ياريــــــــــــس
عرض للطباعة
ياريــــــــــــس
yarissssssssssssss
متشكرين جدا يا جماعه على اهتمامكم وتعاونكم جزاكم الله كل خير
دلوقتى انا اتلخبطت شويه فى كذا عربيه مرشحه وهم
(ياريس - سيريون - جين 2 - أفيو - جيتز - نيو اكسنت)
أنا ميال للسيريون على اساس ان فيها كل الاوبشن وب 80000 والناس بتشكر فيها
ممكن اتعبكم شويه لو سمحتم وتساعدونى كل واحد يقوللى ليه اختار عربيه معينه من المجموعه السابقه وايه اللى شيفه فى باقى عربيات المجموعه السابقه مش عاجبه او يخليه ما رشحهاش
وهيبقى الموضوع مفيد للكل ان شاء الله
وجزاكم الله كل خير
معلش ممكن تاخدوا فى اعتباركم فى المقارنه اتساع السياره من الداخل اصل انا طولى 193سم وعايز اعرف اسوق وانا مستريح شويه مش لازم مستريح قوى يعنى :) وشكرا جزيلا
حط كمان فى اللستة بتاعتك هوندا سيتى
و كل العربيات دى متجربة و الناس بتشكر فيها
انا رأيي بلاش سيريون مع انها عربية ممتازة
انت معك طفلين يعنى طى الكنبة الخلفية مش وارد لما تكون محتاج تاخد حاجات كتير معاك
ممكن تقول ان كل فين و فين لما الواحد يحتاج يملا الشنطة
بس لو يوم احاجتها و قصرت معاك هتبقى مخنوق و هاا تحط شنط جنب العيال و تزنقهم
كمان انت لو بتعمل كيلومترات كتير يبقى البنزين يفرق معاك
ساعتها يبقى تركز فى سيتى و ياريس و النيو اكسنت
و فى كل الاحوال سيبك من افيو طالما تقدر على اللى احسن منها
ربنا يوفقك للخير و الصواب
متشكرين جدا يا سيد ابو حمزه
يعنى حضرتك شايف ان لو حجم الشنطه ما يفرقش معايا يبقى احسن اختيار هو السيريون انا قريت ان السيريون اقتصاديه فى استهلاك البنزين
انا اهم حاجه بالنسبه لى با الاعتماديه العاليه وقدره العربيه على التحمل يعنى تعيش معايا وفى نفس الوقت الاوبشنز والراحه فى القياده
اعتقد ان السيتى اغلى من 80000 صح ولا
جزاك الله خيرا
كده يا جماعه القائمه اصبحت
(سيتى - ياريس - سيريون - جين 2 - أفيو - جيتز - نيو اكسنت)
مستنى ردكو وشكرا جزيلا
رأيى الشخصى , صنى مانيوال
هاتعدى ال 80 الف بشوية , بس علشان يمكن تكون أحسن عربية يابانى وبالنسبة لفئة الـ 1600 فى الثبات و الامكانيات والشياكة ...
اعتقد ان عيبها الوحيد ان موديلها قديم من عدة سنوات ( مش عارف هايغيروا شكلها قريب و لا لأ و هل ده هايؤثر قطع غيارها - يمكن حد من الاخوة الاعضاء يفيدنا فى الموضوع ده )
انا بقول كده علشان ظروفى مقاربة ليك وبقالى فترة بفكر و بدور على عربية تقطع حوالى 100 كيلو متر يومياً لظروف عملى و تكون عملية و عائلية مريحة مستقبلاً وفى حدود الـ 85 الف...
عموما شوف لينك النيسان , أكيد هتلاقى معلومات كتير من اخواننا وتقييم شامل للسيارة.
مرة تانية ده رأى شخصى و بدون تجربة اعتماداً على رأى من جربوها ...
رأى : لانسر 1300 مانيوال . قطع غيار معمرة . توكيل محترم . يابانى 100 %ٍ
ما ينفعش نقول رأينا فى 7 عربيات و هايبقوا 8 كمان و مفيش اى علاقة بينهم ما بين السيدان و الهاتش بالك والا ال cc ولا اى حاجة
ياريت حضرتك تحدد اختياراتك شوية و تكون لها علاقة مع بعض فى نفس الفئة .