فضيحه !! " عيب صناعه واضحه " بالصور

**hobaz** · 04-06-2010 02:11 PM

خليك وراهم ومتسيبش حقك...........

**shod90** · 04-06-2010 04:43 PM

وراااااااهم و اوعى تسيب حقق .. و انا و انا بشترى العربية اول حاجة هبص عليها هية الحتة دى ههههههههه !!!

**Rsarabia** · 04-06-2010 05:25 PM

ربنا معاك فى مشكلتك بس دى حاجة غريبة جدا جدا ازاى و انت بتستلم العربية من اول مرة مخدتش بالك من حاجة زى دى ؟؟

**morasystem** · 04-06-2010 06:46 PM

سيادتك مين اللى قال إن ده عيب صناعة ... المكان ده فيه كاوتشيتين قبال بعض بيغطوا على الفتحة دى إنما دى مبتتقفلش و ملهاش علاقة لا بسخونة كونسول ولا يحزنون ... و حكاية إن الكونسول كله عايز يتغير فدى لامؤاخذة نصباية كبيرة و يا ريت متعملش صيانة فى المكان ده تانى ... اتفض حضرتك دى صورة لفرامل اليد الطبيعية .... كبر حضرتك الصورةو بص تحت على الشمال هتلاقى الكاوتشيتين اللى بقول عليهم

السبب بقى إن الكاوتشيتين دول مش موجودين ... ده غالبا يرجع لعيب فى الصيانة و ليس عيب فى الصناعة ... لأنهم أكيد أكيد أكيد نسيوا يركبوا الكاوتشيتين دول و هم بيشدوا فرامل اليد أو ركبوهم بس وقعوا بعد كدة

**yasserelsayad** · 04-06-2010 07:54 PM

الموضوع بسيط جدا اطلع على فرع ابو رواش وقابل المهندس خالد و خليه يشوفها وهما هركبولك الحتة اللى ناقصة دى تبع الضمان من غير ما انت تدفع اى حاجة .. بدل ما الناس عمالة تقولك خليك وراهم ومتسيبش حقك والكلام دا وانت اصلا مرحتش التوكيل دا كان كلام مركز معتمد
وبعدين مفيهاش اى حاجة لو التوكيل قالك اسبوع او اسبوعين ويجبولك الحاجة عشان ممكن تكون فعلا مش عندهم ودا حصل معايا فعلا وبعد اسبوعين كلمونى قالولى الحاجة وصلت تعالى فى اى وقت ركبها

**NoRmAl** · 04-06-2010 11:35 PM

الكاوتشه الى ناقصه دى لا يمكن تكون طلعت كدا من كوريا
أكيد المركز الى أنت رحته ده هما خدوا الكاوتشه
شالوها ونسيوا يركبوها
لا يمكن تطلع بالمنظر دا من كوريا
أنت تطلع عليهم بتفهمهم كدا
دى أول مره أشوف عربيه بالمنظر دا وممكن فعلا تكون الحته دى بتطلع سخونه
السؤال أنت متأكد أنك مستلم العربيه كدا!!!!

**Ahmed Samy** · 05-06-2010 04:11 AM

عيب صناعة ايه بس

استهدى بالله و ماتتسرعش

دي كاوتشه على شكل حرف u بتكون ماسكة على برواز الفتحة من جوة بستة كلبسات
الكلبسات دي قصيرة قوي وممكن واحد منهم يفك و انت بترفع الهاند يقومو الباقيين يفكو و الكاوتشة تقع جوة

الموضوع ببساطة

هاتفك مسامير الكونصول و ترفعه من ورا و تثبت الكاوتشة و تربطه تاني

ولا ميكانيكون عرب و لا عجم و لا توكيل و لا الهوا

كهربائي أو بتاع فرش يعملها و ايخد عشرين جنيه و بالسلامة

انما لو عربيتك ضمان .......

يبقى تروح التوكيل

و تطلب تغير القطعة

و اتأكد من الكلبسات انها سليمة

**lolly136** · 05-06-2010 09:40 AM

look am at el kattamya now

check from where u buy the car
go for them an let them ask for this piece for u

and i will check from here now the price if u wanna have it

any way if u read my words now try to contact me to give u more details