترف بيها ونعرفها للمقبلين على الشراء
لان اكيد لو انا عرفت ان فيه مشكله قبل ماشترى كان هايبئا افضل
بالاخص لو مشكله ضهرت مع اكتر من واحد يبئا لازم الكل يعرفها
وده افيد كتير من تعبيرنا عن حبنا للمميزات فقط
طب لو فيه مشكله مانبحثش عن حل ليها ؟؟
طب لو انا رأيى ان بروتون فيها مشاكل ماقولش ليه ؟؟؟
طب لو انت رأيك ان بروتون افضل عربيه فى العالم ليه مش راضى ان واحد تانى رأيو انها مش حلوه لان فيها مشاكل وشايف انه مبوظ المنتدى ؟؟
طب يا ترى ايه دورنا هنا فى المنتدى بشكل عام ؟؟
مش افادة الناس سواء باخبارهم عن مزايا و (عيوب) العربيه او حل المشاكل او او او......
ولا ايه ؟؟؟؟
وياترى ليه ماحدش بيرضى يسمع وجهة نظر مغايره لرأيه
وليه كل واحد مقتنع ان عربيته حاله عامه وان اللى يقول غير كده كذاب
-----------------------------------
تم حذف الرد لمخالفته لمسار الموضوع , وتحويله عن هدفه الرئيسى
برجاء الالتزام بهدف الموضوع
مشرف القسم ب8
شفت يا ايمن انت و مهاب عرفتوا محدش عاد عاوز يكتب تاني ليه
لما ندخل انا و استاذ مصطفي نقول و نعيد و نكرر و نوضح وجهة نظرنا 100 مره ونقول لازم نناقش و نسال و نوضح و نستعمل اسلوب راقي في الحوار و نعمل موضوع نقول فيه العيوب قبل المزايا و برضه الناس فهمت اننا بنقول نداري و نخبي و نخدع
معلش يا استاذ مصطفي واضح ان بقينا بنتكلم بلغه قديمه محدش باه عاوز يفهمها
و انا اسف و الله يا ايمن اني كلامي كان من اسباب تبويظ الموضوع
انا اسف يا جماعه و شكلي معنتش هتكلم تاني
"عندما يتحدث العظماء فعلى الجميع الاستماع"
" اسف للتعبير " بس بجد دا الي لازم يتقال فعلا عن الناس المحترمة بجد الي عرفتها هنا و الي فعلا مش عاجبها الحال زينا كلنا و الناس الي كانت ممكن تعمل اي حاجة علشان تيجي مقابلة ( تاجل شغل - زيارة - في ناس كانت تيجي تتجمع تسلم وتمشي تاني !!!!!!!)
و في الاخر احب اقول راي البسيط جدا كواحد من اقل الاعضاء مكانة هنا في بروتون ان انا حاسس اننا كلنا باينا ( full ) محدش ادر يعمل اي حاجة تاني خالص وانا شايف يا مووووووووون اننا لو اعدنا مع بعض و اتكلمنا كلنا هنرجع تاني ان شاء الله فعلا يا ايمن لازم مقابلة مش مهم فين مش مهم امتى المهم تجمع كم كبير من الناس دي الناس الي فعلا دخلت هنا ايام ما كان الناس مش عارفين العلامة بتاعت عربيتنا دي لشركة ايه !!!!!!! بجد لازم نتجمع ونتكلم علشان نرجع تاني
أنا رأيي زي بالظبط زي رأي المهندس مصطفى وأستاذ أحمد فتحي بس للأسف في ناس مقريتش رأيهم كويس عشان يفهموا إن مطلوب فعلا إظهار عيوب العربية قبل مميزاتها عشان دي شهادة هنتحاسب عليها قدام ربنا بس في فرق بين إني اقول عندي العيب الفلاني وإني أقول العربية فيها العيب الفلاني كأني كشفت على الكام ألف عربية اللي اتباعو ولقيت ان نسبة العيب ده موجود في أكتر من 50% من العربيات اللي اتباعت وعرفت خلاص واتأكدت إنه عيب في التصميم وإنها مشكلة عامة وهو دا غالبا اللي سادد نفس أغلب الأعضاء عن المشاركة إن أغلب المواضيع بتبوظ من كدا
انا كدا اتلغبطت و الحابل دخل مع النابل ............
شكلها كدا ياميشو ... !!!!!!
------------------------------------------------------------
ممكن من كل الاعضاء تسيبها من المشاكل شويــا ,
كنت عاوز اعرف راي (خصوصا اعضاء بروتون القدامى) ايه رايكم لو عملنا المقابله الجايه فى التوكيل ؟؟؟
نحجز يوم كامل لو حد عنده مشكله او صيانه , واخر اليوم نتغدى مع بعض ونقعد مع التوكيل لبحث بعض الامور
بعد اذنكم مش عاوز مشاكل فى الموضوع دا , اللى عنده مشكله يفتح توبيك لوحده
انا عاوز اشوف بقيه ردود البروتوناويه المختفيين بقالهم فتره , عاوز اسماء الناس القديمه ترجع تنور تانى
ياباشا ماتقولش كده , رايك وراى ا/مصطفى اكتر كلام مفيد وجايب المفيد من الاخر ,واكيد هيكون فى فئه مختلفه فى رايها معاكم -عادى جدا- ... المهم الاغلبيه يامعلم
وثانيا : انت وعدتنى انك هتنزل موضوع اليومين دول , عاوزين القسم يرجع زى زمان (واكيد حضرتك اكتر واحد عارف زمان كان عامل ازاى)
مستنى مواضيع حضرتك المميزه جدا
تحيــــــــــــاتــى لحضرتك
ايمن انا معاك ان شاء الله فالمقابلة دي.........
بس تكون فشهر 7 و ياريت لو تكون فاخر 7 او تقولي قبلها
لاني والله يا ايمن حخلص 26 7 :(((
انا اقولكم رايى بصراحة انا ملحظ ان كل موضوع يتحول لجدل او ما يشبة الخناقة حتى الموضوع دة
وهو دة الى مضيع القسم
فين بقا الحب الى كان موحود بنا فى الاول ؟
أزيك يا موووووووووووووووووووووون وازى كل البروتانوية ... يارب يكون كله تمام ...
حاااااااااااااااااااااااا ااااااااااااااااااااااااا ااضر يا مون هنشارك اكثر ان شاء الله
شويه اخبار جديده
- الدوره السنويه للكشف على سيارات بروتون هتبدا فى اخر شهر 6 -ان شاء الله- , وان شاء الله هيكون فى كام مفاجاه هنقولها فى حينها ;)
انا اول واحد عايز اروح يا ايمون طبعا وتكون انت اولنا
- احنا حاليـا شاغلين فى انشاء مجله صغيره عن بروتون , هتظهر للنور قريبـــا -ان شاء الله-
- المقابله القادمه مهاب حاليا بيجهز ليها , ومتوقعلها تكون على نص شهر 7 -ان شاء الله-
ايه اللمجهودات الرائعه ديه ياايمووون والله انت راجل برنس من الأخر بس لو تسمحلي اني اشاركك
في المجهودات ديه واشيل عنك شويه رغم انا اكتر واحد عارف انك مابتتعبش من خدمة البرتناويه
---------------------------
ياجماعه احنا كلنا اخوان , و بنحب بعض ... نفسى الناس تكون اهدى من كده ونتكلم مع بعض اهدى من كده , وصدقونى اى حد عنده مشكله انا مش بسيبه غير لما بتتحل , لو كل واحد حسب الكلام اللى بيقوله ووزنه بعقله قبل مايكتبه هيكون كل حاجه جميله
ياسلام قليل الأصل والله يابني:POINTIy2[2]:,طبعا احنا معظمنا عارفين قد ايه ايمن جدع اوي
واللي لسه ماقبلوش ان شاء الله هيقبله وهيعرف قد ايه ايمن فعلا مابيسبش حد في مشكله
ابدا الا لما يحلها .
نفسى الهدوء والحب يرجع تانى لكل اعضاء قســم بروتون
ان شاء الله كل البرتناويه هيرجعوا تاني اكيد دي ظروف معينه
اصل من عادة البرتناويه الترابط ولا نسيت ياايمووووون
:ask::ask::ask::ask::ask::ask::ask::ask::ask:
بينى وبينك العربية تخطف أى حد يجيبها ... :ma:...
بس بجد والله انا مفتقد المنتدى وناسه البروتانوية الجامدين .. بس كله من الشغل بقى الواحد بيرجع ينام عشان يصحى تانى يوم يشتغل ..:majd(2):..
بس ان شاء الله الواحد يفضل يحافظ على صداقة الناس الجدعان اللى فى المنتدى (البروتانوية) ..
الاستاذ : مصطفى_صديق
ردك أكثر من رائع وعندك حق في كل ما ذكرته وخصوصا موضوع ان اللى يلاقي عنده عيب (المفروض انه عارفه) ولو حتى مش عارفة او جديد يسأل بطريقة محترمة حتى يطمأن بالذهاب للتوكيل ,,, مش يهول و يعمل توبيك بعنوااان مثير ......
بالنسبة للأستاذ الكبير أيمن...تحية كبييييرة ليييييييك ...
انا احد الناس اللى بيعشقوا بروتون وزاد اوي الموضوع دا لما دخلت على نايل موتورز وعن قريب ان شاء الله سوف أقتنى بروتون وذلك بكامل ارادتي ومع الرفض التااام لكل من اعرفه ببروتون وخاصة أهلى بالبيت ,,,, لكن اقتناعي ومعرفتي بكل شيئ هنا بالمنتدى كفيل باتخاذ قراري لصالح بروتون على اقتناع تام وانا المتحمل الاول لأي شيئ ,, اعتذر عن الاطالة في الكلام ,,, بس أن شاء الله سأكون من أهم وأنشط الاعضاء لبروتون بعد امتلاكي لها ,,,,, ادعوا لي بالتوفيق في الامتحانااااات وشكراااااااا
يا برنس استني الاجازة الموسم ده بتاع امتحانات .... دول ضغطو كل الكليات عشان الانتخابات ... يلا ربنا لا يسامح اللى كان السبب
شكرا يا ميدو على كلامك
ايمن انت فعلا بتعمل الى كل حاجة لحبك للعربية وللناس
مقابلة جو التوكيل انا شايف (رئى شخصى ) مش هتكون مفيدة رئى انها تكون مقابلة لعائلة بروتون
نفتح مجال نتعرف على بعض نحاول ندور على افكار جديدة بجد
برة الموضوع شوية انا انهاردة كنت فى اتوماك الدنيا حلوة خاااااااااااااالص يا شباب
وردى المعتاد والى انت حفظتة انا معاك فى حاجة يا مون
واليومين دول بدور على موضوع وربنا يسهل علشان دماغى واقفة خااااااااااااااالص
ايمن حبيب قلبى
والله وليك وحشه جامده يا راجل
انت وكل الناس المحترمه واللى الواحد مفتقدهم من زمان
واللى نفسى اقابلهم فى اقرب فرصه
بس انت يا تركز شويه يا معلم فى امتحاناتك وان شاء الله بعد فترة الامتحانات ما تعدى
هانقدر ان شاء الله نرجع قسم برتون لمكانته اللى كان عليها
الا ستاذ( مصطفى ,احمد فتحى , مهاب ......)
ردودكم اكتر من ممتازه و متفق معاكم فى كل اللى قولتوه
ومنتظر تحديد ميعاد للمقابله وان شاء الله اقدر احضرها
ايموووووووووووون
ةالله واحشني، انا اعتقد ان عشان بس موسم امتحانات المشاركات قلت شوية
بس ان شاء الله هنملى القسم مواضيع جديدة ان شاء الله
انا هنا يا موننننننننننننننننننننننن نننننننننننننننن
سلام الله لكم جميعاُ
قرأت جميع المشاركات التي في هذا الموضوع من بدايته... وأرتاح قلبي عندما علمت ان هناك اخريين يشاركونني في افكري وأرائي بما يدور داخل قسم بروتــــون ... " وغير راضيين عن الوضع الحالي "
في رأيي المتواضع حل هذه المشاكل يتلخص في الأتي:
1- ترابط جميع الاعضاء الحاليين بدون استثناء والاتفاق على الهدف العام للقسم والسعى لتحقيقة... مع العلم ان هذه الخطوة ليست بالسهلة.
2- ومقابلة عاجلة في اقرب وقت للإعضاء (يوم واحد - في اي مكان - بدون غذاء او عشاء - او مشروبات - مقابلة لمجرد التعارف والتحدث والصداقة ) .. ان أمكن.
3- كما يجب تصفية الخلافات القائمة بين كافة الاعضاء وقبول الرأي الاخر وجعل الإثباتات والحوار المتحضر / المتمدن هما الطريق الوحيد لإثبات وجهة النظر في حالة الاختلاف.
لنتعامل معاً بمبدأ " أحب لأخيك ما تحبه لنفسك " أرجو من كل عضو ان يفكر قليلاُ فيما يدور الأن بيننا
كل التحية والاحترام لكافة الأعضاء المشاركين في هذا الحوار والغير مشاركين.
تقبلوا تحياتي جميعاُ...
اولا ازيك يا موووووووووووووووون واحشنى كتير والله
ثانيا انت عندك حق فى كل اللى قولتله بس اكيد الناس عندها ظروف ( امتحانات - شغل )
وبما انى لسه عضو جديد فى المنتدى فما عرفش قسم بروتون زمان كان عامل ازاى بس من كلامك فهمت ان هو اتقلب حاله 180 درجه
وفعلا الناس ما بقاش عندها غير المشاكل وبس بقى مشاكل فى الشغل ومشاكل فى البيت ومشاكل فى المنتدى كمان هههههههههه
مع انك كاتب ومأكد فى اول الموضوع ان الموضوع ده مش للمشاكل ورغم كده مفيش فايده
فالحل فى هيكون فى المقابله ان احنا نقعد كلنا مع بعض فى مكان واحد ويطلع الناس القدامى المؤسسين لقسم بروتون فى المنتدى ويتكلموا ونشوف هنعمل ايه فى الفتره الجايه
ونفسى بجد احضر المقابله دى وانا مستنيها بفارغ الصبر بس مش عارف هبقى موجود ساعتها ولا لا عشان انا مسافر مرسى مطروح ان شاء الله فى 16 / 7 وهارجع 23 /7 باذن الله
وانا بجد مش عارف اقولك ايه يعنى رغم امتحاناتك والقرف اللى انت فيه حامل هم القسم والناس ربنا يعينك يارب
وتخلص امتحانات على خير انت ومحمد عماد وكل اللى بيمتحنوا
سلالالالالالالالالالالالا لالام يا صحبى
انا فعلا مبدخلش كتير على الجروب و بجد نفسي اقابلكم بس انا علشان مبدخلش بيفوتني مواعيد المقابلات
من رايي انه لو فيه مقابه او اي نشاط جماعي, الاداره مشكورة تبعت رساله لكل الاعضاء في الجروب
السلام عليكم ياخوانى المصريين مالكى بروتون
لم ادخل المنتدى منذ مدة واليوم وجدت اشياء مختلفة فى الحوار وان شخصيا اعتبره شىء جيد ان نصل الى تلك المرحلة من الاخلاص الى فكرة اتحاد مالكى بروتون بمصارحة ومصالحة كاصدقاء قدامى وان شخصيا اتشرف بان اكون صديقا لى انسان صالح
بالتاكيد لكل منا هدف مختلف فى الحياة وحياة خاصة وفكر خاص يختلف عن الاخر ولكن ما نجتمع عليه هو ثقافة المصريين التى ربما فى بعض الوقت لا تعترف بالحوار والراى الاخر ولكنها عاطفية جدا فى اتخاذ القرارت الانفعالية
مما ينتج عن هذا الانفعال حركة ونشاط وافكار سريعة ما يفتْ ان تخفو مرة اخرى
لذلك اعتقادى الشخصى ان نعرف السبب من اتحادنا هنا وحوارنا بغض النظر عن طرق الحوار التى يجب ان تكون( متحضره طبعا) او وجود مشاكل عند البعض ولا توجد عند الاخرين التى يجب ان نتقبلها بصدر رحب ونستمر فى مساعدة بعضنا البعض الا ان يشاء الله فالاختلاف فى الراى لا يفسد للود قضية
فالماذا الياس فيجب ان يتقبل كل منا الاخر بثقافته
وحتى لاا خرج عن سياق الحديث اعتقد ان هدف اتحادنا الاول هو الدفاع عن حقوق مالكى سيارات بروتون المصريين امام الصانع الماليزى والوكيل المصرى فلن ننكسر مادمنا عصبة
وايضا النصح والارشاد فيما يخص السيارة واعلاء القيم فيما بيننا ويجب ان نتجرد من كل غاية فى مساعدتنا بعضنا البعض لوجه الله
فالله فى عون العبد مادام العبد فى عون اخيه ومن فرج كربة عن اخيه فرج الله عن كربة يوم القيامة
ولتكونوا بالفعل خير امة اخرجت لناس يامرون بالمعروف وينهون عن المنكر
واشكركم واسف على الاطالة
اخوكم
محمد خضر
واجا
300243
ربنا يخيك يا محمد الف شكر على كلامك الجميل
ياباشا ماتقولش كده ... كلنا عارفين مساهماتك و مواضيعك الجميله .
ان شاء الله نتقابل كلنا على خير فى القريب العاجل .
مشاركه رائعه بتحمل الروح الى اتمنى انها تسود فى المنتدى .
اقتباس:
3- كما يجب تصفية الخلافات القائمة بين كافة الاعضاء وقبول الرأي الاخر وجعل الإثباتات والحوار المتحضر / المتمدن هما الطريق الوحيد لإثبات وجهة النظر في حالة الاختلاف.
اقتباس:
لنتعامل معاً بمبدأ " أحب لأخيك ما تحبه لنفسك " أرجو من كل عضو ان يفكر قليلاُ فيما يدور الأن بيننا
متفق مليار % , بشمهندس رفيق انتا اختصرت الى نفسى اقوله بشكل مباشر .
أ خالد ده بيتم فعلا ... و حيتم فى المستقبل قبل كل مقابله ان شاء الله .
السلام عليكم
بصراحه انا من الناس اللى قولت عليهم(ناس كتيره بقيت مابتدخلش القسم , وناس اكتر بقيت تدخل 5 دقايق وتخرج تانى )
كتير كنت بادخل خمس دقايق على السريع اشوف لو فى جديد بس ده اكيد بسبب
ان مفيش الوقت اللى الانسان يرتاح فيه من القاعده على الكمبيوتر الا بالليل لان طول اليوم فى الشغل قاعده قدام شاشه الكمبيوتر , فغالبا انا مش باهتم الا لو فى جديد وحاجه تشدنى فحتى لو تعبانه هاقعد زى ما حصل النهارده كده.
ان شاء الله ادخل كتير واشارك كمان