أية نوع العربيات دى لأنى مش مصدق

**AMA** · 04-06-2010 01:12 AM

بصراحه أنا هعرضلكم صور عربيات يمكن تكون ماركة محطوطة لمجرد الدعاية البايخه فقط
لكن بصراحه أنا مش مقتنع ولا هقتنع إلا لما أشوف بعينى
العربية إلى بيعملولها دعاية أنا قعدت فترة طويلة أشتم عليها و مجله عربيتى قعدت فترة طويلة تنتقد السرقة العلنى لأنها سيارة صينيه مجمعة محليا فى مصر هنا بدون أى تراخيص و كانت الدعاية فيها كدب و وقاحه لأنهم قالوا إنها سيارة مصريه و فى الأخر نكتشف إنها صينيه 100% و مجمعة فى مصر لكن بدأوا بنشرها فى التوكيلات و فى القاهرة و أسكندرية و أسيوط
مش عايز أطول عليكم فى الحوار لكن هوريكم الصور و يا ترى حد يعرف الماركة دى ولا الماركة المشؤمة إلى من غير دبرياج طورت من نفسها و كمان سعرها جديد 25 ألف جنيه و بالتقسيط

الأمكانيات كما قالوا إنها تكييف و سنتر لوك و باور و السرعات أوتوماتيك و فتحه سقف و أمكانيات كويسة على كلامهم
إلى هيجننى اكتر الصورة دى

يعنى الناس دى لو نصابه فعلا أزاى عملوا أعلان فى الجرنان !!؟ و بعد كدة يطلعلها رخص !!؟ ولا هيا ماديات و علاقات فقط ؟

و دا أصدار تانى منها

برجاء المشاركة فى الموضوع و هل الناس دى فعلا نصابة ولا أتظلموا ؟

و هل تستاهل الـ25 ألف جنيه ؟؟؟

**egytamer** · 04-06-2010 01:27 AM

دا تريسيكل ومقفلينو انا شوفتها بطني وجعتني

**AMA** · 04-06-2010 02:04 AM

المشاركة الأصلية كتبت بواسطة egytamer

دا تريسيكل ومقفلينو انا شوفتها بطني وجعتني

طيب يعنى مظلمتش الراجل لما قولت عليه موتوسيكل طيب الحمد لله
أنا قولت يمكن تجديد الشكل جدد معاها الأمكانيات
أنا قولت منظلمش الراجل لأن بجد أحنا قولنا كلام فظيـــــــــع و هزقنا فى العربية كتير فقولت يمكن تجديد الشكل و إنها بقيت 1300 سى سى يمكن يغفرلها شوية لكن للأسف الموضوع شكله هوا هوا

منتظر أراء تانيه ويا سلام لو حد جربها مثلا أو حتى شافها ماشيه أدامه

**Mody_Benz** · 04-06-2010 05:39 AM

اية القرف ده
حتى طريقة تقفيلها حاجة تقرف ديه لو خادت خابور واحد من اللى شوارع مصر هتضطر تجيب واحدة جديدة
ده تهريج ههههههههههههههههه

**AMA** · 04-06-2010 01:18 PM

المشاركة الأصلية كتبت بواسطة esso_5

اية القرف ده
حتى طريقة تقفيلها حاجة تقرف ديه لو خادت خابور واحد من اللى شوارع مصر هتضطر تجيب واحدة جديدة
ده تهريج ههههههههههههههههه

مانا قولت كدة برضة بس كنت عايز أناقشكم فى الموضوع أكتر
و لو كنت قريت وجهة نظرى زمان كنا كلنا بلا أستثناء فى المنتدى هنا بهدلنا الدنيا و قولنا أنها لا تصلح للإنسان حتى أو للطفل عشان يسوقها و خساره فيها سعرها

منتظر برضة وجهات النظر والأراء

**Akram** · 04-06-2010 02:53 PM

مع إني مش بحب الصيني ,
لكن فيه عربيات صيني سيئة و فيه برده معقولة ,
يعني لو طلعت عربية معقولة بـ 25 ألف يبقى دي بديل للسيات و ال 127 ,

الواحد ميحكمش على حاجة مشافهاش على الطبيعة و قبل ما تتجرب لفترة معقولة و ليها قطع غيار متوافرة ..

**mahmoodallam** · 04-06-2010 03:18 PM

يا عم ده تكتك بس النسخة الليموزين منه ، مش الكوبية الكشف اللي احنا متعودين عليها في شوارع المحروسة واللي حازت على اعجاب الجماهير

**mramzy** · 04-06-2010 03:38 PM

المشاركة الأصلية كتبت بواسطة akram

لكن فيه عربيات صيني سيئة و فيه برده معقولة ,
يعني لو طلعت عربية معقولة بـ 25 ألف يبقى دي بديل للسيات و ال 127 ,

الواحد ميحكمش على حاجة مشافهاش على الطبيعة و قبل ما تتجرب لفترة معقولة و ليها قطع غيار متوافرة ..

صح الصح كلام موزون