ايهم تفضل
رينو فلوينس (top line), هوندا سيفيك(first series), تويوتا كورولا(top line)
عرض للطباعة
ايهم تفضل
رينو فلوينس (top line), هوندا سيفيك(first series), تويوتا كورولا(top line)
ال٣ أحسن من بعض بس شوف إنت محتاج إيه وهترتاح لمين شخصيا
رينو فلونس اعلي فئة طبعا
لو اعلي فئة فالسيفيك اقولك ماشي ...............
فلونس :
سعر ارخص 155 الف
اوسع واحده فيهم واكثرهم فخامه و برستيج
احدثهم شكلا لسه نازله من كام شهر
تفضل توكيل فيهم
عيبها الوحيد هو سعر اعاده بيعها فقط لا غير و مش واقع برده اوى
158 !!
امال ايه الفئى الي ب 135 دي؟؟
و ايه الفروقات
فرق فتحه سقف + فرش جلد + زينون + باركنج سينسور + 4 ايرباج زياده _يعنى 6 ايرباج_
ومش فاكر فيه فروقات تانيه ولا لا
الفلوانس حلوه بس افضل الكورولا الهاى لين ولو السيفيك مش اول فئه يبقى السيفيك ....
انا بصراحة ميال للسيفك.......
بالنسبة للاداء :
1- سيفيك
2- كورولا
3- فلوانس
بالنسبة للراحة والرفاهية
1- فلوانس
2- كورولا
3- سيفيك
بالنسبة للسعر واعادة البيع
1- كورولا
2- سيفيك
3- فلوانس
بالنسبة للكماليات
1- كورولا
2- فلوانس
3- سيفيك
الشكل : (مش عنصر مهم)
1- سيفيك
2- فلوانس
3- كورولا
يبقى الاختيار الامثل = كورولا =
ده طبقا لان السيفيك baseline
السلام عليكم,
هو لو زودت عشرة ممكن تدخل الفانتازيا الاوتوماتيك معاك في المقارنة ويبقي بيتقارن 2 ياباني مع 2 اوروبي مع الملاحظات الاتية:
- الفلونس هاي لين=كماليات ...وصلتها لسعر الثلاث عربيات الثانية لكن هي تبدا من 125 الاوتوماتيك وحاتدفع 30 الف كمان كماليات مش تكنولوجي ولاسمعة لان هي في السوق لاشهر معدودة...ما يتهيأليش حد عملها صيانة 10000
- التويوتا رقم واحد ياباني وهوندا رقم اثنين..واعتقد الاثنين سمعتهم مش عايزة كلام ..خلي بالك من سمعتهم دي..وتوكيلاتهم محترمة جدا
طبعا الهونداوالأوكتافيا بتوع بلدهم..الباقي فرنساوي تركي..وياباني جنوب افريقي...ولا انا غلطان في دي..
- الاوكتافيا لو دخلت في المقارنة...تطلع كل العالم دي بره...وكماليات للصبح ..وسمعة وبرستيج وأداء وصاج وثبات ..و..و...
شكرا
-
بص زي ما قلت قبل كدة انا مقتنع بالفلوينس جدا"........بس مش معقولة كل ما اسأل حد اسمع الكلام إلي بيتئال على الرينو عامتا".......انا رحت إمبارح معرض اوتوماك عشان خالص استقر..وفعلا" كنت خلاص إستقريت على الفلوينس......بس مش عارف لية و انا طالع من المعرض عديت على جناح تويوتا و هوندا (ويارتني ما كنت عديت) و الاثنين في مكان واحد...فا رجعت تاني لنفس الحيرة إلي انا فيها :36_1_2[1]:
انا اساسا"اخري 150000 بس قلت لنفسي ممكن ازقها شواية ل160000 بالعافية...عشان كدة حطيت الهوندا سيفيك base lineاقتباس:
هو لو زودت عشرة ممكن تدخل الفانتازيا الاوتوماتيك معاك في المقارنة ويبقي بيتقارن 2 ياباني مع 2 اوروبي
بص الكورولا افضلهم اولا
التوكيل الجيد
سرعه التداول
اسعار قطع الغيار المناسبه
القوه تيوتا اقواهم
الرينو فلونس
اسعار قطع غيار غاليه جدا
بطئ جدا فى التداول وفى منها فئه ب 115 الف فا سعرها هينزل جامد وهتخسر كتيير
وبصراحه خطا من اى شركه انها تعمل عربيه واحد بفروق سعريه كبيره ياعنى مثلا السيراتو مابين 100 الى 125 فا سعر الاعلى فئه هيكون قريب من سعر الاقل فئه عشان سعرهم وصاحبها مش هيخسر كتير امال انتا لما تكون عربيه بى 115 الف وفيه منها موديل ب 158 فانتا هتكون خسران فى العربيه خساره كبيره وفى السوق و هيقولك العربيه ديه سعرها من كذا لكذا وهيا اصلا بطيئه فى مصر وهو ده العيب الوحيد الى شايفه فيها
والحكايه ديه عن تجربه كانت عربيتى حالتها جيده جدا وبعتها برخص التراب عشان سعر السوق كل لما اقول لواحد السعر يتخض ويمشى ويقولى يا عم ديه سعرها فى السوق من 30 الى 32 وانا كنت طالب 42 الف جنيه بس بعتها بعد كذا شهر ب 36 الف
والهوندا سيفيك
جميله وكل حاجه بس ليه تحرم نفسك من الكماليات ديه مدام معاك فلوس وعلى فكره احسن عربيه
وبصراحه انا مش برشحلك اى عربيه من دول لو تعرف تجيب اوبل استرا يبقى احسن من دول بميت مره وعربيه جميله جدا
ولو هتختار انا ارشح الكورولا مع ان شكلها رخم شويه بس احسنهم والرينو فلونس شبه الفورد مونديو وشكلها بصراحه خرافه بس مشاكل الرينو كتير ومشاكل صناعه ودديه سمعه بس بصراحه انا مجربتش العربيه
ولو تعرف تجيب سوبارو بردو تبقى كويس جدا
لا فعلا الاوبل عربيه حلوه اوى وانا من اشد معجابيها وعلى فكره الرينو مش وحشه وعربيه جميله وشكلها حلو بس مشتريش عربيه سعرها 158 وف منها فئه ب 115 بس لو انا معايه 130 الف اشترها بدل لما اشترى سيراتو ولا العربيات الكورى الكحيانه و هشتريها من غير مفكر بس مبيبقش سعرها سعر الاسيفيك و ااوكتافيا ولا انا غلطان وربنا يبركلك فيها وعايزين تقرير حلو كده وصورها وانا سعيد بمعرفتك وانا بتكلم بس فى حكايه السعر ياعنى مثلا لو فيه اوبترا ب 90 الف وفيه منها فئه ب 130 هتحس انك راكب عربيه ب 130 الف ولا هيبقى احساسك زى الى معاه 90 الف وهى ديه وجه نظرى والمفروض كل الشركات تنزل فئتين او تلاته فى العربيه والواحد مش اكتر من كده
هيا الاسترا الجديدة أساساً سعرها ١٧٥ ألف ،بعيدة عن الميزانية اللي العضو الفاضل حاطتها .
تجربه الميجان فى السوق المصريه خلت الواحد يخاف من الفلوانس من ناحيه سعر اعاده البيع اللى بينزل بنص تمن العربيه بعد سنتين تلاته من الاستخدام.
على الرغم من اعجابى الشديد بالعربيه بس اخاف اشتريها.
لو الكورولا راسيه على الطريق وتقيله على الارض خاصه وانت بعد 140 كيلو\ساعه وعدى جنبك نقل ولا اتوبيس وعربيتك مااتهزتش
يبقى توكل على الله فى الكورولا.ياريت لو حد من ملاك الكورولا يفيدنا فى النقطه دى لان انا كمان بفكر فى الكورولا بجديه
وناقصنى بس حد يفيدنى فى النقطه دى ويا ريت لو حد يعرف وزن العربيه كام.
لو طلعت العربيه تمام فى النقطه دى يبقى كده العربيه دى أحسسسسسسسن أختيار.
أما السيفيك مش هاتكلم عنها لانها عربيه ميه ميه بس واطيه على الارض وللاسف دى ماتنفعش فى مصر.
أنا من وجهة نظري المتواضعة ،لو سيفك يبقى Vti، الفئة الاساسية في السيفيك فاضية بالمقارنة بالرينو و الكورولا ،لو حضرتك مش فارق معك الكماليات هات سيفيك .
لا بص انا مقولتش عربيات تعبانه بس الاوبل فعلا عربيه جميله جدا
الرينو فلونس عربيه جميله جدا وشكلها رائع وشيك وفخمه واوروبى وخماتها ممتازه بس نقطه اعتراضى على العربيه انها ب 115 الف فلما يشترى العربيه ب 158 ال مش هيحس انو راكب عربيه بالفئه السعريه ديه هيحس نفس احساس الى معاه 115 الف صح بس
وربنا يبركلك فيها وانا بردو معايه كورولا وعربيه محترمه
وانشاء الله لما تستلم العربيه عيزينك تصورها وتعملنا تقرير حلو وانا سعيد جدا بمعرفتك
بس انا محستش بكده خالص على فكره وهيا مش ياريس ومكنتش انتشترت اوى وكل الى قالو مش ثابته كانت بعد 180 او ال 170 مش بعد 140 ياعنى لانوس اكتر ثبات منها استحاله وانا كنت راكبها ممكن يكون الجنوط الاسبور بردو ليها عامل وممكن يكون فيه مشكله فى الترصيص بتاع العربيه الى انت ركبتها
بجد مش عارف إزاي اشكركم على تفاعلكم مع الموضوع و الحيرة إلي انا فيها....بس بجد لسة حيران قوي.
انا عارف إني تاقلت عليكم قوي.....بس بجد احسن حل في حاجة زي كدة..هصلي صلاة إستخارة استخير الله عز و جل......و إن شاء الله حظي مش هيخيب
نتيجة إالاستطلاع حتى الان الفلوينس في الصدارة و بعديها الكورولا .....فعلا" باين إن السيفيك خارج حساباتي عشان فعلا" مش بحب اسوق عربية مش full options
هو أنا لما جيت اشتري كنت بين الكورولا والسيفيك و لو رجع بيا الزمان هختار نفس الاختيار
و ربنا يوفقك
انا خلاص إن شاء الله هروح الإسبوع إلي جاي احجز الفلوينس
إدعولي يا رجالة
ربنا يبركلك فيها واختيار موفق ان شاء الله وتكون سعيد بيها ويهيدك خيرها ويكفيك شرها