مصر كلها عندها حمي البايكس ... و دة شىء عظيم
نصيحة بقي من واحد مبتدىء زي حالاتي... و بالعربي بتاع اللمبي ... اوعي يغرك جسمك
:)
عرض للطباعة
مصر كلها عندها حمي البايكس ... و دة شىء عظيم
نصيحة بقي من واحد مبتدىء زي حالاتي... و بالعربي بتاع اللمبي ... اوعي يغرك جسمك
:)
ده سيفتي مجرد مابتفتح الكونتاكت بيشتغل وماتقدرش تطفيه اعتقد من بداية 2003...........أنا عندي مركب زينون وبشغله ليل نهار بيفرق جامد ان الريسنج يبقي باين للناس سيفتي عالي وعلي فكرة فيه كمان اوبشن ممكن يتضاف بيخلي النور يرعش بسرعة جدا حاجة قريبة لحد ما من القلاب علشان يزود السيفتي برده
أنا معماري بس دفعة1992 عجوززززز يعني........واتشرفت بمعرفتك ياهندسة
فكرة جامده فعلا...باحترم في الناس دي اهتمامهم بالسلامةاقتباس:
ده سيفتي مجرد مابتفتح الكونتاكت بيشتغل وماتقدرش تطفيه اعتقد من بداية
الف شكر يا باشا..
انا مدني سنة 2001 ..مش فرق كبير يعني :)
انت موهوب بالفطره ودى هبه من ربنا وربنا يدومها عليك
طب يا رجالة المنتدى العظمااااااء
أنا حاليا هتجننننننننن و أسوق ريس و أنا فاهم بيتساق إزاى و سوقت قبل كده فيسبا بس من تلات سنين كده و بقالى أكتر من 5 سنين بسوق عربيات مانوال فالمفروض إنى فاهم قصص الدبرياج و الفرامل و الكلام ده بس لسه ماجرّبتش عمليا أسوق مكنة كبيرة
دلوقتى هل ينفع مثلا أروح أأجر ريس ساعة مثلا من عند بتوع الموتوسيكلات اللى فى مصطفى النحاس مدينة نصر و لا ماينفعش
ولو ينفع عندى كذا سؤال :
1- هل الراجل هيعد يمتحنى شفوى يشفنى فاهم فى المكن و لا لأ.
2- هل لازم يكون معايا رخصة موتوسيكل و لا لأ و هل بتمضى على ايصالات أو شيكات زىّ العربيات ؟؟.
3-أنا ماعنديش لا لبس سيفتى و لا خوذة و لا أىّ حاجة ؟؟ مش معقول هشترى الحاجات ديه و أنا هاركب مرة واحدة.
يا جدعان أرجوكم ساعدونى و ماحدش يقولى شوف واحد صاحبك عنده ريس لأن أصلا اللى معاهم ريس فى مصر يتعدوا على صوابع الإيد و كمان ما أعرفش حد خالص عنده أى نوع من الموتوسيكلات
ساعدونىىى أنا تعبت من كتر الفيديوهات و القراءة و نفسى أجرب التجربة العملية ان شا الله لو 100 سى سى حتى
و آسف للاطالة بس أملى فيكم كبير يا رجالة و على فكرة أنا بكالوريوس هندسة اتصالات عين شمس برده
شوف يا هندسة...انا رحت لمحل بيع ريسات وقلتله عاوز ااجر ريس ومعايا واحد يعلمني..قالي موجود
اتفقنا على تمن الساعة وطلعت مع واحد وريس 400 ماكنش عنده اقل..
المهم..قلتله بس لازم خوذه وجوانتي..قعد يلف حوالين نفسه شوية
وبعدين طلعلي بيهم
ولو ماكنش جابهم كنت هاأجل الموضوع شوية لحد ما اشتري وانت كده كده لو ناوي تشتري ريس هتشتري الحاجات دي
بس..بس المهم تروح مكان مناسب فاضي ومتسفلت للتدريب
ده اللي انا عملته
اللهم اآمين..متشكر جدا بس هو توفيق ربنااقتباس:
انت موهوب بالفطره ودى هبه من ربنا وربنا يدومها عليك
وانا طبعا لسه محتاج تدريب كتير انا عارف..
ربنا يسهل واكمل التدريب على البايك بتاعي ان شاء الله
طب هى الساعة فى رينج كام عشان ما يدحكش عليا ؟؟؟
و كمان إنت بدأت وواحد وراك ؟؟ متهيّألى هتبقى صعبة شوية عشان الوزن بس احنا قدّها ان شاء الله
أصلى ان شاء الله احتمال اسافر أول ما اخلص لو خرجت من الجيش (ادعولى يا رجالة) و صعب أوى أوى أجيب واحد فى مصر للأسباب المعروفة
هو صحيح هينفع فى السعودية و لا أنا بهذى عشان الحرارة والرطوبة والجو و العربيات هناك أساسا رخيصة و أكيد عارفين عاملة إزاى
الريس و"المدرس" كان ب 90جنيه الساعة
انا شايف انه عمل معايا واجب..بس انا عملتله البحر طحينه..
وقلتله ناوي اما اتعلم اشتري وان شاء الله يكون من عندك والكلام ده
لا انا اخدت الراجل ورايا في الاخر واحنا راجعين بعد ما اتمكنت شويةاقتباس:
و كمان إنت بدأت وواحد وراك ؟؟
وانت ان شاء الله قدها بس لا تنس دعاء الركوب