ادينى صابر على الاخر
عرض للطباعة
مش فاكر موضوع عقل طفل دي بس لو اعتبرنها تساوي غير ناضج فايوه بالنسبالي انت متسرع جدا في احكامك و مع ان المشاركات في اي منتدي بتاخد وقت تعمل رد و تقعد تكتب و تراجع كلامك علي الرغم من كل الوقت دا انت بتغلط!! و بتغلط في ناس انت مش اهل انك تغلط فيهم و راجع موضع خلافي معاك هتعرف انك غلطان في ناس بتشتغل و حتي لو شغلهم مش عاجبك ميحقلكش انك تشتمهم و لما ربنا يكرمك و تشتغل هتعرف قيمه كلامي دا
مره تانيه تأني في ردك و فكر اولا حقك ايه و عليك حقوق تجاه الغير في ايه و عمر حد ما هيشتكي منك
لعلمك انا لا هستفيد من مدحك ولا من ذمك و برضوا لا هستفيد من عز في مدح ولا في زم انا ممكن بكره ابيع العربيه وتلاقيني في قسم تاني
بص يا محمد انت عارف طبعا إنى علاقتى بيك كويسة الحمد لله على الرغم إنها مش عميقة أوى بس هقوللك رأى محايد بخصوص مواضيعك و مشاركاتك و أراء بعض الأعضاء اللى بتتتهمهم بالتحامل عليك و يا ريت ماتزعلش منى:
أولا يا محمد و انت بتعرض وجهة نظرك خاصة فى عيوب العربية مش بتناقش و مش بتسأل انت بتقر باللى انت شايفه رغم إنك مش بتعمل كده فى مواضيعك التانية فأصلا بداية كلامك أحيانا بتخللى الناس تنفعل قبل ما تكمل الموضوع على أساس إنك مش بتسأل ده انت متأكد من وجهة نظرك و بتعرضها زى مثلا موضوع علبة الدركسيون لو تفتكره كان كلامك عايزين نشتكى للتوكيل و يشوفلنا حل على أساس إن الموضوع ده عند ناس كتير.
ثانيا لو تفتكر انت جبت الناس الكتير دى إزاى هتحس إنك اتسرعت يعنى مثلا أنا فاكر كويس إن اتنين من الناس دى اللى هما أنا و أسامة حطيتهم على أساس مكالمة تليفونية غير واضحة المعالم بينى و بينك لما سألتنى بشكل عارض فى تليفون إذا كانت المشكلة دى عندى ولا لأ و رديت ساعتها و قلتلك أنا عن نفسى مش حاسس بيها بس مرة أسامة علق عليها و هو راكب عربيتى و قال إنه سمع الصوت على الرغم إنى مش حاسس بيه و إنه قاللى إنه عادى و مش مؤثر من غير ماتزعل منى هل انت شايف إن ردى ده يديك الحق إنك تتكلم على لسانى و لسان أسامة و تقول إننا من ضمن الناس اللى عندهم مشكلة. مبدئيا أسامة ما قالش إنها عنده و بعدين أنا أصلا مش من حقى أتكلم عن لسانه فما بالك و انت بتاخد كلامى.
ثالثا موضوع سرعة العربية لو تفتكره و إنها ما بتكسرش ال190 حسب كلامك و إنك حاولت معاها و ما عرفتش على الرغم من إنك فى الرحلة بتاعة السخنة كنت راكب مع واحد جاب 200 و هو بيشد مع النيو أكسنت بعربية ويرا 1300 فمش عارف عدم تصديقك ده كان على أى أساس و بعدين أيمن مثلا فى بداية الكلام ما غلطش لما قاللك ما تعممش تجربتك عشان فيه ناس كتير عدت ال200 لكن لو انت أخدت بالك كنت متعصب لرأيك جدا و ما بتتناقش مع حد انت بتثبت وجهة نظرك و بس و ده اللى خللا الموضوع يحتد وقتها
رابعا مع كامل احترامى لإن علاقتنا أون لاين علاقة الكترونية بحتة و إن كلنا بالنسبة لبعض أعضاء متساوين على منتدى واحد بصرف النظر عن المهنة أو السن أو المستوى المادى او الاجتماعى بس الناس اللى اتقابلت و عرفت بعض زى الأستاذ خالد حمدى مثلا ما ينفعش أبدا بعد ما قابلت و شفت الإنسان ده على الطبيعة و عرفت إنه شخص أكبر منى سنا وبمرحلة كمان إنى أتعامل معاه على المنتدى بالندية دى على الأقل احتراما لسنه زى ما الناس بتتكلم مع المهندس آمر فى الموضوع بتاعه كلها بتحفظ الألقاب و فى قمة الاحترام معاه هل ده لأنه بيشتغل فى التوكيل فبنحترمه عشان محتاجنله و لا بنحترمه عشان هو أصلا انسان محترم و تعامله مهذب مع الناس كلها و عمره ما طلع حد عنده مشكلة و فى الأول و الآخر لأنه أكبر مننا سنا. يا ريت يا محمد و انت بتختلف مع حد اختلف زى ما انت عايز بس لو تعرف سن الشخص اللى بتتكلم معاه تحطه فى اعتبارك لأنى شفت تعليقاتك مرة مع ناس كبار و بصراحة ما عجبتنيش. انت عارف إن أيمن كان فى الأول بيقوللى أستاذ هيثم و حضرتك لحد ما أنا رفعت الألقاب بيننا و ندمت بصراحة لأنه دلوقتى بيقوللى ياه و يا له و هيتضرب المقابلة الجاية إن شاء الله
محمد انت بشكل عام انسان كويس و كمان مواضيعك جميلة أنا عن نفسى بحب أقراها و بستفيد منها بس لو أخدت بالك من الملاحظات اللى عدت دى هتلاقى الدنيا اختلفت معاك كتير و الناس كلها بتحبك و بتقدرك عشان انت فعلا بتكتب مواضيع كويسة و مفيدة و فكرك بشكل عام أكبر من سنك.
و أتمنى فى النهاية ما تكونش اتضايقت من صراحتى معاك لولا إنى حاسس إنك أصلا إنسان كويس و الموضوع ده أكبر دليل طبعا ما كنتش هكتبلك اللى كتبته
استاذ احمد
تم عقابى من ادارة المنتدى وقتها بسبب خطأى اللى فعلا كان موجود
هل هذا لا يكفى ؟؟؟
هل ادارة المنتدى لم تنجح فى اعظاء الطرف الاخر حقه كاملا فحضرتك بتكمل مثلا ؟؟؟؟ !
على كل حال اختلاف فى وجهات النظر وانا مش زعلان منك وانا على فكره ماغلطش فى شخص معين ساعتها انا غلط فى منظومه كامله
واذا كان فى حد بتعزه فى المنظومه دى فانا ااسف ليك جدا لانى فعلا غلط
بس انا مش مش ناضج (انا غير منافق واللى فى دماغى بقوله واحيانا فى وش صاحبه كمان)
المشكلة يا محمد إن عربيتك فيها مشاكل بس انت شايف انها مشاكل عامة وملهاش حل في التوكيل وان الناس اللي بتقول معندهاش مشاكل يا اما كدابين وتقريبا بياخدوا عمولة من التوكيل ياما مش حاسين ان عندهم مشكلة
ارجو انك متزعلش مني بس نصيحة فكر ان في فرق بين المصداقية والتحامل
)اقتباس:
بس انا مش مش ناضج (انا غير منافق واللى فى دماغى بقوله واحيانا فى وش صاحبه كمان
انا عارف اني لو اتكلمت 3 سنين برضوا مش هتفهمني
ابو مريم ارفعلك القبعه الي انا قعدت اقوله في جمل انت لخصته شكرا جدااقتباس:
ارجو انك متزعلش مني بس نصيحة فكر ان في فرق بين المصداقية والتحامل
يا عم الحساب عمال يتقل النهارده اخر كلام اول ما تفضي اديني تيليفون 0122325164 و متخفش هدفع هدفع :)
أنا مش شايل منك أصلا يا محمد و بس حبيت إنى أوضح وجهة نظر مش أكتر و ردودك كلها المرة ماشاء الله جميلة و هادية و هو ده أسلوب الحوار اللى نفسنا فيه و أنا سعيد بمعرفتك بشكل عام