كده كتير يا مان و اعصابي مش مستحملة
انت ناوي تجيبلي الضغط؟:confused::confused:
ممكن تقول عايز تعمل ايه و انا اقولك و خد كلامي ثقة و خلااااااااااااااااااااص
عرض للطباعة
ايه يا عم....
سلامه اعصابك:D :D:D
انا كنت بوضح Rms بتاع السماعات
و قلت اديلك سوءال علي الماشي D:
احمد باشاااااا
ازاي اخلي الجي ام يطلع 2 اوم او 4 اوم....
ايه التغير اللي اعمله علشان ييغير الاوم.....
و هل بيفرق لو وصلت 2 اوم بسماعات 4 اوم....ايه الفرق يعني؟؟؟
ولو جي ام مثلا 400 وات 4 شانيل و وصلته بسماعتين بس.....يعني كده في 2 شانيل هيكونوا فاضين
كده هيطلع 400 وات كلهم يعني.....و كده عادي مافيش منه مشاكل ...ولا لازم اجيب 2 شانيل علشان سماعتين بس
انا عارف انك جابت اخرك مني:(
بس انت عارف اني بش بحب حاجه تعدي من تحت ايدي :)
صباح الخير يا عمرو
بس العضو احمد اتوقف من فترة
بسبب مواقفه المتهكمة على الدين
دا كان موضوع مشهور
معلش يا دكتور انا واجعلك ديماغك...
بس هو اتوقف علطول ولا مده معينه؟؟؟
شكرا يا دكتور علي تعبك....
تصبح علي خير
انا موصل 2 سماعات سوني اكسبلود 400 وات اصلي rear على كاسيت 60 وات اصلى ايضا و لكن الصوت مش كويس بالمقارنة بالمبلغ اللي دفعتة فهل ال gm هو الحل ؟؟
و هل ال gm ممكن يضخملي الصوت للدرجة اللي تعلي ال bass في السيارة ؟؟
ألف شكر ليك يا باشا علي الموضوع الجامد ده
طب كل ده حلو بس انا بفى اشتري ايه؟
بص ياباشا تغيير الاوم بيبقى عن طريق طريقة توصيل السماعات ودة يخضع للقوانين الفيائية المعرفة في توصيل المقاومات
يعني التوصيل عالتوالي بيجمع الاوم
و التوصيل عالتوازي لو معادلة تانية 1/س + 1/ص = 1/ع
يعني لو انت عندك سماعتين 2 اوم توقو توصلهم عالتوالي على جنب واحد يبقى كدة المقاومة 4 اوم عالجنب دة او عالشانيل دة في الامبليفية
و لو انت عندك سماعتين 8 اوم (طبعا ماينفعش ان توصلهم عادي كدة عالامبليفير او عالكاسيت لأن الصوت حايبقى مكتوم جداً و ضعيف و كمان حمل كبير عالامبليفير او دايرة تكبير الهيديونيت تخليها تسخن و تتحرق) يبقى توصلهم على جنب واحد عالتوازي و بكدة يبقى اللود 4 اوم عالجنب او عالشانيل دة
و خللي بالك انك لو وصلت سماعتين 4 اوم عالتوازي (المعادلة تقول 1/4 +1/4 = 1/س يبقى س هنا تساوي 2 بطبيعه الحال) يبقى 2 اوم عالجنب و بالتالي حاتلاقي الصوت عالي جدا بس نقاء الصوت مش تمام يعني حايبقى فية Distortion و مش بس كدة و لكن حاتلاقي ان السماعه عمرها الافتراضي بيقل كتير لانها ساعتها بتاخد ضعف القوة اللي هي مفروض تشتغل عليها
يعني حاجة تانية نوصل لها
ان السماعه ال 4 اوم لما تكون 20 وات RMS لو انت وصلتها مع سماعه تانية زيها عالتوالي يعني خليت 8 اوم عالجنب يبقى كدة مفروض تخللي الجنب دة على امبليفير 40 وات RMS مش 20
و بالمثل لو انت وصلتها عالتوازي مع سماعه تانية زيها يبقى كدة انت مفروض توصلهم على امبليفير 20 وات بس لانها كدة حاتتحمل بس 10 وات و التانية زيها يبقوا 20 وات حمل عالجنب او الشانيل دي
(عالتوازي يعني انك تحط السلك السالب مع السلك السالب بتوع السماعات مع بعض و تجمعهم عالسلك اللي جاي من الامبليفير و بالمثل لسلك الموجب)يعني تفرع سلك الامبليفير على سلوك سماعتين, و التوصل عالتوالي يعني انك تدي من الامبليفير سلك كهرباء لسماعه و توصل سلك الارضي بتاع السماعه دي مع سلك الكهرباء التاني اللي جاي من سماعه تانية و توصل سلك الارضي بتاع السماعه التانية في السلك الارضي بتاع الامبليفير (مكلكعه شوية بس اقراها تاني و ركز حاتيجي معاك)
لذا يفضل ان التوصيل دايما يبقى لسماعات 4 اوم في صوتيات السيارات لان العرف جرى ان الكاسيت و السماعات و الامبليفيرات في صوتيات السيارات ان مقاومة السيستم بتبقى 4 اوم بعكس صوتيا المنزل بتبقى 8 اوم
و فية طريقة انك توصل سماعات متعددة على نفس الشانيل في الامبليفير و يفضل الاوم زي ماهو 4 اوم من غير تغيير بس طريقة مكلكعة شوية و محتاجة سماعات كتير شوية
و بالنسبة للامبليفير ماينفعش انك تسيب شانيل او اتنين فية فاضيين
و انما تعمل عليهم بريدج و تخرج الخرج على 2 شانيل بس دة لو الامبليفير بريدجبل
بجد مش عارف ارد اقول لحضرتك ايه....
الف شكر بجد علي المعلومات الحلوه ديه
بس انا اللي ملاحظه ان الموجود دلوقتي 4 اوم و 2 اوم
بصراحه مأخدتش بالي من 8 اوم دول.....
و معلش يا باشا ....بس صدقت اني لقيت حد بيفهم في الصوتيات:049:
طيب معلش يا جماعة سؤال بما أنكم بتفهموا ..
اللي راح معرض أوتومك إيه رأيه في أجهزة ال JVC و سمعاعاتها .. ؟!
:):)
JVC good head units heavy duty
medium quality Speaker sound
spare parts not easily available or affordable prices in the market here
شكرا جدا يا باشا
افادكم الله
الف شكر على الموضوع ده --- فعلا انا كنُُُت عايز اعرف معلومات عن ال Gm وبصراحة افدتنى .....
مستنيين باقى المواضيع
أحييك يا أدهم على المعلومات القيمة والجامدة دى فعلا
أنا كنت عايز أسأل سؤال بعد اذن حضراتكو
أنا معايا جين تو وعايز اركب Gm-250 بس مش عايز اركب سمعات زياده فى العربيه واخرم والكلام دا ومش عارف اعمل ايه ؟
مش عارف يا أخ كوداك أصلى العربيه لسه جديده وهخرم فيها وساعات تحصل مشاكل فى السماعات المتركبه دى من الهزهزه للعربيه وسلك يفصل والكلام دا مبحبوووش .
وبعدين انا فى اسكندريه ومعرفش حد كويس وحنين
ومشكووور جدا على ردك الكريم
طيب بعد اذنك انا عندي استفسار انا عندي كاسيت سي دي بايونير وسماعتين بايونير 400 وعايز صوت الدبه يكون عالي تنصحني اني اركب جي ام وازود سماعتين تاني ولا اركب الجي ام علي سب ووفر وياريت في كل الحلات تقولي نوع الجي ام الكويس ايه وخارجه كام
الل ينور يا باشا
عاوزين نعرف بقه الانواع والاسعار والقدرات المتوفره فى السوق
ازاى اوصل بريدج لامبليفير 4 شنل
مع العلم انه قابل انه يتعمله بريدج
شكرا للمساعده
هتحتاج صب 12 انش وانصحك بال JBL ال 1000 وات هو صينى بس ملوش حل وهتحتاج جى ام 4 تشانل علشان يشغل كله
مثلا الكينوود ال 700 وات 4 تشانل فى حدود 800 جنيه
وصلة البريدج هى انك بتاخد 2 تشانل توصلهم لصب
مثلا هتاخد الطرف الموجب فى التشانل الاول مع السالب فى التاشنل التانى
وكده يبقة انت اخدت قوة الطرفين تقريبا على الصب
انا لسه شارى جى ام كينوود 500 وات 4 شانيل فيه ضمان 8 شهور تاريخ تركيبه 2-8-2008 جبتو على 500 جنيه هو انت لو شفته اصلا هتقول عليه لسه زيرو و معاه علبتو و ضمانو و كل حاجه ايه رايك فى سعره كدا كويس ولا اتخميت فيه؟ انا سالت عليه فالتوفيقيه كان مبين 670 و 660 و ايه رايك الجى ام دا احسن ولا السونى ال 600 التايلاندى ولا السينفونى ال 600 الصينى
و عايز اسالك برضو هل الجى ام ليه عمر افتراضى ولا بيبوظ من ايه عشان ابقى عارف
و شكرا يا مان
سعره كده كويس جدا وهو فعلا جديد ب 670 جنيه
ملوش عمر افتراضى اعتقد طالم انت محافظ عليه ومثبته فى مكانه كويس ده اهم حاجة
وهو احلى من السونى والسيمفونى طبعا
سلامو عليكو
دي اول مشاركه ليا في قسم الصوتيات و كنت عاوز استشاره صوتيه:
عندي جي ام 200 وات و سماعدتين صيني مدورين 240 وات و عاوز اجيب اتنين كينوود 400 واط و اشغل الاربعه مع العلم اهم السي دي ع الجي ام ينفع كده و 8 اغيدفاف
معلش اصلي كنت داخل من الموبايل
جي ام 200 وات غالبا لسماعتين بس
سي دي 160 وات مطلع الصوت منه ع الجي ام
سماعتين صيني مدورين 240 وات
ينفع اجيب اتنين كينوود 400 وات و اشغل كله و لا لازم اغير الجي ام
يااااااااااارب حد يرد
الجى ام ضعيف على السماعات الكينوود بس هيشغلهم عادى
ولازم علشان تشغل الاربع سماعات تغير الجى ام بواحد 4 تشانل
لو هتركب الكينوود وصل الجى ام عليهم والاتنين الصغيرين على الكاسيت علطول
طيب مينفعش امشيهم كده لغايه ربنا ما يفرجها و اغير الجي ام و كمان انا اساسا كنت موصل الجي ام ع اربع سماعات قبل كده بس اتنين منهم بتوع العربيه و ضعاف جدا
طيب هو ينفع اساسا احط المدورين الكبار في الباب
حجمهم زي الاصليين اللي كانوا ورا؟؟؟؟؟؟؟؟؟؟؟؟؟؟؟؟؟؟
لو اللى ورا نفس مقاس بتوع الابواب يبقة ينفع
جزاك الله خيرا والله استفدت جااامد وانت جاوبت على اسئلة كتير كانت في دماغي شكرا ونرجو المشاركة بالمزيد
سلامو عليكو
أفدتني جدا جدا وشكرا ليك قوووووووووووووووووي
انهي جي ام احسن الكين وود ولا سيمفوني