الموضوع: 'طرح bmw 318 ب idrive فى اوتوماك

أنا لسه راجع من المعرض و اتفرجت علي البي ام الفئة الثالثة
ال318 نزلت باي درايف زي مانتوا عارفين و قالولي ان سبب اضافة الاي درايف ل 318 ان نزول ال 316 اوتوماتيك وقف ال 318 و كان لازم يعملوا حاجة تعلي ال318 عن 316 بس انا شايف انهم كده قتلوا ال 320 لان تقريبا الفرق في السعر بقي 60 الف هتاخد بيهم فتحة سقف و فرق بسيط في قوة الموتور (الحصان) و شكرا علي كده

في ملاحظة كمان...ال 316 اللي موجودة هناك فيها جنوط ب 7000 جنيه...يعني سعرها 252 الف مش 245
لو حسبنا الفروق بين 316 بريميوم و 318 تبقي كالاتي:
موتور 2000 سي سي
جنوط
اي درايف
كروز كونترول
ستارة كهرباء

في نقطة تانية لاحظتها...316 اكسكلوسيف اللي ب 269 فيها حاجات مش موجودة في 318 زي المرايات الكهرباء و lights package
ودي بصراحة حاجة غريبة...المفروض لما اجيب 318 اخد كل اللي موجود في 316 و زيادة عليه حاجات تانية

عاجبني في جناح البي ام انهم مش موقفين بنات لابسة قصير جنب العربيات...بالعكس واقف شباب لابسين تي شيرتات كاجوال و تحس كده انهم لايقين علي العربية و بيظهروا الطابع الشبابي للبي ام
و طبعا البي ام مش محتاجة بنات عريانة عشان تجذب الناس زي الاجنحة الاخري الكوري و الصيني

النهاردة سمعت نكتة ظريفة قوي في المعرض...كنت في جناح هيونداي و شفت سوناتا شكل جديد قلت اسال عن سعرها (الشكل الحالي ب 155 الف)...سالت اللي واقف جنب العربية عن السعر قالي 360 الف...هههههههه...نكتة جامدة

المشاركة الأصلية كتبت بواسطة ahmedsadek82

بقولك ايه ,, في وسط زحمة الموديلات اللي نزلت ديه 316ia و ال318 idrive حاتلاقي ال320i موديل 2008 سعرها بينزل ...دور على واحدة ماشية قليل وخلاص ,فيها كل الoptions اللي في الدنيا و مش حتكلفك اكتر من 240000 ,سيبك من الزيرو في بي ام بالزات عشان البافارية بيحرقوا عربياتهم بنفسهم .....

معاك حق...يمكن الفايدة الوحيدة لحرق الاسعار الي بي ام بتعمله ان الواحد هيلاقي اسعار المستعمل نزلت جامد قوي

النهاردة سمعت نكتة ظريفة قوي في المعرض...كنت في جناح هيونداي و شفت سوناتا شكل جديد قلت اسال عن سعرها (الشكل الحالي ب 155 الف)...سالت اللي واقف جنب العربية عن السعر قالي 360 الف...هههههههه...نكتة جامدة

الشكل الحالى مجمعة فى مصر و جمركها + ضريبة حوالى 55% او اقل
الشكل الجديد مستوردة بالكامل و جمركها + ضريبة حوالى 200- 260% (مش متاكد اوى اللى اعرفه اعلى من 200% , 135 و عليها 45% + 45% من تمن العربية و 8ز5 ضريبة تنمية)
كمان السوناتا اللى ب 155 مش بس مجمعة فى مصر دى فاضية خالص مفيهاش airbags و لا abs و لا فتحة سقف و لا اى حاجة و كمان مانيوال.
التانية فيها كل حاجة + سقف بانوراما + smart key + حاجات تانية كتير.

المشاركة الأصلية كتبت بواسطة ahmedsadek82

بقولك ايه ,, في وسط زحمة الموديلات اللي نزلت ديه 316ia و ال318 idrive حاتلاقي ال320i موديل 2008 سعرها بينزل ...دور على واحدة ماشية قليل وخلاص ,فيها كل الoptions اللي في الدنيا و مش حتكلفك اكتر من 240000 ,سيبك من الزيرو في بي ام بالزات عشان البافارية بيحرقوا عربياتهم بنفسهم .....

هو ده الكلام الصح و العملى :
شراء 320 مو 2009 او 2010 كسر الزيرو بها كل حاجه و موتور جامد 155 حصان
ترخيص 1000 جم فقط سنويا
كل ده فى رنج 250 الف +\- 10 الاف حسب الحاله..