الموضوع: حد يعرف الجهاز ده فايدته ايه ؟

حد يعرف الجهاز ده استخدامه في ايه ؟

الرابط
لأول مره فى مصر - محول كهرباء سيارة - قدرة 220فولت - 200 وات -- من مجموع| سوق.كوم

المشاركة الأصلية كتبت بواسطة karimabulela

الجهاز ده اسمه انفرتر inverter و كما قال الاعضاء الكرام هو يستخدم لتشغيل اى جهاز كهربائى على بطارية السيارة بس يتم مراعاة ان الوات الحاص به هو 200 وات فقط و لذا يجب عليك معرفة الجهاز المراد استخدامه يستهلك كام وات من دليل الاستخدام حتى تتجنب تخطى كمية الوات الخارج من الانفرتر ، و فى حالة رغبة انفرتر بقدرات اعلى مثل 300 او 400 وات ممكن تنزل العتبة عند راديو طلعت او من باب اللوق عند مول النخيلى

+1
كلام مظبوط الجهاز دا بيحول الكهرباء بتاعة العربية من 12 فولت dc الي 220 فولت ac تردد 50 هيرتز الللي هي الكهرباء اللي بنستخدمها في بيوتنا و بيتوصل بولاعة السيارة او ممكن توصله بأقطاب البطارية مباشرة عن طريق كابل توصيل بجاكات
الجهاز دا معايا من 5 سنين كان والدي اشتراه من السعودية و كان اغلي من كدا بس طبعا ياباني مش صيني
و علي فكرة الجهاز بينغعني في مواقف كتيرة لو الكهرباء مقطوعة ممكن اجيب بطارية عربية و اشغل عليها التلفيزيون لو فيه ماتش مهم و عاوز اسمعه في البيت و كمان بشغل عليه تكييف صحراوي ( تكييف مياه ) و اضاءة بس مش كتيرة بس الجهاز قدرتة 1000 وات
و كمان فيه منه أجهزة بتشحن البطارية من تاني لما الكهرباء ترجع عشان البطارية تبقي مشحونة للأزمات يعني بيبقي تنجر شحن

المشاركة الأصلية كتبت بواسطة powerofhelll

بيحول كهرباء السياره لكهرباء منزليه و تستطيع توصيل اي جهاز عليه مكواه و سخان اي جهاز منزلي

الجهاز فايدته انه بينفع في الأزمات و عشان تشغل عليه سخان او مكوه يبقي انت عاوز جهاز قدرتة اكتر من 1500 وات علي الأقل

المشاركة الأصلية كتبت بواسطة kemoelord

طيب الجهاز ده حلو جدااااااااااا وخصوصا لو هشغل لاب توب عليه , بس السؤال لو الجهاز اي كان لو الواط تبعه اعلى من 200 واط الي بيخرجهم الجهاز هل ده غلط ولا هتبقى قدره الجهاز ضعيفه فقط ولا الجهاز ده فيه منه انواع كتير وحسب الاجهزة الي هستخدمها اجيبه نوعيه مطابقة للاجهزة

الجهاز يشغل لاب توب عادي جدا
بالنسبة لو انت مثلا معاك جهاز 200 واط و شغلت علي حمل 250 وات او اكتر اللي هيحصل انه الأمبير المسحوب من الجهاز هيعدي القيمة المسموح بيها و بالتالي هيقطع الفيوز الخاص حماية الجهاز و الجهاز هيفصل
كل ما عليك انك تفك الفيوز التالف و تركب فيوز سليم و تخلي بالك ان الحمل ما يزيدش عن القدرة الخاصة بالجهاز