ماذا تعرف عن الgm؟ (رحلة في عالم الصوتيات)

**nahla** · 05-06-2008 07:13 PM

طب كل ده حلو بس انا بفى اشتري ايه؟

**Adham** · 07-07-2008 11:09 AM

المشاركة الأصلية كتبت بواسطة 3mr Farrag

احمد باشاااااا
ازاي اخلي الجي ام يطلع 2 اوم او 4 اوم....
ايه التغير اللي اعمله علشان ييغير الاوم.....
و هل بيفرق لو وصلت 2 اوم بسماعات 4 اوم....ايه الفرق يعني؟؟؟
ولو جي ام مثلا 400 وات 4 شانيل و وصلته بسماعتين بس.....يعني كده في 2 شانيل هيكونوا فاضين
كده هيطلع 400 وات كلهم يعني.....و كده عادي مافيش منه مشاكل ...ولا لازم اجيب 2 شانيل علشان سماعتين بس

انا عارف انك جابت اخرك مني:(
بس انت عارف اني بش بحب حاجه تعدي من تحت ايدي :)

بص ياباشا تغيير الاوم بيبقى عن طريق طريقة توصيل السماعات ودة يخضع للقوانين الفيائية المعرفة في توصيل المقاومات

يعني التوصيل عالتوالي بيجمع الاوم
و التوصيل عالتوازي لو معادلة تانية 1/س + 1/ص = 1/ع

يعني لو انت عندك سماعتين 2 اوم توقو توصلهم عالتوالي على جنب واحد يبقى كدة المقاومة 4 اوم عالجنب دة او عالشانيل دة في الامبليفية

و لو انت عندك سماعتين 8 اوم (طبعا ماينفعش ان توصلهم عادي كدة عالامبليفير او عالكاسيت لأن الصوت حايبقى مكتوم جداً و ضعيف و كمان حمل كبير عالامبليفير او دايرة تكبير الهيديونيت تخليها تسخن و تتحرق) يبقى توصلهم على جنب واحد عالتوازي و بكدة يبقى اللود 4 اوم عالجنب او عالشانيل دة

و خللي بالك انك لو وصلت سماعتين 4 اوم عالتوازي (المعادلة تقول 1/4 +1/4 = 1/س يبقى س هنا تساوي 2 بطبيعه الحال) يبقى 2 اوم عالجنب و بالتالي حاتلاقي الصوت عالي جدا بس نقاء الصوت مش تمام يعني حايبقى فية Distortion و مش بس كدة و لكن حاتلاقي ان السماعه عمرها الافتراضي بيقل كتير لانها ساعتها بتاخد ضعف القوة اللي هي مفروض تشتغل عليها

يعني حاجة تانية نوصل لها

ان السماعه ال 4 اوم لما تكون 20 وات RMS لو انت وصلتها مع سماعه تانية زيها عالتوالي يعني خليت 8 اوم عالجنب يبقى كدة مفروض تخللي الجنب دة على امبليفير 40 وات RMS مش 20

و بالمثل لو انت وصلتها عالتوازي مع سماعه تانية زيها يبقى كدة انت مفروض توصلهم على امبليفير 20 وات بس لانها كدة حاتتحمل بس 10 وات و التانية زيها يبقوا 20 وات حمل عالجنب او الشانيل دي

(عالتوازي يعني انك تحط السلك السالب مع السلك السالب بتوع السماعات مع بعض و تجمعهم عالسلك اللي جاي من الامبليفير و بالمثل لسلك الموجب)يعني تفرع سلك الامبليفير على سلوك سماعتين, و التوصل عالتوالي يعني انك تدي من الامبليفير سلك كهرباء لسماعه و توصل سلك الارضي بتاع السماعه دي مع سلك الكهرباء التاني اللي جاي من سماعه تانية و توصل سلك الارضي بتاع السماعه التانية في السلك الارضي بتاع الامبليفير (مكلكعه شوية بس اقراها تاني و ركز حاتيجي معاك)

لذا يفضل ان التوصيل دايما يبقى لسماعات 4 اوم في صوتيات السيارات لان العرف جرى ان الكاسيت و السماعات و الامبليفيرات في صوتيات السيارات ان مقاومة السيستم بتبقى 4 اوم بعكس صوتيا المنزل بتبقى 8 اوم

و فية طريقة انك توصل سماعات متعددة على نفس الشانيل في الامبليفير و يفضل الاوم زي ماهو 4 اوم من غير تغيير بس طريقة مكلكعة شوية و محتاجة سماعات كتير شوية

و بالنسبة للامبليفير ماينفعش انك تسيب شانيل او اتنين فية فاضيين

و انما تعمل عليهم بريدج و تخرج الخرج على 2 شانيل بس دة لو الامبليفير بريدجبل

**3mr Farrag** · 07-07-2008 08:40 PM

بجد مش عارف ارد اقول لحضرتك ايه....
الف شكر بجد علي المعلومات الحلوه ديه
بس انا اللي ملاحظه ان الموجود دلوقتي 4 اوم و 2 اوم
بصراحه مأخدتش بالي من 8 اوم دول.....
و معلش يا باشا ....بس صدقت اني لقيت حد بيفهم في الصوتيات

**Mzeid** · 07-07-2008 08:47 PM

طيب معلش يا جماعة سؤال بما أنكم بتفهموا ..
اللي راح معرض أوتومك إيه رأيه في أجهزة ال JVC و سمعاعاتها .. ؟!
:):)

**Adham** · 08-07-2008 11:16 AM

JVC good head units heavy duty
medium quality Speaker sound
spare parts not easily available or affordable prices in the market here

**Adham** · 08-07-2008 11:18 AM

المشاركة الأصلية كتبت بواسطة 3mr Farrag

بجد مش عارف ارد اقول لحضرتك ايه....
الف شكر بجد علي المعلومات الحلوه ديه
بس انا اللي ملاحظه ان الموجود دلوقتي 4 اوم و 2 اوم
بصراحه مأخدتش بالي من 8 اوم دول.....
و معلش يا باشا ....بس صدقت اني لقيت حد بيفهم في الصوتيات

8 اوم دي بتبقى سماعات البيوت

يعني لو نزل تشتري صب و لقيت البياع جايبلك 8 اوم تعرف انة سماعه بيت و حايبقى مقاومتها عالية و عاوزة امبليفير ضعف القوة المكتوبة عليها
فامتشتريهاش و بالذات ان سعرها بيبقى رخيص قوي