خلى بالك ان الكلام ده تحت ظروف مختلفه ( طريق , حموله , اسلوب قياده اقتصادى و ده صعب ان حد يسوق بيه ) .
الحاجه التانيه ماليزيا اقل اوكتان للبنزين فيها 95 ... و فى 97 .... اختلاف درجه الاوكتان للاعلى اكيد حتفرق فى معدل الاستهلاك للافضل .
عرض للطباعة
طبعا كدابين لان الاستهلاك عندي 12.5لتر /100 كم:majd(4): واتوماتيك زي عندك تمام والعربيه عامله 15000 كم علشان اللي بيقلوا لما تعدي ال5000 كم الاولي هتتظبط .
وسبق المناقشه في هذا الموضوع عده مرات ولم استطع الوصول لنتيجه هل هناك عيب بالسياره ام ان هذا الاستهلاك هو الطبيعي وهذا ما اتمني ان اجد له ردود ومشاركات واضحه
وفي هذه الروابط بعض المواضيع السابق مناقشه الموضوع بها
http://www.nilemotors.net/Nile/87247-2.html
http://www.nilemotors.net/Nile/82194-1-test.html
يا جماعة في عوامل كتير بتتحكم في موضوع إستهلاك البنزين زي حمولة العربية و التكيف ولو كنت جوه البلد أو على طريق سريع ولو كنت في مطلع وأخيرا وأهم حاجة تفرق مع العوامل ده كلها لو قرصت على آر بي إم أعلى من 3
والكيكات بتحرق بنزييييييييييييييين بغباء
وكمقارنة بعربيات تانية إستهلاكها أعلى
في ملاحظه كمان مهمة
واحد صحابي معاه جنتو 2006 بعد ماعدت ال80000 ك إستهلاكها للبنزين زاد كتير
لا هما مش كدابين ولا حاجه ... ديه شركه بوش الالمانيه الى منظمه الايفنت ده مش بروتون ... بوش حتكدب ليه ؟ http://www.nilemotors.net/Nile/images/icons/icon7.gif
وارد جدا يكون فى مشكله فى عربيتك ... هل انتا قولت على المشكله ديه قبل كده فى الصيانه و متحلتش ؟؟؟ لان موضوع ليه احتمالات كتير .. بوجيهات , ظبط لنسبه خلط الهواء بالبنزين ..
حاجه تانيه نسبه الاستهلاك ديه 12,5 لكل 100 كيلو .. فى انهى ظروف تشغيل ؟
تكيف ؟ , حموله ؟, سلوب قياده ؟ , زحمه ولا على الطريق السريع و باى سرعه ؟
* حاجه اخيره فعلا بعد صيانه ال5000 استهلاك البنزين بيتحسن ده معلومه ناس كتير ذكرتها .
ظروف التشغيل عاديه داخل القاهره وفي شوارع زي العروبه والاتوستراد وكوبري اكتوبر وبسرعه تتراوح بين 60 الي 90 كم في الساعه ولاحموله في السياره الا انا فقط واستعمال التكييف عند الضروره لايزيد عن 10% من وقت التشغيل
واسلوب القياده (اتوماتيك) مثالي جدا بحيث يتم رفع السرعه دون تعجيل او تحريق وانما متدرج بهدوء
يتم عمل الصيانات في مواعيدها وفي الطريق الصحرواي وتم عرض المشكله في صيانه ال10000 كم لاني انتظرت التحسين بعد ال5000 كم الاولي حسب اراء بعض الاعضاء في المنتدي وعند عرض المشكله في التوكيل قيل لي الاتي:
سوف نقوم بالفحص باجراء تجربه قياده بمعرفه التوكيل بعد ان تملا السياره بالبنرين وتتم التجربه لمسافه 100 ثم يعاد ملو السياره بالبنزين لحساب المستهلك والتجربه سوف تتم بدون حضوري لان الشروط ان لا يكون في السياره الا فرد واحد الذي يقودها وفي حاله ان تكون السياره نحقق الارقام القياسيه يتم تحميلي بقيمه تكاليف ساعه ونصف صيانه اي اكثرمن 100 جنيه بخلاف البنزين المستهلك لذا طرحت الموضوع هنا اكثر من مره للمناقشه حتي لا اتورط في تلك التكاليف في حاله اذا كان ذلك هو معدل الاستهلاك العادي في جميع السيارات ولكن حتي الان لم استطع معرفه هل يوجد بالسياره عيب او مشكله ام لا يوجد وهذا هو الاستهلاك العادي
اتمني الحصول علي ردود كافيه ومفيده في اسرع وقت لاني ساذهب لصيانه ال15000 في اول الاسبوع القادم
- طب حضرتك ممكن تحسبها لوحدك من غير التوكيل -
طريقه حساب معدل استهلاك البنزين لكل 100 كيلو
1- تفويل السياره و التوقف مع وقوف طرمبه البنزين " لحد اول تكه
2- تصفير عداد الرحلات
3- القياده بدون حموله او تشغيل التكيف لمسافه 100 كيلو فى طرق مفتوحه بسرعه معتدله 90 كيلو متر
4- تفويل السياره مره اخرى حتى توقف طرمبه البنزين " يفضل التفويل من نفس محطه البنزين " ... نفول لحد اول تكه
5- عدد اللترات التى تم وضعها فى السياره هو عدد اللترات المستهلك
من الممكن اعاده التجربه مره اخرى مع تشغيل التكيف , الحموله , الزحمه , السفر على سرعات عالي
--------------------------------
وياريت حضرتك تقولى عالنتيجه , ولو فى اى حاجه -ان شاء الله- هتتحل
ربنــا يباركلك فيها يارب ويحفظهالك ويكفيك شر الطريق
تحيـــــــــــــــــــــا تــىhttp://i122.photobucket.com/albums/o.../th_eclown.gif
العفـو على ايـه , انا تحت امرك ,..
بخصوص معدل الاستهلاك فى الظروف القياسيـه لسياره البيرسونا اوتـو بيكون فى رنج 8:8.5 لكـل 100 كـم
والمعدل داخل البلد مايقدرش حد يحدده , حضرتك ممكن تمشى فى شارع تاخده فى ساعه ومشغل التكييف , ونفس الشارع ممكن يتاخد فى 5 دقايق ... , و حالة الكاوتش , البوجيهات , طريقه السواقه والحرق والنقل ... فى حاجات كتيره جدا بتدخل فى الموضوع دا
فلما حد بيكون حاسس ان الاستهلاك عالى , بيقيس الاستهلاك فى الظروف القياسيه ولو طلع فى الرنج المحسوب , فدا بيكون الاساس
و -ان شاء الله- خيــر , لو فى اى حاجه بإذن الله تتحل
تحيــــــــــــــــاتـىhttp://i122.photobucket.com/albums/o.../th_eclown.gif.