تقييم الفانتازيا يا جماعة أخيرا

**hmadacompaq** · 10-06-2010 01:56 PM

بقولك يافندم انا عاوز منك استشاره عشان انا بفاضل بين سكودا والاوبل والتيوتا

فا عاجبنى سكودا الجديده جدا بس للاسف مش خبره فى العربيات انا عرفت منك شوية معلومات كتيره الحمدلله

الواحد نادر م انه بيتطرق ليها فا انا عاوز سكودا اوتوماتك اهم حاجه بس حابب اعرف يعنى العربيه دى جامده جدا جدا

وانا الصراحه عاوز عربيه تريحنى وانا مقدرتى 180 الف فا لوحضرتك شايفلى ان العربيه دى قويه رشحهالى لو شايف ان فيه حاجه افضل ياريت تدلنى عليها لان من الواضح ان حضرتك خبره فى العربيات ومستنى ردك

**inspiron** · 10-06-2010 03:54 PM

المشاركة الأصلية كتبت بواسطة hmadacompaq

بقولك يافندم انا عاوز منك استشاره عشان انا بفاضل بين سكودا والاوبل والتيوتا

فا عاجبنى سكودا الجديده جدا بس للاسف مش خبره فى العربيات انا عرفت منك شوية معلومات كتيره الحمدلله

الواحد نادر م انه بيتطرق ليها فا انا عاوز سكودا اوتوماتك اهم حاجه بس حابب اعرف يعنى العربيه دى جامده جدا جدا

وانا الصراحه عاوز عربيه تريحنى وانا مقدرتى 180 الف فا لوحضرتك شايفلى ان العربيه دى قويه رشحهالى لو شايف ان فيه حاجه افضل ياريت تدلنى عليها لان من الواضح ان حضرتك خبره فى العربيات ومستنى ردك

أولا بشكر حضرتك علي ثقتك دي في رأيي..

ثانيا أنا أرشحلك العربية دي وأنا مطمئن إنك إن شاء الله مش هتقابل حاجة تضايقك منها وتخليك تدعي عليا

.
العربية بسم الله ما شاء الله زي ما واضح في التقرير مش ناقصها حاجة تقريبا.أنا كنت بقارن بينها وبين الجيتا علي إعتبار إنهم نفس الفئة وكانت مقارنة محيرة جدا وإنتهت لصالح الفانتازيا الحمد لله..

توكل علي الله ومش هتندم ولو إحتجت أي حاجة أنا تحت أمرك...حضرتك بالمبلغ اللي معاك إشتريها بـ 168000 والباقي ركبلها السينسور الأصلي بتاعها في التوكيل والجنط الـ 17 الأصلي...بجد هتتبسط من العربية جداااااااا..والله المستعان