معي 65000 جنية اشتري بيهم ايه

**casperinoo** · 14-02-2008 11:35 PM

ياجماعه الراجل برده قال انه عايز استهلاك بنزين قليل
فليه كل الكلام علي ال 1600
بص في السعر ده واستهلاك بنزين قليل وزيرو
يجيب اتوس او بيكانتو او باليو او اونو فاير
في السعر ده مستعمل هتلاقي حجات صغيره و احسن طبعا
بس للأسف انا مش متابع اسعار المستعمل
بس فيه شوية عربيات في السوق لا غبار عليهم..وانا شايف ده افضل طبعا
يعني ممكن تجيب سيات ابيزا...بونتو...بولو...سيتروي� � سي 3 ...بيجو 206...بس الموديل بتاعهم بقي فبصراحه مش متابع بس ممكن الاعضاء هنا يفيدوك

**SEATLOVER** · 15-02-2008 12:03 AM

المشاركة الأصلية كتبت بواسطة casperinoo

ياجماعه الراجل برده قال انه عايز استهلاك بنزين قليل
يعني ممكن تجيب سيات ابيزا...بونتو...بولو...سيتروي� � سي 3 ...بيجو 206...بس الموديل بتاعهم بقي فبصراحه مش متابع بس ممكن الاعضاء هنا يفيدوك

الحاجات دى اللى هايوفرة فى البنزين فى سنة هايدفعة فى تيل واحد من بتوعهم .
وعلى العموم لو عايز اسعار المستعمل فى دول
ابيزا 94-99 من 38 -46
فوق ال 2000 بيبتدى من 55
حالات كويسة فقط .

**LUX** · 15-02-2008 05:18 AM

بص يا سيدي
لو عايز عربية لعييلة و تكون كويسة بالمبلغ ده عند الخيارات الاتية :

1-دايو لانوس 2008 بس هتزود شويه في الفلوس علشان تجيب اللي فيها اوبشنز

2-فيرنا جديد...وفيه فيرنا فيفا جديدة حلوة برضه.

3-فيات سيينا جيديد ...عربية عائلية و جامده و شكلها حلو
مافتكرش انها فيات تبقي وحشه؟
وفيه فيات باليو كمان حلوة .بس هي هاتش باك.
4-لو بتحب المتانة خد للك واحدة لادا جديدة ..
و مش شرط تكون اللادا ال2107 لو انت مش عاجباك :D
ده فيه موديلات كتييرة للادا دلوقتي حلوة و مش وحشة خالص
وفيها اوبشنز كمان و قطع غيارها متوفرة و رخيصة.

5-وفيه الصيني بانواعه طبعا ..
بس انا مش بانصحك بيه (مع إحترامي الشديد لكل ملاك الصيني) ..
عيب الصيني الاساسي ان العربيات دي ورق و اختبارات الامان و السلامة بتوعها دون المستوي..:(
و انت بتقول انك عندك عائلة. فيبقي حرام تجيب صيني وتركبهم معاك.

---كل ده كان بالنسبة للجديد ... وانا انصحك انك تجيب جديد بدل وجع الدماغ ..
اما بالنسبة للمستعمل (اللي انا مش بنصح بيه خالص) :(
انك تكشف كويس جدا مرة و اتنين علي العربية اللي انت هتجيبها .
واتمني ان اكون علي الاقل فيدتك بحاجة :)
__________