طب بعد اذنك يا سيد سبعاوى هيه الياريس اوتوماتيك بكام اصل اعتقد انها اكتر من 90 يعنى فوق الرينج بتاعى
عرض للطباعة
صحيح انا خد بالى وصلحت فى التعليق اللاحق واسف تانى مره لسيد سعداوى
طيب حضرتك ممكن تجاوبنى على سؤالى السابق اللى هوه
ياريس اوتوماتيك فول ابوشن حوالى 99 الف
سيريون اوتوماتيك فول اوبشن ب 81 الف
هل الفرق بينهم ده يستحق مع ملاحظه الاتنين يابانى ونفس الشركه ونفس حجم السياره انا مش متاكد من سىسى
رأى الشخصى هى الإتنين بعتبرهم تقريبا نفس الفكرة
لكن بتفرق فى الاتى :
1- إن الياريس سيدان و السيريون هاتشباك و دا أفضل لفكر المصريين.
2- الياريس من تويوتا و السيريون من دايهاتسو و إسم تويوتا أكبر من دايهاتسو رغم إن تويوتا مستحوذه على جزء كبير من دايهاتسو.
3- سعر إعادة البيع و سهولة البيع فى صالح الياريس عن السيريون .
4- الياريس منتشرة عن السيريون و دا يؤدى أيضا لإنتشار قطع الغيار بره التوكيل للياريس عن السيريون .
هى دى الأسباب من وجهة نظرى للفروق بين الإتنين لو الفروق دى بتفرق معاك يبقى هات الياريس لو مابتفرقش يبقى هات السيريون
شكرا جزيلا على الرد يا باشا انا اعتقد ان السيريون هتنتشر مع مرور الوقت مع انها اعتقد حاليا منتشره بنسبه معقوله وده يحل موضوع سعر اعاده البيع وقطع الغيار يتبقى الفرق ان واحد سيدان والتانيه هاتشباك واعتقد بالنسبه لى ما يستحقش فرق 20الف
حد يا جماعه ينصحنى باى حاجه تانيه او له اضافه او تعليق على الكلام اللى فات
واضح انك معجب بالسيريون و محتاج شوية تشجيع
اطلع على معرض و اتفرج عليها بكل دقة و شوف صالونها و قعدتها
كمان بما ان حضرتك طويل يبقى لازم تبص على ماتريكس عشان وسعها وحجم الباب كبير بس هى اعتماديتها اقل من العربيات اليابانى اللى قولنا عليها
و صلى استخارة قبل ما تاخد القرار
ربنا يوفقك
انا شفت الاتنين وركبت فيهم ومش عارف حاسس انهم فى المساحه( الداخليه) قريبن جدا من بعض وعلى فكره قريت التعليق ده من بعض الاشخاص على النت بيقولوا ان السيريون اكبر فى مساحتها الداخليه من الماتريكس!
انا بس لاحظت ان ناس كتير بتتكلم عن العربيات الصغيره وتقولك انها بتتهربد بسرعه وانا بصراحه مش فاهم يعنى ايه بتتهربد او قصدهم ايه مع ان انا اعرف ناس معاها شاريد مثلا من اكتر من 10 سنين وماشى حالها كويس جدا
طيب يا باشا ما انت بترد على نفسك اهه
هات واحد كان معاه عربيه من دلو وقديمه ومش بيشكر فيها مش هقولك بيقولك عليها عادي لأ بيشكر فيها
يا سيدي الفاضل دايهاتسو من العربيات المعمرة جدا وانا ليا تجارب مع اقارب لي في الموضوع ده
وبعدين السيريون الفول اووبشن منها علشان ABS , EBD والسي دي المدمج والأسبويلر والجنوط والكلام ده كله بــ 86 الف 1300 سي سي
او 90 الف 1500 سي سي
اما اللي بــ 81 دي اوتوماتيك فقط بس
وانا أؤكدلك ان العربيه تحفه جدا
واسعار قطع غيارها اقل من الياريس
وبعدين ليا تعليق بسيط بمقارنتها بالياريس
اولا الياريس سيدان ودي لوحدها مشكلة في بلدنا لأن الناس مش بتتقبل بالهاتشباك بسهولة
ثانيا أن الياريس عمرها في مصر اكتر من السيريون
لأن السيريون بقالها سنه وشويه في السوق المصري
يعني فترة بسيطة جدا ومع ذلك انتشترت وده مش تفضيل على الياريس وانما فصل في بعض الملتبسات علينا
وربنا يباركلك ان شاء الله
وانصحك بكثرة الأستخارة لكي ترزق الخير ان شاء الله اين كان
السريون بكل تأكيد عربية (مينى كوبر )