الموضوع: الوصلة الجديدة من كوبرى ثروت للدائرى

المشاركة الأصلية كتبت بواسطة أبو إياد

بص هو حاليا مفتوح بشكل تجريبى ياعنى هو مفتوح بقاله شهر من كوبرى ثروت وفعلا امس اتفتح من مقار ولكن مفتوح لغايه شارع العشرين فقط والباقى لسه مكملش حتى المفروض انها طالعه بس حاليا بيستخدموها كمنزل لشارع العشرين وصفط
انا عن نفسى مابستخدمش شارع فيصل نهائى بعد ماظبطوها وخلال اشهر جميع شوارع فيصل الداخليه هاتتظبط بعد الانتهاء من الحفر الخاص بالغاز

انا يوم الخميس وانا رايح فيصل وصلت عند الدقى وعند مقار كدة وقولت اجرب اطلع من على الوصلة الجديدة ومشيت مع الطريق لحد ما لقيت يافطة مكتوب عليها مخرج صفط اللبن رحت نازل مع العربيات واول مرة اروح المنطقة هناك مشيت وعند اول شارع دخلت ورا العربيات وسالت اروح شارع فيصل ازاى سواق تاكسى قالى تمشى على طول لحد ماتدخل شارع العشرين وبعدين تطلع على فيصل
واجارك الله من اللى حصل لى انا والعربية شوارع سيئة مطبات وحفر وبلاعات خلانى كرهت نفسى وشوارع ضيقة يا دوب تكفى عربية واحدة وتكاتك وقرف
كان مقلب محترم
دا الواحد يمشى فى فيصل فى عز الزحمة حتى لو اتاخرت ولا امشى على الوصلة دى تانى
بس لما حكيت الحكاية لواحد صاحبى قال لى المفروض كنت كملت ومنزلتش من النزلة دى وفى نزلة تانية عند الدائرى تنزلت على طريق كفر طهرمس ودى طريق مسفلت ونظيف ومنه على الطالبية فيصل ( الكلام دى مضبوط !!!! ولا لا )