الموضوع: الرد على موضوع - سعر الاوبل وقع و لا اشتغالات

المشاركة الأصلية كتبت بواسطة zizo50001

بصى يا استاذة نورة الموضوع دلوقتى موضوع حالات ماشى يعنى مثلا اتصلى ب واحد من العربيات اللى موجودة دى و روحى شوفها وانتى هتعرفى لية هو طالب فى عربية مثلا موديل 2000 طالب مثلا 45 دة مستحيل لية لان الناس النهاردة مش هبلة علشان العربية لو حالتها نضيفة تجيب مثلا لحد 60 حسب الحالة مش معقولة هو كاتب 45 و لسة هيفصل كمان دة اكيد العربية فيها مصيبة طبعا لان مفيش حد عارف ان عربيتة حالتها كويسة ومش عايزة مصاريف ويروح يرمية لا طبعا
تانى حاجة كان تقريبا معانا واحد هنا اسمة استاذ احمد و عربيتة كانت موديل 2002 تقريبا وبعها ب 73 وكانت 2000 cc cd مش cdx لان العربية حالتها كويسة

مش بافتراض أن الناس هبله ! لكن هو دا سعرها الى ماشى فى السوق؟ والناس الى عارضه عربياتها طالبه اسعار واقعية ، مش خيالية !!! ولا ايه رأى حضرتك؟

المشاركة الأصلية كتبت بواسطة NoraMagdy

مش بافتراض أن الناس هبله ! لكن هو دا سعرها الى ماشى فى السوق؟ والناس الى عارضه عربياتها طالبه اسعار واقعية ، مش خيالية !!! ولا ايه رأى حضرتك؟

بصى يا استاذة نورة و مش بافتراض ان الناس هبله هل يعقل ان مثلا واحد شارى عربية السنة اللى فاتت مثلا ب 70 ويجى يبعها بعديها بسنة ب 45 الف يعنى خسر فى سنة فى عربية مستعملة 25 الف لية يعنى كل دة علشان تكيف و معرف ان سعر الاوبل فيكترا مثلا اللى هى b1 اللى هو الشكل من موديل 96 لحد 99 دة بيعمل فى حدود 48 لحد 55 وسعات بتوصل 57 بس بتبقى حالات ممتازة وكل دة على حسب الحالة (والحالة اللى هى مش الشكل بس لا دة ماتور والات جر وصاج وشاسية وقوايم و تكيف وكمليات الخ )حاجات كتير و الحاجات دى مش اى حد يعرفها عيزة حد متخصص انا مش معقولمة مثلا معايا فكتيرا b1 و انا شايف سعرها فى السوق من 48 لحد 55 وانا اعرضها مثلا ب 35 دة اكيد فيها مصيبة ومش مصيبة صغير دة كرثة
و مثلا الفيكترا a دى بتعمل من 40 لحد 50 حسب الحالة ومش معقولة انا عندى عربية وكنت شريها مثلا ب 55 وبصرف علية ومش عايز شلن ولا اى مصاريف اجى ابعها ب 30 مثلا اكيد طبعا فى حاجة غلط ومش عيب ماتور ولا عافشة ولا اى حاجة دى اكيد مقلوبة
والاسعار دى حسب انتى عايز شتشرى دماغك ولا لا يعنى من التعب

طيب ايه رأيكم ياجماعه من فتره كان قدامي استرا 2001 زيتي كمان ب35000 جنيه
ايوه 35000
طبعا روحت اتفرجت عليها لقيتها مش اوبل استرا لا فيات استرا مافيهاش من الاوبل غير العلامتين
وخبوطه في الصدر من قدام الصدر متبهدل علشان صاحبها دخل بيها في شجره وتكييف بايظ تماما وعفشه انتهت صلاحيتها من 4 سنين طبعا العرببهه عامله حادثه ويادوب صاحبها سمكرها ورشها وخلاص
هل من الممكن اني اقارن سعر دي بسعر اي عربيه سليمه طبعا لا

اكيد لا ياباشا
الحاله هيا اللى بتحكم مش السوق

ما انا بقول كدة يا اسلام مش كل واحد كتب كلمتين يبقى خلاص هو دة السعر المناسب لاى عربية العربيات حالات و هل صاحب العربية مهتم بالعربية و بيصرف ولا بيدعك العربية و بس

وبرضه لو بصيت علي عربيات الايجار العربيات دي برضه لما بتتباع بتتباع رخيصه جدا طبعا استحاله سعر السوق يتحدد علي عربيه زي دي