«محمول صينى» ينفجر فى وجه مواطن ويصيبه بحروق

**PRO-DRIVE** · 03-06-2010 07:30 PM

علي فكره , كان في اخبار من فتره ان اي فون شاشته بتنفجر ! مش فاكر الاسباب بس كان الموضوع بجد و حصلت مع كذا واحد !

**medo980** · 03-06-2010 09:22 PM

وكان فى خبر على مصراوى من فتره كبيره ان موبايل فرقع فى جيب بنت قبل كده وسبب لها حروق مختلفة الدرجات بس الحوار ده ةكان بره مش فى مصر ده معناه ان فعلاً ممكن الموبايل لما يسخن لدرجه معينه ينفجر

**brown-eyes** · 04-06-2010 12:10 AM

المشكلة ان التليفونات الصيني مبيعملهاش اي نوع من انواع الامان مش بس في الهارد وير كمان السوفت وير انا عن نفسي ومن واقع شغلي في الموبيلات مابحبش امسك التليفونات الصيني دي ولا اقربلها ولا حتي اصلحها وعلي فكرة التليفونات الصيني دي عبارة عن ام بي 4 واتطور وكل الاجهزة بلا استثناء قايمة علي سوفت وير واحد و هارد وير واحد مفيش اي ابتكار مفيش اي امان للمعلومات اللي علي التليفون ماينفعش تعمل نسخة احتياطية من البيانات ماينفعش تعمل تزامن انا عن نفسي امسك اقل تليفون ماركة محترمة احسن ما امسك تليفون صيني

**Car's Sniper** · 04-06-2010 03:08 AM

مش بعيد ان الموبايل ينفجر...انا معايا نوكيا95 وفنلندى كمان ومع ذلك طلع شرارة من بين الفلاتة واتنطر من ايدى ساعتها نطرة بس الحمد لله نزل على شنطتى...الحقيقة انا مش عارف انا رميته لانه كهربنى ولا لسعنى بس الخلاصة انى اتخضيت من المفاجأة قمت رميته من ايدى وخلاص
ومرة تانية حاولت افك بطارية موبايل وشلت الكفر اللى عليها لغاية ماوصلت لحاجة مدهونة عليها لونها زى القصدير كدة وملمسها سميك شوية ...الطبقة دى كل مالمسها باى حديدة بتطاع شرارة تتشاف بالعين واللى مش مصدق يجيب اى بطارية بايظة عنده ويشوف الحكاية دى ....بس مايندمجش معاها اوى لتنفجر ولا حاجة هههههه