الموضوع: بكل صراحه : حد زعلان منى ومن مشاركاتى ؟؟ وليه؟؟

السلام عليكم

انا عملت الموضوع ده فقط لانى لا احب ان يكرهنى احد

قضيت يوم جميل مع اعضاء وملاك بروتون (يوم المقابله)
وتعرفت على الكثير من البروتوناويه واصبحنا اصدقاء

فى الفتره الاخيره واجهتنى بعض المشاكل فى سيارتى
ومن متابعتى للمنتدى لاحظت تكرار نفس المشاكل مع بعض الاعضاء الاخرين

وكان رد فعلى الطبيعى هو نصح بقية الاعضاء واعلامهم بمشاكل السياره قبل شراءها (التى واجهت اكثر من عضو)
لانى لا يهمنى مبيعاتها ولا انتشارها بقدر اهتمامى بمصلحة الناس


فوجئت بردود افعال غريبه جدا صدمتنى
فيعض الاعضاء جرحو فى شخصيا وكذبونى وسبونى واصبحو يهاجمونى بشكل غريب
وهناك من خسرنى بسبب السياره واختلاف اراءنا

ربما اكون مخطىء ولكن فى ماذا ؟؟؟
وان كنت مخطىء فهل خطأى يستحق كل هذا ؟؟؟؟؟؟؟؟؟؟؟

هل حبكو الشديد للسياره يخليكو نغلطو فيا شخصيا حتى لو انا غلطان؟؟؟؟؟؟؟؟


يا ريت نتكلم بصراحه واللى زعلان منى يقولى انا زعلان عشان كذا فى وشى ويايقنعنى يا اقنعو

شكرا

المشاركة الأصلية كتبت بواسطة elassar2010

حضرتك الى صح لما يتوضح مشاكل العربية الى حصلت معاك ومع زملائك انت بتعرف الى هيشترى عيوب العربية

اما الى بينكر ان فى عيوب فى العربية هو حر وهياخد ذنب انة بيكدبك وانة بيضلل السائل

ويينى وبينك الموضوع دة انتشر كتير فى المنتدى لما واحد يقول عدى مشكلة فى العربية الاعضاء تهاجمة وتبهدلة علشان قال عندى مشكلة اكنة كفر بالله
استمر فى طريقك

للاسف فى كتير بينكرو وجود مشاكل فعلا بس مش عشان بيكدبو لا عشان ماحصلتش معاهم المشاكل فبيعممو على كله ان مافيش مشاكل
وان اللى يقول فى مشكله كذا ده غلطان
شكرا يا باشا على المشاركه الجميله

المشاركة الأصلية كتبت بواسطة msafa

للاسف حب الناس للعربيات ساعات كتيرة بنسيهم حب الناس
يعني في قسم هنا في نايل موتورز واحد دخل يقول انا عندي مشاكل في العربية و هم كذا و كذا و محتاج مساعدة

الرد كله كان حاجات على غرار
حرام عليكم انتو عاوزين تشوهو العربية ليه
انت ليه مصر تقول انها عربية وحشة
انت شكلك مش عارف ايه

وكله ضرب ضرب و مفيش حتة شتيمة، ولما قال الزجاج جاله سرطان كل الناس قالت دي غلطته مش معقوله عيب تصنيع، ولما 4 جالهم سرطان عرفو ان الرجل عنده حق



الخلاصة، انا و الله بحب مواضيعك و كنت مبسوط لما عرفت اسمك و حطيت صورتك، ولو حد تعرض لشخصك انت مش محتاج رد عليه او ممكن تعمل ريبورت للادارة، لكن طبعا انا اختلف معاك بس من غير ما نخسر بعض


تحياتي

فعلا انا شوفت الكلام ده
شكرا يا باشا والله وانا بردو بعزك جدا جدا
وفعلا نفسى تبئا الثقافه العامه لكل الاعضاء انك تختلف معايا فى الرأى لكن ماتخسرنيش كشخص
شكرا جدا

المشاركة الأصلية كتبت بواسطة felix

+11111111111
وبعدين يامومو ان انت تدي معلومات عن مشاكل العربية قبل محد يشتري ده عين الصح علشان محدش يجي يدعي عليك لو عربيتو فيها حاجة غلط

ده اللى انا بقولو وباقنع الناس بيه

المشاركة الأصلية كتبت بواسطة eslamkasem

للاسف بجد الناس بتحب ماركة برتون وبتدافع عنها لدرجة انها ممكن تزعل انسان سواء كان صديق او عضو في المنتدي وناسية في الاخر ان احنا اخوات في الاسلام او حتي الوطن عشان تثبت ان العربية تمام ومفهاش مشاكل

طبعا بالامانة محمد بحترم وجهة نظره بس متزعلش مني يا محمد انتا بتنفعل شوية ودا يمكن الي بيخلي الناس تاخد علي كلامك بعض الملاحظات انتا ممكن تنقد بس بشكل خاص وبطريقه تخلي الي قدامك يفكر في كلامك بهدوء وميبقاش لاقي غلطه تخليه يكلمك بطريقة انتا مش حببها

عموما انا معاك يا محمد واي حد جديد بيقولي ايه رايك في برتون بقوله مميزتها ومشكلها عشان دي امانة وهنتحاسب عليها قدام ربنا لما نقول ان العربية تمام منغير مشاكل ويطلع فيها مشكله ويجي يوم حد يقولي منك لله انتا الي خلتني اجبها عشان قلت ان مفيش فيها غلطه

فعلا كلامك صح انا ساعات باطلع من اعصابى لكن بجد بيبئا نتيجة تراكمات من عضو معين او كده وبارجع اعتذرله جدا

عموما انا اتشرفت بيكو فى الموضوع وخليكو شاهدين انا بحاول اصالح الناس اللى متدايقه وهم اللى مش راضيين يدخلو فى الحوار

ومازلت باحب برسونتى وركوبتها وباكره مشاكلها
بالمناسبه المشاكل ظهرت مع العضو فيليكس واسلام قاسم
وده دليل على انها تكررت مع اكثر من عضو وانى على حق فى اخبار الناس بيها

ومازلت منتظر رد احد الاعضاء اللى هاجمونى او خسرونى
شكرا للجميع