حبيبتي :)
كنت مستنيه مشاركتك
يا جماعه فيه ازواج بيكون معندهمش مشكلة في ان زوجاتهم يشتغلوا بالعكس دا هو اللي بيشجعها و يدفعها للنجاح و بيمشوا حياتهم بالمشاركه بينهم
و في ازواج بيكونوا متفقين مع زوجاتهم من قبل الزواج انهم مش عايزنهم يشتغلوا و دا حقهم مادام دا طلبه من الاول
و في زوجات اضطروا للشغل بالرغم انهم مش عايزين يشتغلوا بسبب ان ازواجهم قاعدين في البيت :) و عايز الهانم تصرف عليه
و بعدين معلش يا جماعه مش هنضحك علي بعض 70% من الرجاله بيطالبوا الست تشارك معهم في مصروف البيت سواء بتشتغل او لا
و الكلمة المأثورة روحي لاهلك يجيبوا لكي
ايه بئي راي الاخوة المشاركين في الموضوع دا في نوعية الرجالة دي؟
مع العلم اني مش مع عمل الزوجة الام بس هو دا الواقع الزوج مش عايز يقوم بواجباته و عايز الست تربي الاولاد و تاخد بالها منه و من البيت و تشرفه قدام اهله و صحابه و تصرف علي البيت طيب يبقي ازاي حل المعادلة الصعبة دي؟
و انا ضد اللي بيقول ان اي ست تشتغل يبقي اولادها ضايعين بالعكس في سيدات فاضلات كانوا بيشتغلوا و ربوا اولادهم احسن تربيه و احسن من اللي كانت قاعده في البيت
المفضلات