الموضوع: بيرسونا ولا النترا --ارجو الرد

شكرا جزيلا يا اخونا علي ردودكم و نصائحكم انا الصراحه فكرت و استاخرت و قررت اجيب البرسونا للاسباب الاتيه
1-ثبات علي كل السرعات (انا مش بجري قوي 120 اخري)
2-استهلاك بنزين اقل
3-صاج ناشف جدا و دي شفتها بعيني مش بتتفشفش من اقل خبطه زي الهيونداي
3-كماليات كتير ز خصوصا الكاسيت النضيف زي ما بعضكو اتكرم و قال لان غبور بيحط كاست اونطه
4-سعه زي الالنترا و يمكن اكبر بالذات الشنطه
5-مش منتشره و دا عيب عشان قطع الغيار بس ميزه لان مش طول مانا ماشي هلاقيها ف كل حته زي الالنترا فا دي فيها تميز شويه
6- و مع كل دا سعر اقل
بس انا مش عارف اجيبها منين لان في بعض فروع التوكيل كويسه و في فروع تانيه الناس بتسب و تلعن فيها بس انا بفكر اجيبها من سمير ريان ايه الرأي؟
و اسف علي الاطاله

شكرا يا ايمن باشا علي الرد ...بس ازاي اخد الخصم بتاع ال 3000 دا... اقولو انا من نايل موتورز كدا و خلاص!؟ لازم شيء يثبت

المشاركة الأصلية كتبت بواسطة x512

شكرا يا ايمن باشا علي الرد ...بس ازاي اخد الخصم بتاع ال 3000 دا... اقولو انا من نايل موتورز كدا و خلاص!؟ لازم شيء يثبت

يباشا قولوا انك من طرف ايمن بسسسسسسسسسسسسسسسسسسسسسس
مبروك مقدما

المشاركة الأصلية كتبت بواسطة dr.almaghraby

هوا كله عمال يقول بونتو ايفو علي اساس ايه !

يا جماعة اكيد هيا احسن من الجين 2 ........... لكن فرق السعر كبير...

هيا سعرها كاlم الايفو؟

1-احسن علشان اسم الشركة
2-الشكل ازواق(الاتنين جامدين جدا)
3-فرق السعر لصالح الجين لان فيها كل الكماليات اللى موجودة واللى مش موجودة فى الايفو
(معقولة فى عربية لحد النهاردة فول اوبشن الازاز الخلفى بكر فى كل فتئاتها
4- موتور ضعيف جدا مقارنة بالجين (77 حصان) بس
5-شنطة ووسع داخلى اقل كتير من الجين خصوصا فى الشنطة
6-التقفيل لصالح الايطالى من غير كلام
7-الفتيس الدوالوجيك مش سهل ومش صعب بس جديد وفى ناس كتير مش مستريحة فية وعن تجربة فى قسم الفيات مع اخ معاة جراند وموضوعة مثبت وبيشتكى من الفتيس
8-قطع الغيار غالية جدا فى الفيات ومش متوفرة كمان
9-اعادة البيع فى الارض للاتنين (بس الجين احسن كتير لان خسارة الفيات اكتر )
10-اغلى من الجين برقم مش هين لو حتجيبها اوتو فل اوبشن(زجاج كهربا امامى بس)

يبقى لية الايفو احسن يا جماعة مش علشان ايطالى تبقى احسن
دلوقتى لو ركبت فى الايفو 4 اشخاص وسحبت بالعربية شوية وكمان شغلت التكييف واوتو ماتك وموتور 1400 و 77 حصان وعربية معدية ال 105000 تفتكروا اداءها حيبقى عامل ازاى ؟؟؟
الايفو صفقة غير رابحة لو حطينا الجين اداء وكماليات مقابل سعر
تحياتى ووالله انا بتكلم بحيادية ودة رايى الخاص وياريت محدش يزعل بس انا لو اللى حشترى العربية حفكر التفكير دة