اروح ازاي مركز خدمة غبور ابو رواش

**w_abedelhakim** · 03-06-2010 10:04 AM

انا عندي بكرة صيانة الالف كيلو في ابورواش وانا مرحتش خالص فبل كده ومش عارفة الطريق ياريت توصفولي اروح ازاي من مدينة نصر

وهل هناك في اماكن انتظار او كافيه كويس أنتظر فيها او اماكن لاطفال لان هيكون معاي بنتي 4 سنيين ولا هيكون الموضوع شاق عليها بلاش اخدها
وهل دندي مول قريب ممكن اروحه ولا لازم عربية تانية معاي

وانا معادي الساعة 10 هل الميعاد يبقي بالظبط ولا الموضوع منظر ان انت بتاخد ميعاد وخلاص

وياتري هخلص امتي تقريبا الساعة كام

ولو حد يعرف ايه اللي بيحصل في صيانة الالف وتكلفتة كام يبيقي ياريت

معلش اسئلتي كتير بس لسة جديدة في الموضوع

**hamada007** · 03-06-2010 01:49 PM

من مدينة نصر تمسك الدائرى لغايت نزلة طريق إسكندريه وعند دندى مول إسأل عشان انا كل مره بنسي الدخله بتاعته
بالنسبه لموضوع بنتك الاستراحه اللى هناك كويسه مكيفه وفيها تليفزيونين كبار وغرفه خاصه للمدخنين

غبور بعيد عن دندى مول

الميعاد الساعه عشره المواعيد الجديده كويسه لإنى كنت هناك الاسبوع اللى فات بعمل صيانة ال5000

وتقريبا ممكن تخلص على الساعه 2 او 3

التكاليف عندى في النيو اكسنت اتكلفت حوالى 250 ل 350لانى غيرت زيت ال10000

اهم حاجه تقول للمهندس على كل حاجه ممكن تكون قلقان منها في العربيه
يعنى انا كان عندى التكييف مش شغال والسنتر الخلفى مش شغال وكل حاجه فيها هتتعمل ببلاش
والسلام عليكم ورحمة الله وبركاته

**hamada007** · 03-06-2010 01:51 PM

وحاول تسأل هناك على المهندسه مريم لأنها بجد من الشخصيات المحترمه جدا في غبور ابو رواش وهى من ضمن الاسباب اللى خليتنى اروح من المعادى لأبو رواش كل صيانه

**hamada007** · 03-06-2010 02:09 PM

انا عن نفسي مش باخد حد معايا غير الاب توب بس المشكله إن لسه مافيش هناك وير ليس كونكشن

**w_abedelhakim** · 03-06-2010 02:10 PM

المشاركة الأصلية كتبت بواسطة hamada007

وحاول تسأل هناك على المهندسه مريم لأنها بجد من الشخصيات المحترمه جدا في غبور ابو رواش وهى من ضمن الاسباب اللى خليتنى اروح من المعادى لأبو رواش كل صيانه

سال عليها ازاي هو انا اللي بختار مين يشتغل في العربية
ولا ما بدخل حد بيستلمها واقوله وخلاص
معلش اصل انا لسه جديدة في الموضوع

**hamada007** · 03-06-2010 02:34 PM

المشاركة الأصلية كتبت بواسطة w_abedelhakim

سال عليها ازاي هو انا اللي بختار مين يشتغل في العربية
ولا ما بدخل حد بيستلمها واقوله وخلاص
معلش اصل انا لسه جديدة في الموضوع

للأسف انا أخر مره عامل هناك مشكله بسبب إنى كنت عايز مريم بس حاول تسأل عليها ممكن يكون حظك حلو وهى اللى تستلم منك العربيه لأنها شخصيه محترمه جدا

**adel1212** · 03-06-2010 04:06 PM

كوبرى اكتوبر لغاية ما تعدى رمسيس
تانى مدخل يمين وصلة تدخلك
كوبرى مايو
للمحور
لغاية طريق اسكندرية الصحراوى تنزل يمين واسأل سهل جدا انك تعرف المكان
بلاش الانسة حتمل منك جدا لو اخدها معاك
امنياتى بيوم ظريف

**ahmedadel88** · 04-06-2010 12:44 AM

غبور موجود فى الشارع الى جمب محطة كار جاز الى فى الكيلو 28 ابو رواش
وبالنسبة لداندى مول دة يبعد عن غبور حوالى ربع ساعة مشى بس المشكلة ان الطريق كلة تراب
وفية القرية الذكية بجانب داندى مول

**mshmshm3** · 04-06-2010 09:05 PM

فعلا كلام الاعضاء صح بس توصل لابو رواش هيونداي بعد بنزينة الامارات تدخل يمين هايبقي على شمالك كارفور وداندي مول وتمشي في الطريق ده بتاع كيلو تقوريبا هاتلاقي غبور على اليمين وروح في معادك وانصحك ما تاخدش طفلتك معاك عشان هاتمل بسرعة والعربية هاتطول وهتاخد ساعات جوه