الموضوع: مين من اهل الخبرة يعرف ده ايه؟

انا عاوز بقه البتاع اللى راكب على الموتور ده اللى هوا اسمه Individual throttle bodies ده انا عاوز اعرف ايه مميزاته

يا باشا المواتير دى تيربو و بتركب دايما على التيبو والتمبرا مش حا تلاقى فى مصر منها و اسعارها جنان[youtube]http://www.youtube.com/watch?v=vBjPJiHdnu8[/youtube]

المشاركة الأصلية كتبت بواسطة disha_2020

youtube - 128 hsbmotores..2
بصوا على الفيديو كده فى حاجه فوق المكنه ليها 4 فتحات ايه ده ؟ انا سمعت انه بيزود ال hp
بس انا مش فاهم اوى ايه ده المهم اللى يعرف لو سمحتم يفيدنا و هل ممكن يكون بيتباع فى مصر ولو بيتباع فى حدود كام؟
وهل ده كربيداتير فقط او انجيكشن فقط.

الصورة دى بتاعة 2كربراتير ويبر 45 راسي متركبين علي محرك تمبرا 1600 وطبعا بيدوا خرج محترم في حدود 130 حصان للمحرك ده
فية تجهيز مشابة في الفيات الريتمو الابارث 130 توين كام والالفا سود والالفا 33 ذوي المحركات المنبطحة
ممكن تلاقيهم عند بتوع الاستعمال سواء راسي او افقي طبقا لتجهيز المحرك ومش هتلاقية يعرف قيمتهم
مشاكلهم تنحصر في الاستهلاك العالي للوقود وصعوبة ضبط الايدلسبيد غير بحد متخصص و باستخدام جهاز خلخله
التعديل دة مش جديد دة من السبعينيات ونزل علي عربيات ايطالي وانجليزي بس الانجليز بيستخدموا الكربراتير الزينيث ذو المكبس الحر
انت ممكن تتطرف في التعديل لغاية مايكون لكل سلندر الكربراتير الخاص بة بس بيبقي صغير زي كربراتير الموتوسيكل والميزة في تعدد الكربراتيرات هي التوزيع العادل للشحنة علي السلندرات والقدرة علي زيادة سرعة الهواء الداخل وزيادة تشبعة بالوقود وبالتالي بيدى تاثير مشابة لتاثير الضاغط

المشاركة الأصلية كتبت بواسطة heshamzaky

يا باشا المواتير دى تيربو و بتركب دايما على التيبو والتمبرا مش حا تلاقى فى مصر منها و اسعارها جنان[youtube]http://www.youtube.com/watch?v=vbjpjihdnu8[/youtube]

لال مش تربو دة محرك عادي بثروت مستقل لكل سلندر وبيعمل نفس الكلام السابق ذكرة بس هنا حقن وقود مش كربراتير

المشاركة الأصلية كتبت بواسطة heshamzaky

و الموتور دة بيركب فى الريتمو الابارث مواصفاتة fiat ritmo abarth (test moteur)[youtube]http://www.youtube.com/watch?v=_qxxfaxitke&feature=related[/youtube]

التجهيز دة حقن مش ستاندرد بتاع الريتمو الابارث 130 توين كام وعلي فكرة نفس المحرك دة نزل علي اللانشيا الاستراتوس وغني عن التعريف المكاسب التي حققتها في الراليات في السبعينيات
المحرك دة بنفس المواصفات وتعديل بسيط في وش السلندر وصلت قدرتة ل220 حصان بس

المشاركة الأصلية كتبت بواسطة disha_2020

انا عاوز بقه البتاع اللى راكب على الموتور ده اللى هوا اسمه individual throttle bodies ده انا عاوز اعرف ايه مميزاته

البتاع دة من اسمة واضح وهو بيضمن التوزيع المتساوي للوقود وزيادة سرعة الهواء الداخل للمحرك زي نظرية فنشورى في الكربراتير بس بيبقي الاختبار في كيفية تحديد طول الثروت ودة لازم يتم علي ديناموميتر مش بيركب وخلاص لان الطول والقصر بيفرق في سرعة الهواء الداخل وبالتالي القدرة والعزم

ازيك يا استاذ kaza عامل اية يا باشا انا قرات عدة مشاركات لك و لا استطيع ان انكر اعجابى بكل ردودك و مشاركاتك الغنية بالمعرفة ( الراجل دة خبير تعديل مواتير يا جماعة ) انا عارف يا باشا ان دة مش التيربو بس للسهولة كتبت انة تيربو دة اجمد من التيربو الموتور الى انا رافع الكليب بتاعة بيسموة الموتور الغول و هو بجد غول بس لا أظن ان فى حد فى مصر ممكن يركب موتور زى كدة و اشكرك مرة أخرى على المداخلة الجميلة .... يا رجالة و الله العظيم الراجل دة خبير مش هزار دورو على المشاركات الى كتبها و انتو تعرفو او اسألوة اى حاجة فى التعديل سيجاوبكم أجابة علمية مش فتى او اى كلام

طيب يا استاذ kaza لو سمحت ونبى قلى اى معلومات عن موتو ال 127 اللى هوا 1300 انا اعرف ان نزلها موتور 1300 75 حصان عاوز اعرف ايه نظامه حلو ولا لا انتا كنت بتشكرلى فى ال1050 ايه رايك بقه فى ده ؟