الموضوع: ممكن مساعده علشان انا لوجى جننتى وعايز اشتريها

المشاركة الأصلية كتبت بواسطة gazzar91

أولاً أنا مقصدتش إهانة.. كل الموضوع لما بنتفاجئ بإمتحان أو أي حاجة ماكانتش على بالك بتقول "خازوق" يعني أنا لما رحت إتفرجت عليها ماكنتش حاطط في بالي إني ألاقي أماكن الزراير كدة مش أكتر و مقصدتش أهين حد و مطلعتش فيها عيوب غير إن أماكن الزراير غير معتادة.

بص يا باشمهندس جزار انا والله اعتراضى مش على انك بتقول عيوب فى العربية لكن فى نفس الوقت انا مش بحب تضخيم العيوب وكلمة خازوق دى تقيلة اوى ومعانيها تختلف من شخص لاخر

ثانياً أنا إعتذرت.. و حضرتك برضه مصر تحرجني و تقوللي "الملافظ سعد".

انا ولا عايز احرجك ولا احرج حد .. بس انت مش بتشوف مدى الاستفزاز اللى بيتقال فى القسم دة

ثالثاً أنا قلت مش هرد على حد بشخصه , lو مع ذلك رديت على حضرتك علشان مبحبش أزعل حد و بالذات ملاك رينو اللي لما بيبقى حد فيهم عنده مشكلة مسيبهاش إلا لما أفكر في حل ليها و ساعات حتى بستعين بمهندسين من اللي كانوا معايا في التوكيل..

وانا والله مش بحب ازعل حد ومايخلصنيش انك تزعل منى ... لكن انت مش بتشوف كم الاستفزازات اللى الواحد بيشوفها دى وصلت ان فى ناس بتدعى انهم معاهم العربية علشان يدخل يسم بدنا بكلام مالوش لازمة ويخترع عيوب فيها ودة تضليل للعضو اللى بيسأل ولا يمكن السكوت عليه ... انت شايف توقيعى بقى عامل ازاى ما هو من كتر اللى بشوفه عملتلهم لوجان مطلعة لسانها هههه
..

عموما واضح ان فى سوء تفاهم بالذات فى فهم الكلمة واللى بيختلف فهمها من واحد للتانى

عندي سؤال بقى... ممكن أعرف إيه اللي يرضي حضرتك دلوقتي؟؟؟

عايز لفة بالسيراتو ... وربنا يباركلك فيها ويعطيك خيرها
صافى يا لبن