الجزيرة تذيع مباريات كأس العالم على قنواتها المفتوحة

**Dr.Karim Emam** · 03-06-2010 12:46 AM

السلام عليكم ورحمة الله وبركاته

في مفاجأة من العيار التقيل قررت قناة الجزيرة الرياضية إذاعة مباريات كأس العالم على القنوات المفتوحة
و لو الخبر ده طلع بجد يبقى الجزيرة ضربت بتوع الوصلات و سيرفرات الشيرينج في مقتل

المصدر: موقع Filgoal.com

**NoRmAl** · 03-06-2010 12:49 AM

هو طبعا نفسى يبقى صحيح
بس هما أشتروا حقوقه بالملاين علشان يزعوه ببلاش
بس يا رب يكون خبر صحيح فعلا

**Eng.Geo** · 03-06-2010 12:53 AM

http://filgoal.com/Arabic/News.aspx?NewsID=68711
في مفاجأة من النوع الثقيل علم موقع FilFan.com أن إدارة قنوات الجزيرة قررت إذاعة جميع مباريات كأس العالم على قنواتها المفتوحة.

قال مصدر من داخل قناة الجزيرة الرياضية في تصريح خاص لـFilFan.com :"سيتم إذاعة جميع مباريات كأس العالم على القنوات المفتوحة ليكون متاح للجمهور العربي أن يتابعها".

وأضاف المصدر أن قرار الجزيرة يأتي بعد أن قامت القناة ببيع المباريات للقنوات الفضائية المختلفة، وحصلت على إعلانات على مباريات كأس العالم قدرت بمبلغ 100 مليون دولار.

يذكر أن اتحاد الإذاعة التليفزيون كان قد قرر تخصيص مبلغ 120 مليون جنيه لشراء مباريات كأس العالم، وعرضها على القنوات الأرضية بالتليفزيون المصري، من مبلغ الموازنة المخصص للتليفزيون لعام 2010.

**SeiffoZ** · 03-06-2010 12:55 AM

طب و الناس إللى إشتركوا بفلوس؟؟؟

**Eng.Geo** · 03-06-2010 01:00 AM

طب و الناس إللى إشتركوا بفلوس؟؟؟

من المشتركين زينا فبيبقي عادي عشان في دوريات تانية وكئوس وكدة
انما الدول اللي أشترت ماتشات زي مصر ففلوسها راحت .... بح :)

**م/مصطفى محمود** · 03-06-2010 01:02 AM

الأعلانات هتجيب فلوس أكتر بكتييييييير من الأشتراكات

**SeiffoZ** · 03-06-2010 01:10 AM

المشاركة الأصلية كتبت بواسطة eng.geo

من المشتركين زينا فبيبقي عادي عشان في دوريات تانية وكئوس وكدة
انما الدول اللي أشترت ماتشات زي مصر ففلوسها راحت .... بح :)

ماينفعش ... ده يبقى إسمه نصب يا باشا ... إلا لو فى العقد ماينصش على كده ...

أصل أنا إشتريت الكأس عشان مش هيتذاع .. تيجى إنته تذيعه ببلاش ... يبقى أنت ضحكت عليا .. حسب القانون يبقى عامل إزاى ... ممكن يكون ليها موقف قانوني ...

بس فى ناس إشتركت عشان كأس العالم بس ..... باقة كأس العالم

**m7nsh** · 03-06-2010 01:42 AM

معقووووووووووووووووووول ؟
ياريت والله بس دول كانو مصرحين و مأكدين ان مفيش حاجه هتتذاع الا على القنوات المشفره والخاصه كمان بكاس العالم بس !!
بس اتمنى يكون الكلام صح :)

**AshTurbo** · 03-06-2010 02:32 AM

قريت الخبر النهاردة ولكن المصادر هي هي مفيش حد تاني قال قدة غير في الفن وممكن في الجول ودول شبكة واحدة لكن لو الخبر صحيح كانت كل المواقع الرياضية كتبت عنه فوراً لسة مصداقية الخبر ضعيفة وأن كنت أتمنى بالطبع ان تكون أخبار صحيحة .