عرض للطباعة
يا جماعة امبارح وانا رايح فيصل لاقيت الكوبرى الجديد من عند مقار اشتغل وفيه عربيات طالعة الكوبرى عاوز اعرف من الاخوة اللى ساكنين فى فيصل الكوبرى دى لية مخارج توصل لفيصل بدل شارع فيصل والزحمة ولا دى للدائرى فقط
الكوبرى الجديد دى اللى فى شارع السودان اللى رايح على كوبرى فيصل عند محطة مترو البحوث
يا ريت لو فيه معلومات عن الكوبرى دى من الاخوة الاعضاء المحترمين
هوة المخارج لحد الدائرى وصفط اللبن
ممكن من عند مطلع الدائرى من صفط ا اللبن توصل
اخر طالبية فيصل
او
مطبعة فيصل
بص هو حاليا مفتوح بشكل تجريبى ياعنى هو مفتوح بقاله شهر من كوبرى ثروت وفعلا امس اتفتح من مقار ولكن مفتوح لغايه شارع العشرين فقط والباقى لسه مكملش حتى المفروض انها طالعه بس حاليا بيستخدموها كمنزل لشارع العشرين وصفط
انا عن نفسى مابستخدمش شارع فيصل نهائى بعد ماظبطوها وخلال اشهر جميع شوارع فيصل الداخليه هاتتظبط بعد الانتهاء من الحفر الخاص بالغاز
لو لو لولولو لىىىىىىىىىىىىىىىى اخيرآ فيه بعض الحلول لفيصل والهرم انا نزلت اعلان لشقتى علشان ابيعها من الزل الى انا شايفه من شارع الهرم وفيصل
انا يوم الخميس وانا رايح فيصل وصلت عند الدقى وعند مقار كدة وقولت اجرب اطلع من على الوصلة الجديدة ومشيت مع الطريق لحد ما لقيت يافطة مكتوب عليها مخرج صفط اللبن رحت نازل مع العربيات واول مرة اروح المنطقة هناك مشيت وعند اول شارع دخلت ورا العربيات وسالت اروح شارع فيصل ازاى سواق تاكسى قالى تمشى على طول لحد ماتدخل شارع العشرين وبعدين تطلع على فيصلاقتباس:
المشاركة الأصلية كتبت بواسطة أبو إياد
واجارك الله من اللى حصل لى انا والعربية شوارع سيئة مطبات وحفر وبلاعات خلانى كرهت نفسى وشوارع ضيقة يا دوب تكفى عربية واحدة وتكاتك وقرف
كان مقلب محترم
دا الواحد يمشى فى فيصل فى عز الزحمة حتى لو اتاخرت ولا امشى على الوصلة دى تانى
بس لما حكيت الحكاية لواحد صاحبى قال لى المفروض كنت كملت ومنزلتش من النزلة دى وفى نزلة تانية عند الدائرى تنزلت على طريق كفر طهرمس ودى طريق مسفلت ونظيف ومنه على الطالبية فيصل ( الكلام دى مضبوط !!!! ولا لا )
عاوز اقولك انك بمجرد ما تنزل مافيش 200 متر هتلاقى شارع العشرين
انت اكيد دخلت كذا شارع لان العشرين متسفلت
ولسه وصله الطالبيه ماخلصتش
فعلا لو كانت النزلة اللى عند الدائرى خلصت هتوصل للطالبية والطريق هناك لسه جديداقتباس:
المشاركة الأصلية كتبت بواسطة midomahany
بس انا فعلا بقيت شايل هم اما يزحم :beatdeadhorse5:
ما تقولش لحد بقى على الطريق ده :ma:
على فكرة الوصلة دى لما تخلص هتووفر وقت بس لو ماكنش فيه زحمةاقتباس:
المشاركة الأصلية كتبت بواسطة أبو إياد
الوصلة اللي من كوبري ثروت للدائري تفيد اللي رايح من الدقي لمدينة السلام وما حولها؟
الله ينتقم من الى امر بفتح الوصله دى لان انا طلعت عليها متوقع انها اشتغلت ومفيش اى علامه ارشاديه تدل انها شغاله بشكل كامل ولا لاء المهم نزلتنى اجبارى فى زنيين واجارك الله على البهدله الى اتبهدلتها انا والعربيه حسبى الله ونعم الوكيل فى الحيونات الى ماشيه هناك وقله الادب والمطبات والبلطجه بتاعه المكروبصات والتكاتك واخرتها لبست مطب سمعت فيه طوت الكارتيرة بتاعه الموتور والمدام حامل فى الشهر الاول راحت مسوطه من الرزعه الله ينتقم من كل مستهتر بلناس وسلامتهم
يا باشا انا مقدر اللى انت فيه لانى مريت بنفس التجربةاقتباس:
المشاركة الأصلية كتبت بواسطة ashrafsadany
كرهت نفسى وانا ماشى من الحفر والمطبات والشوارع الضيقة والتكاتك انا كان صعبان عليا العربية وهى لسة جديدة من الرزع وغطيان البلاعات حسبى الله ونعم الوكيل
معلهش
محدش بيتعلم ببلاش
بس المفروض الوصلة متشتغلش غير لما كل حاجة تبقى تمام
لكن تعمل اية فى القرف محدش عنده احساس بالمسئولية
م.عصام مهنى
المفروض ان الريس هيفتتح محور صفط اللبن بالكامل من الدقى للدائرى مباشرة فى منتصف يوليو 2010
منتصف يوليو ما اعتقدشاقتباس:
المشاركة الأصلية كتبت بواسطة loay
لان اليومين دول فى الوصلة اللى نازلة على الجامعة ومنها على الجيزة او كوبرى فيصل ودى لسة مخلصتش
تقريبا فيها مشكلة ومش عارفييين يحلوها ( تخطيط وتصميم مية مية )
وطبعا اليومين دول من عند كوبرى ثروت لحد مترو الجامعة زحمة جدا الصبح اللى رايح الدقى والبحوث وزحمة جدا بعد الظهر اللى رايح فيصل لان شارع السودان عند الحتة دى بقى حارة واحدة رايح وحارة واحدة جاى لانهم باختصار اخدوا الحارتين اللى رايحين على فيصل وقفلوهم وركبوا ونش وخدو حارة من الشارع اللى رايح على الدقى وخلوها اللى رايح كوبرى فيصل :11:
وربنا يستر
يعنى النهاردة مثلا شارع السودان واقف من عند فيصل قبل ما تطلع كوبرى فيصل لحد كوبرى خشب اللى بعد جامعة القاهرة ودا علشان الوصلة اللى نازلة لشارع السودان عند الجامعة تقريبا فيها مشكلة مش عارفين يحلوها
النهاردة من اول كوبرى فيصل لحد كوبرى خشب اخدتها فى نصف ساعة زحمة رهيبة
وربنا يستر الناس اتخنقت
قصدك العمود اللى محطوط غلط مش كده؟كل ماعدى من قدامه هتجنن واعرف هيحلوها ازاى؟؟ ودلوقتى بيكسروا من ناحيه وبيحاولوا يعدلوا فيه وهتلاقيه الوحيد المدهون اسود علشان يداروا الفضيحهاقتباس:
المشاركة الأصلية كتبت بواسطة midomahany
ايه قصة العامود ده
الخلااااااااصة فى موضوع محور صفط اللبن
المحور اولا المفروض انة هيشتغل فى اواخر يونيو2010
ثانيا المحور هيخدم اللى جاى من جامعة القاهرةمن ناحية واللى جاى من شارع التحرير والسودان من ناحية تانية وعاوزين يروحو الدائرى
علشان ياما يطلعوا على طريق مصر اسكندرية الزراعى يمين او مصر اسكندرية الصحراوى شمال
يعنى من الاخر هيخدم اللى عاوز يروح من الدقى والجامعة للرماية اوالمؤسسة شبرا الخيمة
ثالثا ودة الاهم ان المحور الجديد شغال على سبيل التجربة كبديل عن كوبرى ثروت اللى بيتعمل فية اعمال توسعة عشان يقدر يسد على محور صفط اللبن فيما بعد
طب انا يا جماعة من اكتوبر و شغلى فى شارع المساحة فى الدقى هل الكوبرى ده ممكن يفيدنى و يوفر عليا وقت
اكتوبر
محور
دائرى
الوصلة
هتنزل ش السودان عند جامعة القاهرة
طبعا محور صفط اللبن هيخدم سكان اكتوبر لانه بيربط بشكل مباشر الدائري بجامعة القاهرة
انا برضه وانا ماشي على الدائري الشرقي امبارح لقيت فتحة محور صفط مفتوحة وطلعت لقيتها مقفولة بعد 200 متر تقريبا
طيب فاتحينها ليه من الاول @: حاجة تغيظ
الوصلة الجديدة قربت تخلص
المشكلة اللى كانت عند الجامعة تقريبا خلصت وبيشطبوا فيها
النهاردة شالو السقالات وبيشطبوا
ربنا يسهل علشان الزحمة اللى عايشين فيها لما ضيقوا الحتة اللى عند الجامعة
الوصلة دى هيفتحوها 15/7/2010
الوصلة خلصت وعلقوا الاعلام
بس اليومين دول بيحطوا طبقة اسفلت فى شارع السودان ويظبوا الشارع
بس فى مشكلة فى الوصلة دى
- النازلة اللى عند الجامعة امامها الميكروباصات بتقف قدامها يعنى خطر جدا
واحد نازل ويلاقى فى وشه موقف او عربية واقفة
- النازلة دى امام باب الجامعة مباشرة يعنى لو عاوز اركب وسيلة مواصلات رايحة فيصل لازم اعدى الشارع وبالتالى هعدى من امام النازلة دى ودا طبعا خطر جدا
هيعملوا ايه
- ضيقوا الحارات اللى فى الاتجاة إلى كوبرى فيصل ومنه لــ فيصل دى حتعمل مشكلة كبيرة ايام المدارس هيبقى الشارع واقف من عند البحوث علشان عربية عربية بتعدى
م.عصام مهنى
بس لسه مأعلنوش الافتتاح هيكون امتة............اقتباس:
المشاركة الأصلية كتبت بواسطة midomahany
اكيد لما يفتحوا الوصلة هيمنعوا المكروباصات من الوقوف عند النزلة
ولو عايز تعدي في كوبري مشاه من عند باب الجامعة
المشكلة الفعلية هي ان شارع السودان هيتخنق في الحتة بتاعة نزلة المحور الجديد وهيبقى مكدس اكتر من الاول
ياريت يكون في حل عند المرور للمشكلة ده