السلام عليكم .. عايز منكم نصيحه للبورا

**peter_laden** · 02-06-2010 03:53 AM

السلام عليكم .. عايز منكم نصيحه للبورا 2002 حالتة ممتازة لونها اسود كامله اوتوملتيك عامله 112000 كبلو بها جميع ال كمليات وجنت و زينون .. ممكن اعرف من حاضراتكو دي تخلص على كام

**mostafa_aqsa** · 02-06-2010 04:02 AM

على حد علمى الموديل 2002 سعره من75000 الى 80000 و طبعا على حسب الحالة.

**elshrpeny** · 02-06-2010 05:49 AM

هو بالنسبة للبورا اى موديل من 2000 إلى 2003 أهم حاجه فيها انها تكون حالة نظيفه , يعنى تكون فابريكة بره وجوه وتكون كمان ستوك ( يعنى كل حاجه فيها من ماتور وكماليات و هكذا بتوع المصنع ) ومتكونش معمول فيها أى تعديلااات ( يعنى مثلاً لما العربية تكون بجنونتها الاصليه وضع واما تكون مجنته بجنوط تايوانى او صينى أو كورى مثلاً وضع تانى خالص اما لو جايب جنوط أصلى بتوع فولكس هيبقى جايبهم غاليين يعنى ممكن يكونوا أغلى من الاصليين إلى راكبيين فيها كمان و متوقعش إنه يكون جايبهم و لو جايبهم يبقى خير و بركه المهم إن الكلام دا بيفرق فى سعر العربيه طبعاً ) و يفضل كمان انها تكون عاملة كيلوات قليله .

بالنسبة للأسعار
- لو حالتها زى ما قصدت كدا وتكون كمان كيلواتها أقل من الـــ 100 ألف كلم دى مثلاً من 80 لــــ 85 ألف ( وممكن تعدى لو شاذه او نادره )
- أما لو حالتها زى ما قصدت برده بس يكون مثلا فيها بعض الاجزاء رشة من الخارج و مثلا مجنته جنوط عاديه مش الاصلى سواء بتوع العربيه او هو شاريهم ( دا ميمنعش انه لو لسه عنده الاصلى وهيدهوملك ان كدا يبقى تمام ) ومعدية الـــ 100 ألف كلم دى مثلاً من 75 لــ 80 ألف

و أرجو إنى أكون أفدت حضرتك

وربنا يوفقك ويرزقك بعربية حالتها ممتازه إن شاء الله

**TOOLA** · 02-06-2010 05:33 PM

الجنزط الأصلى بتتباع فى الحرفيين و محفور جواهم ختم فولكس, ال جنط ال 15 ب 1500ج, و ال 16 ب 2500 ج و الأسعار ديه من 9 شهور تقريبا

**elshrpeny** · 02-06-2010 06:56 PM

والجنوط دى 4 مسمار ولا 5 يا أحمد ؟
عشان لو ينفعوا يركبوا عندى فى البولو .

**TOOLA** · 03-06-2010 12:41 AM

بتوع البورا 5 مسمار طبعا, لكن لو لفيت ممكن تلاقى جنوط اصلى للبولو

**elshrpeny** · 05-06-2010 11:29 PM

وهل عندك فكره عن أسعارها فى حدود كام يا أحمد ؟

**TOOLA** · 05-06-2010 11:49 PM

جنوط البورا 15 أصلى بيعملوا 1500 ج (الكلام ده من 9 شهور)

**elshrpeny** · 06-06-2010 07:30 AM

لاء يا عم انت فهمتنى غلط أنا أقصد ال 15 بتوع البولو مش البورا

**mohamedbook** · 06-06-2010 08:18 AM

لو ياجماعة نفس العربية وعاملة 150 الف كيلو ومش راشة وحالتها حلوة غير بعض الخبطات البسيطة في العتب والمراية مكسورة
وموديلها 2004 تعمل كام

الموضوع: السلام عليكم .. عايز منكم نصيحه للبورا

LinkBack

أدوات الموضوع

عرض

-

-

-

-

المواضيع المتشابهه

السلام عليكم .... عايز بى أم

السلام عليكم عايز استفسار بسيط بس

عايز منكم نصيحه للبورا 2002

ممكن نصيحه للبورا

بالله عليكم عايز المشوره منكم فى فيات اونو 1991

الكلمات الدلالية لهذا الموضوع

المفضلات

المفضلات

ضوابط المشاركة