سؤال بخصوص البيض الللى مش بيملص

**jojajo** · 02-06-2010 02:58 PM

يا جماعة انا عندى لادا 2103 ولللاسف بدات اسمع صوت طرقة وحاجات كدة عند المطبات مع العلم انا غيرت البيض كله والجلب فى شهر 2 ونوع البيض اللى هو الروسى وانا مكنتش اعرف انه اوحش نوع وانا خايف دلوقتى جدا فا عايز اعرف اعمل اية واية نظام البيض اللى مش بيملص دة وسعره كام تقريبا
وفى حاجة كمان وهى لما اكبس على الدبرياج مرة واحدة بسمع صوت زى صوت كركبة مش عارف مننين ولما اعدى من مطب جامد ولا حاجة بسمع صوت زى ما يكون فى حاجة مش الشنطة بس هى مفهاش حاجة انا شاكك انه يكون عمود الكردان او حاجة كدة او كرسى النص فا عايز اعرف تقريبا الحاجات دية تعمل كام فلوس ولو حد يعرف ميكانيكى جاااااامد اروحله اظبط العربية عنده علشان كمان قواعد الماتور الجلد بتاعها اتشقق واتاكل على الاخير وشكرا بجد للمنتدى الجامد جدا دة

**jojajo** · 02-06-2010 03:39 PM

وعندى سؤال كمان وهو انا عندى الفتيس 4 غيار بس لو اشتريت فتيس 5 غيار ينفع يركب عندى والماتور هيقبله ولا لا ويعمل كام تقريبا الفتيس اذا كان جديد ام ايستراد وشكرا

**nimo.mimo** · 02-06-2010 08:38 PM

شوف الرابط ده بس اسأل و اتأكد الأول لأنى مجمع الكلام ده من كلام الناس مووش عن تجربة

http://www.nilemotors.net/Nile/12559...post3872708351

**jojajo** · 03-06-2010 08:17 AM

شكرا على الرد ولكن ارجوالرد بخصوص النوع اللى مش بيملص دة واية هى وظيفته بالظبط وازاى مش بيملص وكدة وشكرا جدا وان امكن الرد على باقى الاسئلة

**nimo.mimo** · 03-06-2010 10:00 AM

و الله أعلم بيملص دى المقصود بيها إنه بيتفدغ أو يتنى و لو أهمل ممكن يفلت و يدهول الدنيا و الله أعلم
فالفكرة إن البيض يكون ماركة كويسة يستحمل الإجهاد عشان ما يملصش

و اسطوانة الدبرياج سمعت انها بحوالى 500 جنيه و دى يفضل تكشف عليها كويس بردو عشان لو لاقدر الله لو حاجة اتكسرت على سرعة عالية مشكلة و ممكن يفرمل العربية.

**jojajo** · 07-06-2010 08:12 AM

شكرا جدا ولكن اية رايك فى النهائى علشان نازل اجيب اجيب انى نوع فيهم ؟؟

**nimo.mimo** · 07-06-2010 01:01 PM

المشاركة الأصلية كتبت بواسطة jojajo

شكرا جدا ولكن اية رايك فى النهائى علشان نازل اجيب اجيب انى نوع فيهم ؟؟

شوف اللينك ده بيقول بيض بلغارى
http://www.nilemotors.net/Nile/125598-a.html

( 1 ) استعمال البيض البلغارى فقط وثمنه تقريباً 170 جنيه للطقم ( اوعى تستعمل البيض الروسى اللى لون علبته أزرق وفى منه بمشاحم وبدون مشاحم وثمنه تقريباً 120 جنيه لم يستمر إلا شهرين وزاد صوت الطقطقه منه دى نصيحه لوجه الله ) .
( 2 ) عدم استعمال المقصات المصريه لأن صاجها خفيف وكمان عرض الجزء القابض على الجلب صغير وبالتالى تدمر الجلب باستمرار وتحدث صوت ( أنا غيرتها واشتريت مقصات استيراد صاجها محمل وكمان عريضه ) .
( 3 ) استعمال جلب المقصات الروسى بس خد باللك اشترى اللى فى علبه لأن هناك جلب روسى زيها بالضبط بس بدون علبه بتبقى مربوطه مع بعضها بحبل ودى ضعيفه .
( 4 ) تأكد من حالة المساعدين والسوست ( عموما أنا مركب مساعدين تويوتا )
( 5 ) راجع على تربيط العفشه بالكامل ( جلب مقصات - بيض - بارات ) كل فتره لضمان عدم حدوث أصوات .
( 6 ) بلاش حكاية تزييت العفشه لأنها تجمع التراب عليها مع الوقت ويؤدى لتأكل الجلب بل عند الضرورة أغسلها فى بنزينه بالجاز وتأكد من شطفها بالمياه .
( 7 ) حاول تاخد المطبات بهدوء لأن عفشة اللادا ثقيله الوزن جداً .
....* هذه النصائح لوجه الله بعد معاناة طويله مع العفشة إلى أن هداها الل