هل مشكلة عضة الفتيس فى كل العربيات اللوجان المغربية وموضوع البريك والكلام دا دلونى انا لسا حاجز ولما قريت المواضيع دى هفكر من جديد
عرض للطباعة
هل مشكلة عضة الفتيس فى كل العربيات اللوجان المغربية وموضوع البريك والكلام دا دلونى انا لسا حاجز ولما قريت المواضيع دى هفكر من جديد
على ما اعتقد فى كل العربيات
طب من حقك تعيد تفكير مره واتثن وعشره بس اعرف أن مفيش عربيه بدون مشاكل حتى المرسيدس والبى أم وزى ما شفت 3 اميلات اتبعتوا لفرنسا وكل حاجه بقت تمام قولى على ماركه عربيه منافسه بيحصل فيها الحل السريع للمشاكل ولا حتى حل بظىء
اطمئن . الدفعات الجديدة من اللوجان تم تلافي عضة المرشيدير .
علشان اطمنك اكتر الفتيس فى النقلة الخلفية بيحتاج انك تجيب الفتيس ناحية اليمين 3 ثوانى وبعدين تجيب المارشدير
ودة مش فى كل الاحيان لكن عادا لما بتكون العربية يدوبك لسة واقفة بمعنى لما تنتش النقلة تظهر معاك العضة
طيب السؤال اللى بيجى فى ذهن اى انسان هل دة فى اللوجان بس ؟
الاجابة لأ مش لوجان بس وفى عربيات كتييير ومواضيع كتيير اوى فى المنتدى عن عربيات فيها نفس العضة وتوكيلتها بتقول للعميل
انه يستنى ال 3 ثوانى بدون ما يحلوا حاجة وان دة طبيعى ... لكن فى توكيل رينو الناس طلعوا محترمين و بيركبوا القطة اللى بتسهل النقلة و كان الله بالسر عليم
انا اسه مستلم من كام يوم و مفيش عضه و لا دياوله
الدفعات الجديده اعتقد انه تم تلافي الموضوع ده
أنا بصراحة حاسس إن عضة المارشدير دي عاملينها أمان علشان لو مثلاً بتسقط من خامس لرابع متجيش مارشدير
و ده مش في اللوجان بس.. أي عربية Manual Transmission لازم قبل ماتجيب المارشدير تقف شوية على المور neutral و بعد كدة ييجي المارشدير عادي.... و ده من كتالوج السيراتو القديمة 2005:
"A special safety feature prevents
inadvertent shifting from 5 (Fifth) to
R (Reverse). The gearshift lever must
be returned to the neutral position
before shifting into R (Reverse)."
و الله أعلم..
في رعاية الله
المشكله لو عندك ولو لسه نازله فى الدفعات الجديده ولو ما بتتحلش فى التوكيل ببلاش ولو ما بيركبوش البريك بقلوس ولو مش عايز تزود شويه زيت تقيل للفتيس (ده بيحل المشكله برضه )هتكون النتيجه (والمشكله الكبيره بعد كل ده )أنك تنتظر 3 ثوانى قبل المارشدير يعنى لو رايح مشوار هترجع فيه 5 مرات مرشدير يبقى المشوار زاد 15 ثانيه
تنا لسه شارى اللوجان السبت اللى فات و الحمد لله مافيش عضه فى الفتيس
انا استلمت يوم الاتنين اللي فات ولا يوجد عضة بالعكس الفتيس سلس جدا
ممكن يا حماعة حد يشرحلى العضة دى عبارة عن اية عشان انا شارى العربية من شهر و مش حاسس باى عضة انا مش فاهم هى دى مثلا صوت ولا بحسها فى الغيار كانة بيقاوم كدو ولا اية بالظبط انا مش فاهم انا عندى العيب دة ولا لا؟|
و كمان انا كل الى حاسة رعشة فى دواسة البنزين خفيفة اوى و الكونسول و مكان الدواسة بيسخنوا
بس كدة
متابع.................
العربية معايا من سنة و مفيش موضوع عضة الفتيس
و أغلب الناس اللى بتشتكى أو بتطلب تركيب مجموعة البريك زىما بيقولوا بيطلبوها من باب الاحتياط بمعنى " هو مش عارف اذا كان عنده العيب ده و لا لأ" بس من باب الاحتياط
حضرتك تحب إيه اللى يأكد كلام الناس !!!
2 قدامك قالوا لسه مشترين العربية ومفيش حاجة حضرتك محتاج تأكيد من ناحيه إيه ؟؟؟
حضرتك ممكن تروح اى فرع للتوكيل وتجرب العربية على الطبيعه وده احسن حاجة تطمن بيها
+
ان اللى حضرتك متعرفهوش ان العربية الجديده كل الفرق ان بيركبلها الجزء بتاع البريك يعنى الموضوع بسيط ومبياخدش اكتر من ساعتين مش مشكله فى الفتيس زى محضرتك تفضلت وذكرت
ولو عايز تشوف فيديو للفتيس بعد تركيب القطعه ديه اتفضل من هنا
http://www.nilemotors.net/Nile/140202-a.html
متابع وارجو المشاركة
انا مشترى العربية من شهر وكنت مرعوب من موضوع عضة الفتيس وكنت كل مركب العربية أسمى قبل ماطلع عشان خايف لحسن أحس بيها لكن الحمد لله لحد الأن مظهرتش معايا وإن شاء الله مش هاتظهر......
بعد مرور اكتر من 3 ايام علي كلامي و دخول اكتر من وحش من وحوش اللوجان اللي لسه شاريين اللوجان جديد و بياكدوا كلامي بعدم وجود عضة الفتيس ...............و كل صحابي اللي اشتروها مؤخرا و عرفت منهم ده . ده اللي خلاني اكتب " اطمئن . الدفعات الجديدة من اللوجان تم تلافي عضة المرشيدير ." و معتقدش ان فيه اكبر من كده دليل . و الا ايه .
علشان نجيب من الاخر يا جماعة
انا كنت من اسبوع تقريبا بستلم عربية حسن mizort1989 و استلمت العربية معاه و جربتها في اكثر من ظرف و جربت اجيبو بالراحة و بسرعة و اخطفو و العربية لسة ماشية قدام و جربت حاجات كثير العضة غير موجودة + هزة الفتيس غير موجودة يعني من الاخر رينو تلافت العيوب اللي كانت في الموديلات السابقة
و الف مبروك لكل اللي استلم جديد
انا معايا لوجان 2010 والحمد الله مفيهاش عضة المارشدير دى ,ساعات بسمع صوت تكة كدة لما بجيب المارشدير مش عارف هوة ده العضة ولا ايه
انا جايب اللوجان من سنة و من اوائل الناس اللى جابو المغربى و ما فيش لا عضة و لا هزة